عندي مشكلة حل هونداي اكسنت 2014

طيب لازم كذا علشان لاتطفى السياره 
لأنها 4 سرندل فلازم اذا شبك الكمبروسر يرتفع امير RPM علشان لاتطفى في اغلب سيارات الثمانيه سرندل يشتغل الكمبروسر او يطفى ماتحس فيه لأن المكينه قويه ولا يأثر عليها الكمبروسر 

كلام اخوي القناص صحيح لازم الظغط يتحرك شي بسيط مع تشغيل المكيف لأن الموتر مكينته صغيرة وطبيعية جدا خويي معه 2013 والحين الموتر ماشي معه 15 تقريبا او 18 الف ومن اول ما طلعها وهي كذا عادي جدا انه يتحرك


اهم شي انه مافيه نفظه او ضعف كهرب اوتفتفة هاذا اهم شي


وبالنسبة للصوت فهو عادي تسمع اشتغال الكمبريسر وهو يفصل او يشبك عادي


الموتر مافيه شي وكل الله

القناص : انا عارف والله بس ماظهرت المشكلة ذي الا بعد مامشيت 6000 اول كان الوضع عادي . اعرف صوت الكمبروسر اذا فصل مو منه 

تطمن اخوي والله سيارتك مافيها شي باقي جديده لاتروح لأحد يلعب لك في السياره ويتعلم فيها ويدمرها عليك 

اجل راجع الوكالة وشف وش يقولون لك

انا رايي من راي القناص اصبر واذا شفت المشكلة تضاعفت رح الوكالة مع اني احس انها طبيعية جدا

ابي حل سريع الوكالة يتفلسفون وهيه اخر حل ^_^

الحل بتروح لميكانيكي ولا كهربائي وبيعفس لك الموتر ويضيق صدرك زود الا خل الموتر على وكالته وفك عمرك

اذا انت اللي تسمعه مع تشغيل المكيف صوت ونه مثلن خفيفة او شي ترى عايدي كل سيارة تطلعها ويمكن تكون من المروحة تشبك او شي عادي تعرف حنا حر والجو اعوذ بالله

بالنسبة للظغط مثل ماقلنا لك عايدي يتحرك شوي لأن الموتر مايبي يضعف بزيادة وبرضوه شيك على فلتر الهواء حق المكينة يمكن وسخ او ان خرطوشه مشقوق مع اني نسبة ضعيفة هاذي

انا اقول طبيعية وانا ما شفت الموتر

لكن يمكن انت متحسس شوي عشان الموتر جديد وصاير تدقق

لا والله المشكلة مقدر ارسل فيديو ولا علمتك صدقني المشكلة مو طبيعيه سيارتي وانا عارفها خنت حيلي لعنت سابع جد لها هههههههههه

اجل مالك الا الوكالة وانتبه احد يلعب عليك يقول بنروح لكهربائي ولا ميكانيكي كويس ويقعد يفكك ويجرب

اذا انت صامل ان الموتر مهب طبيعي رح للوكالة لو يتفلسفون على الاقل الموتر عندهم ولو صار لا قدر الله شي لينه عندهم

انا نفس المشكله صارت لي ووديتها الوكاله فرع خريص والمشكله كان واضح بزياده ان العداد يلعب و نظفوا المنظم تبع الظغط ورجع الوضع كويس ..ارجع للوكاله احسن 

لاتوسوس طبيعي 
ياما ناس وسوست ويحسبونه خراب ووده لورش او الوكاله بنفسها ؟ 
وياخذون دراهمه على غير فائده او يخربون شيء ثانيه 
خلك كل شيء على ماهو عليه مثل ماقالولك الشباب 

طيب يخوي المشكله  تظهر اذا شغلت المكيف على رقم 2 فقط ؟
او متى ما شغلت المكيف تبان معاك وعلى اي رقم ؟

رقم واحد عادي ماتجي رقم 2 3 4 تجي المشكله 

عادي يالغالي انا معي اكسنت وكذا لاشغلت المكيف يرتفع وينزل 

يفصل المكيف طبيعي لاتوسوس

في واحد قالي دعسة المكينه وسخانه يبغالها تنظيف وواحد قال البخاخات ومدري