رايك يهمني ...

السيارة بصفه عامه ممتازه وخدومة وقطعها رخيصة جداً جداً بس انت لا تعتمد على كلام راعيها افحصها مسمار مسمار محركات كمرات بدي مع ان ممشاها واجد لو تقول لنا بكم عرضها عليك عشان نشوف هل تستاهل او لا ..

سعره اتوقع من 15 وعليه 

والاكسنت معروفه اقتصاديه  + عملية 

ومبروك مقدما ..<3

طالب فيها 15 

الموديل هذا فيه عيوب ؟ او مشاكل ؟

احسها كثيره على موتر ماشي اكثر من 300 و مكينته صغيره 1.4 !!!!!!
بس جزاه الله خير راعيها ما نزل بالعداد و قال لك اللي فيها

انا من وجهة نظري ان ممشاها واجد وبسعرها او لو تزودها 2000 بتلاقي نفس الموديل وممشى اقل يعني تحت الميتين 
لأن الي يقلك الممشى ما يأثر على السيارة هذا مع احترامي يا غشيم يا شريطي الممشى يقلل من عمر المكينة يعني ممكن تستخدم سنة ثم توضب مابعد ال300الف غير وجع الراس خصوصاً المكاين الصغار كثر خيرها انها طقت ال300الف بدون مشاكل رأيي دور وابحث واتعب وربك مابيضيع تعبك وراح انك تلاقي سيارة انظف واقل ممشى بالتوفيق ..

ممشاها واجدشوي لكن سعرها ان قلنا غالي شوي فهو غالي شوي
وان قلنا ماهو غالي فهو ماهوغالي  فهمتوا شيء ههههه
اقصد ان سعرها الحقيقي13وهوطالب15يعني2000ريال اذا منت محتاج توكل على وشترها
اعتبر ان 2000شريت راحتك فيها بدال الفرفره بالمعارض ويمكن تطول مالقيت موتر يعجبك 
موفق ان شاء الله

انا ابي اكدها 3 سنوات وشوي

تهقون تكمل معي ؟

الله كريم ممكن تكرف معك
حسب استخدامك
لكن المستعمل سوقه راكد
دور سيارة اكبر و اقوى مكينة
ممكن ال15 تلقى فيها النترا او كورولا او صني
انظف و افضل و اريح

بالنسبة للموتر كويس وخدوم وعملي وقطعه رخيصه لكن نصيحتي دور لك وحدة انظف منها اذا معك شوي مادة افرق كم الف وطق لك وحدة توماتيك ماشيه اقل منها وبدي افضل ووقفتها حلوووة ترى الاكسنتات متقاربة اسعارها


بس ياليت ياخوي تعلمنا كم حدك ؟؟؟ يعني كم بتقدر توصل له وبنفيدك ان شاء الله بالموديل الزين والمواصفات

فلوسي 15 الف , طالب بالجامعة 

حدها 15 أو أقل 

خذها لكن لازم تحافظ عليها إذا المكينة والقير كويسة خذها
بعدين النوع هذا النوع يكرف

والله سعرها غالي لان فيها سمكره وموديلها يعتبر قديم

ومشكلة الموديلات اللي تحت 2010 يكون فيها عيب الدركسون قطعه كهربائيه تتغير كل فتره

ماهو زي 2010 و 2011 تجيك الطاره هدروليك ولها زيت دركسون

راح يضطر بعدين يولف لها طاره هدروليكيه زي واحد من ربعي بالجامعه

راح اخذ قطع من التشليح علشان يقلبها زي طارتي الاكسنت 2010

انا من رايي تصبر وتبحث افضل منها

ممشاها كثير وسمكره مااعطيها ابد 15 كثير عليها

حدها من 13 وتحت

وانت ورايك

موفق

بايع 2011 فل تماتيك

21 الف

تعتبر غااااليه شووي

سعر خواتها مايتعدن 11...12

تفريبا السعر التقريبي لها 12 الف واخصم قيمة الاصلاحات

ثلاثمية الف 

ابعد ابعد عنها 

هذي يومين وتخبط عليك

الله يسعدكم على الردود وبيض الله وجيهكم
 ودي اعطيكم لايكات بس نقاطي ماتعدت ال30