مشورتكم راحت علي مكينة السوناتا 2006

خلاص استخدمها دامها ماشيه كويس ومافي اختلاف بصوت المكينه
بس غريبه ايش الي انكسر
ياخوفك الميكانيكي يكذب عليك وجاب قطع حديد بيسوي فيها فيلم مافهمت مشكلتك

والله ما ادري هي المشكلة من يومين جا صوت غريب وقوي من جوه المكينة وبعدين راح والعزم صار ضعيف والزيت اتحول لون اسود

ما انصحك تستعمل لان ممكن يروح عليك العمود و السلندر ينشعر 
ووتضطر بدال توظب تاخذ من التشليح شي مجهول استخدامه

اذ حاب توضب انشالله رح تمشيك سنين بس اذ حاب تغير حاول انك
تتأكد اذ مكينة السوناتا 2009 فما فوق تركب على سيارتك يكون افضل ﻻن المكينه هذي عزمها قوي
وجودتها ممتازه وهيونداي تستخدمها حتى اﻻن في سوناتا 2015 وتحصلها
في التشليح بكثره وموديل حديث وبالتوفيق انشالله

انصحك توضب بس بشرط

قطع الغيار أصلي وكاله

ومخرطه محترفه 

وميكانيكي محترف وبعد كذا انسى المشاكل إن شاءالله ترجع المكينه لحالة الوكالة 

اخوي دام عزمها ضعف وتغير الزيت مالك الى تخليه يفك المكينه يتاكد ايش الي اتضرر ويغيره بدون ماتوظب المكينه وتخسر دام
مكينتك الحاليه فيها عمر وماواجهت مشاكل خليه يتاكدلك من السبايك وخلافه وباذن الله ماتاخذ مبلغ كبير وتصلح معاك
بالتوفيق

لا تستعمل، و اعرض السيارة على أكثر من ميكانيكي فاهم و متمكن إذا أتفق أكثر من واحد على التوضيب سم بالله و وضب المكينة بقطع أصلية سواء كنت مستخدم أو بايع لأن السيارة في ذمتك الآن و ترى قطعها رخيصة و السيارة تستاهل كل ريال يدفع فيها بحكم تجربتي معها ثلاث سنوات.

افظل لك روح التشاليح وخبرهم ابغي اغير مكينه سيارتي بمكينه نظيفة وزيد فارق بسيط فالسعر

شوف يا عمده 
ما دام لقيت قطع حديد بالكارتير والزيت يعطيك ناقص والحين تغير لونه 
فغالبا ان قطع الحديد هذي الشنابر متكسره عندك والزيت قاعد يدخل للسلندر ويحترق مع البنزين 
وعشانه يتسرب ضغطه نازل عشان كذا مولعه لمبه الزيت
اذا لقيت دخان ابيض مع الشكمان هذي تأكد لك 

عموما يا وحش مشيك عالسياره الحين يزيد المشكله 
فشوف وش تبغئ واصمل عليه من بدري 
انت حاب السياره وبتوضب .. وضب وقطع الكوري رخيص  اهم شي شغل اليد وواحد امين تعرفه 
اذا ضربت الحمى من الاخر بتكلفك من الخمسه للسته بشغل اليد والمخرطه 

بتشتري مكينه من تشليح ... لا تاخذ الا من مكينه ما انفكت .. تشوفه يفكها قدامك من السياره 
لو حلف لك عالمصحف على مكينه مفكوكه انه توه فاكها ..تراه كذاب 
وخذها بالضمان ... ووخر عن المكاين الياباني تراها موضبه بقطع تجاري ان جملت معاك سنه بالكثير 

تشوف والله ان السياره جملت معك ثمان سنين خلاص بتعتقها .. عاد صرفها ولا بيعها 
ومعوض خير يا صاحبي 

انا مكينتي كانت تطلع صوت طقطقة ووضبتها .. المهم احسلك توضب مكينت بلدها بدال ما تغير المكينة

و كانت سيارتي تروح و تجي من أحسن ما يكون و طلع يبغالها توضيب و معوض خير