كيف اركب ازرار على دركسون سوناتا 2008

انت قصدك انت موترك استاندر مافيه تحكم وتبي تضيفه يعني ؟؟؟ تمدد له او تركب طارة وتوصل لها كهرب


اذا مقصدك كذا نصيحتي خل الموتر على شد بلاده ترى اللي عندنا سباكين وبيعفسون عليك الموتر انتبه خله على فاله دامه سالك معك

ستاندر ابي اضيفها له 

وهل تظركهرب السيارة 

انا كانت معي 2006 وفيها تحكم بالمسجل ترى مافيه فرق تدري ليش لأن مافيه الا الزرارين اللي يطول ويقصر وحق الميوت واللي يغير من cd الى اف ام يعني مافيه اللي يغير اغاني او شي حرررام تقعد تخسر على غير سنع وثانيا ماضنتي بيضبطونها صح وخوفك تطلع لك مشاكل في الكهرب بعد ما يفكون الطارة ولا يخربون الحساس حق الارباق وتولع معك لمبة صدقني انهم منتهين خل الموتر على فاله احسن

انت تبغى حقت التحكم بالصوت؟؟ ولا مثبت السرعة؟؟ انا ركبت ازرار مثبت السرعة على سيارتي واشتغل الحمدالله زي الوكالة واحسن

كيف ركبت مثبت السرعه ياليت تفيدنا

الموضوع بسيط.. انا سيارتي كيا موهافي 2013 ستاندرد. ما فيها مثبت سرعة, دورت على النت حصلت ازار مثبت السرعة والسلك حقها, البائع اكدلي انه بيشتغل بمجرد التركيب, وصلتني القطعة من برا وجا وقت التركيب, طبعا ما في احد رضي يفك الدركسيون خوفا من الايرباج, انا دورت في النت واليوتيوب لحد ما عرفت الطريقة. مجرد برغيين تفكهم وكل شي يطلع برا, طبعا فصلت البطارية عشان الايرباج ما يطلع, ركبت الازرار والسلك اللي معها خلف الايرباج في مكان مخصص لها, على طول اشتغل مثبت السرعة ونورت اللمبة حقت مثبت السرعة في العدادات, واستعملت المثبت وكل شي تمام, وشغال زي مثبت السرعة الوكالة بدون اي فرق