هل حان وقت تغيير شروط هيئة المواصفات ؟

دول الخليج !!! انتبه تر ا بس السعودية كذاااا شوف الأمارات الأ|كسنت فيها ايرباقين وقير عاادي و abs

الوكلاء يجبونها برخص التراب بقووووة ....ويبيعها علي الشعب دبل ....

ماقهرني الا هيئة المواصفات والمقاييس اللي كل شوي مزعجيننا مواصفات سعوديه  مواصفات سعوديه واذا قلت لهم وشي المواصفات قالو لك ريديتر كبير وكمبروسر مكيف قوي وبس ههههههههههههههههه ؟ طيب سؤال صريح  ؟ هل اجواء الرطوبه بجده نفس اجواء أبها ؟ هل اجواء تبوك البارده نفس اجواء الرياض الحاره ؟ على اي اساس تصير المقاييس بالسعوديه وحده هذا اولا ؟ ثاني شي اذا هم عارفين ان السعوديه بلد حار وتوصل درجه الحراره فيه 55  ليش اجل مايطبقون ويجبرون جميع الوكلاء على تركيب عازل حراري لجميع نوافذ السياره بلا استثناء ؟ مب معقوله اشتري موتر بـ 200 الف واخرتها مسنتر عند محلات 3m او لومار او جوشيلد وغيرها من شركات افلام العزل الحراري ودافع مابين 2000 الى 5000 الاف ريال عشان تظليله ؟ طيب الـ 200 الف اللي دفعتها بالجيب على ايش بالله ؟ تصدق ان الازيرا اللي معي وارد الاردن بس مطابقه لمواصفات الخليج لكن فيها نظام سولار جلاس للعزل الحراري لجميع النوافذ من الوكاله ؟ تخيل صارت الاردن ( مع احترامي لهم )  افضل منا بالمواصفات ؟ تخيل بس    

كلهم عصابة ، لا من الهيئة ولا من الوكلاء (الحقيقيين) فهمني اقصد من
يعني مثلا ابو جميل والجزيرة والبقية من هذول الاقنعه
لناس حسبنا الله عليهم 

منعوا الاستيراد ، وسمحوا بالخرد

لو طبقوا المقاييس الامريكية اتوقع الشعب بقوم عليهم على الاقل اصحاب الدخل البسيط

مثلا الاكسنت لو شطح سعرها هي و اليارس الى 55 الف استاندر زي امريكا اللي فيها ايرباقات ستاير كاملة مع الجوانب و نظام ثبات تركشن و اي بي اس 

اتوقع افضل شي

توعية بالجرايد سنة مثلا بعدها اشترطاات وحدة وحدة مهي كلها دفعة وحدة و تبدا عىل السيارات الكبيرة و الغالية نسبيا لاننا فعلا نحتجاجها لانه للاسف الحوادث عالية كنسبة عندنا

معليش شوف مواصفات البيجو الاستاندر كا امان و قارنها بالكامري و السوناتا !
البيجو متهم بالسلامة على الشكل و النتيجة فشل ذريع اما الكامري و السوناتا شكل وامان مشي الحال انتشرت يعني الاغلبية تبي شكل فقط

ترا الخليج مهم بعدين عننا مرة يعني مهم قدوة بالشي ذا 

بعض الاخوان ذكرو ان اغلب الشعب المهم عنده الشكل فقط 
و٨٠٪ من الي يشترون سيارات مايسئل عن وسائل السلامه اهم شي عنده فتحة سقف وجلد وكاميرا وشاشه 
مع ان المفروض اول شي تسأل عنه هو وسائل السلامه 
عندك المازدا الجديده الاستاندر فيها ٦ ايرباقات  و abs و اكثر من نظام ولاحظو انها ستاندر ومع كيذا ما انتشرت زي الكامري والسوناتا الي فيهم ايرباقين فقط ومعدومه من وسائل السلامه وسعر مبالغ فيه طبعاً اتكلم عن الاستاندر 
والبيجو ايضاً نفس الحكايه 
بس الشعب هنا اهم شي عنده الشكل مافكر ان ممكن لاقدر الله يجيه احد من الغشمان الي عندنا يبتليه هو وعايلته 
اليوم رايح اشوف السوناتا الجديده سألت الموظف عن الموصفات وعطاني الموصفات ويوم سألته كم ايرباق قالي معرفش ليسى مانزل بالسستم ويقولي انت قليل مره الي يسألون عن عدد الأيرباقات 
لو ان عندنا سياسة مقاطعه للوكلاء كان شفتوهم يجيبون افضل الموصفات 
بس نظام الشعب عندنا نزل موديل جديد رح طلع لك قرض وازنق نفسك عشان سياره وياليتها تستاهل بعد 

كلام كبير ما توقعت احصله في حراج
لازم تنتشر ثقافة الامان بين الشباب لانهم اكثر فئة تشتري سيارات واكثر فئة عرضة للحوادث

لاحياة لمن تنادي !

كل هالبلاوي سببها الشعب لنفسه
1-ساهر
2-ارتفاع الاسعار
3-ضحك التجار بانواعهم
4- السيارات
كله بسبب عدم المبالاه باي شي لوتقوله نبي نقاطع وتسوي حمله تلقاهم اليوم الثاني طوابير مافيهم طب
وين تنخفض الاسعار والمطاعم مليانه
الشوارع مليانه
الاسواق مليانه
كل هذا والراتب مايكفي الحاجه ويصيح بلمواقع الديون والديون والدوله ماتشوف وضعنا وهو ساس الخراب لنفسه
لو الشعب يقول لا لساهر بهذه الطريقه
لا لدبل المخالفات
لاللوكيل للسيارات اللتي لاتحتوي على نظام السلامه
لا للمطاعم والاستغلال
لا لكل شي ماسكه اجنبي بلبلد وجالس يلعبون فينا حنا السبب بكل شي حنا اللي خربنا بيوتنا بيدينا
الحين ياتقول لا للمفسدين ياتاكل قوطي صلصه حجم عايلي وتسكت ولا عاد تتشكى

الهايلكس اكثر سياره ماليه الشوارع مافيها ارباق اصلا من موديل 0 الى 2014
للسعودي فقط الخليجي يجي فيها ارباقين