بخصوص قير التبترونك

تكفون افيدوني اليوم مسافر

عادي حوله على التبترونك وعلى حسب ضغط المكينة تغير النمره اخويسوى في الطلوع او النزول

سوق على ال D مثل اي قير اوتوماتيك
اذا لك مزاج اتغير يدوي حوله يدوي وانت حدد متى تغير فقط ... سقت سياره تيبتونيك لمدة 3 سنين ونادرا ما كنت استعمله
ولكن حتى لو ما غيرت وال RPM ارتفع للأحمر السيارة رح تغير اتوماتيكيا ... ممكن تستعمله للمرتفعات او المنحذرات
ولكن ال M مود يعطيع شعور رياضي وكانك تسوق سيارة قير عادي ولكن بشكل سهل بدون كلتش ... فقط بلمس القير للتغيير اعلى او اقل

نصيحة لا تستخدمه الا عند الحاجة لانه بيصرف عليك لانه يعطي اقوى عزم للسيارة 

نفس القير العادي 
اذا تبي الموتر يشد عزمه شوي ترجعه نمره 
نفس نظام الاوتوماتيك الدعسه الثانيه يرجع نمره
واذا بخط طويل تريحه تقدم نمره 
اشوف ماله داعي خصوصا بالسيارات الصغيره مثل الالنترا
ينفع للسيارات الرياضية عشان القومه 

باختصار : لا تستخدمه لين تبيع السيارة.



هو يستخدم لتعليق السيارة في نمرة معينة، كأن تضعها في الثالث في المنحدرات أو الطلعات، ولكن بشكل عام لا تستخدمه.



درب السلامة يالغالي.

مفيد جدا في حاله الفرامل المفاجي واللفات القويه والمنحدرات

حليلهم حقين الكوريلا ٢٠١٤ وقيرهم اوتو بس و4 تروس قيور سيارات القديمه 

استخدمه عند الحاجة في المرتفعات الصعبة او المنحدرات القوية

وحاول ان لا تستخدمه للتهدية لانه غير مخصص لذلك

الله يعطيكم العافية جميعا على الردود
والله يسلمك يابو احمد

أستخدمه للطلعات فقط ... 

والمقاوم م احرص عليه لكن شيء حلو يعطيك حماس

كثرت استخدام التبترونك تضر القير 
وانت مسافر خله على D لا تحطه تبترونك لا جتك طلعه او مرتفع او شي حطه تبترونك 
ورجع نمر بشكل مناسب 
موفق

يا اخوي لابد ما تتعلم مع سواق صح لانة مع ظغط المكينة ولا يتعلم بالكتابة ولا تحاول انك تعبث 
لانة ممكن يكسر السلندر حق المكينة خلك على D الي تتعلم من احد

أنا سيارتي مازدا 6 وفيها قير تيبترونك .. تقدر تستخدمه في أي وقت .. الفرق فقط أنه أنت تعشق بنفسك كما تشاء ..

لأنه أحياناً السيارة ممكن تعشق متأخر أو تضعف من عزم السيارة في مكان ما تبغاها تضعف فيه .. ويفيدك كثير على طرق السفر الي فيهرا مرتفعات ولفات وهكذا..


طبعاً لما تهدي بشدة وتكون في نمرة عالية .. فالسيارة أوتوماتيكياً تبدأ تعشق لك تنازلياً

ومثلاً كنت في نمرة ومريح السيارة الـ 4 مثلاً .. واحتجت تدعس للسيارة وكنت مركز ع الخط وما قدرت تعشق للـ3

بمجرد دعسة قوية يرجع لك للـ3




هو بيفيدك أكثر شيء في السفر والسرعة أو المقاومات - لا أنصح بها -  لأنه بيريحك .. لكن داخل المدينة متعب كأنك بقير عادي بدون كلتش ..


هذا الي عندي من تجربة :)

بالنسبة للقير انا معي النترا 2014 استخدم العادي اذا ابي اشد بالموتر اما بالسفر احطه ع التوماتيك الا اذا جاءت لي لهفة الدعس ارجعه عادي وماشاء الله وبسم الله على المواتر الالنترا الجديدة قسم بالله اطلق ممن السوناتا اللي كل سقفها اصوات تقول جالس بطيارة وسلامتكم

مايفيدك إلا واحد مختص 

انا استخدمه بشكل يومي لاني اداوم جبال 
اذا طالع اخليه بالثاني واذا نازل ايضا بالثاني 

على كامري ١٣ ***

قد نزلت بالنترا 2013 1.8 من عقبة قوية في السودة بعسير اسمها (الصماء) عجبتني اني حولتها تيبترونيك وحطيتها في 1 وأهم شي (خل المكيف شغال ) لانه يمسك السيارة شوي والله مالمست فراملها لين وصلت تحت مع العلم يوم طفيت المكيف دحدرت بقوة وعشقت 2 على طول

ميزة غريبة واكتشافها غريب بس حلوة هههههههههههههههههههههههههههههههههههههه

طيب كيف اعرف الاول والثاني
لأن حق الانترا يجي عند الN موجب
وعند الD  سالب

والله يعطيكم العافية