حل مشكلة القير سوناتا 2009 و 2010

السلام عليكم ورحمة الله وبركاته

بخصوص مشكلة قير سوناتا 2009 و 2010
اللي هي لما تكون السيارة باردة وتوك مشغلها ومشيت ولما تجي تهدي تصير دقة قوية في القير

اللي حصل لي اني بحثت في احد المنتديات وحصلت ان احد الشباب بالقصيم جاب تعميم نشر في امريكا بسبب هالمشكلة وكان في بداية اصدار السوناتا 2009 و 2010 وكان حلها انه يعمل للسيارة تحديث (وليست مجرد برمجة) للقير والماكينة وايضا وضع ارقام التحديثات بالصور( جميع الصور بتحصلها في نهاية الاعلان)
للتفاصيل مواضيع الرجال اللي بالقصيم راجع الموضوع
دعونا نحل مشكلة رجفة قير السوناتا 09 - 10 - منتدى السيارات الكورية - http://www.koreanbeast.com/koreanbeast38970

وايضا بعد ما حلت المشكلة
مهم لمُلاك سوناتا 09 - 10 - منتدى السيارات الكورية - http://www.koreanbeast.com/koreanbeast49165#post635015

زبدة الموضوع
اللي حصل لي بعد ما شفت الصور والاستدعاء في امريكا اني رفعت الصور عن طريق تطبيق وزارة التجارة وشرحت المشكلة وطلبت انه يعمل للسيارة استدعاء عيب مصنعي مثلها مثل باقي السيارات
جاني اتصال بعد اسبوعين من مدير صيانة الوعلان وطلب مني اني اجيب السيارة عشان يفحصونها وكذا
طبعا طلبت منه اني ابيها تخلص خلال يومين بالكثير
فعلا خلصت خلال 24 ساعة لكن ذكر انه ما فيه تحديث وصل لهم وانهم حاولوا دون جدوى واخذت السيارة ومشيت لكن اللي حصل فعلا انه صلحها لي لكن دون ان يعترف بالعيب او وجود تحديث حتى ما يتم عمل استدعاء لها

طبعا الحمدلله الآن السيارة ممتازة جدا واختفت المشكلة كليا وبعد تجربة اكثر من اسبوع ونص
جاني اتصال اليوم من وزارة التجارة يسأل وش صار معي
ذكرت له ان السيارة تم اصلاحها دون الاعتراف بالخلل
وذكر لي انهم ما يقدرون يستدعون السيارة دون ما تكون فيه اكثر من بلاغ واحد واقل عدد هو تقريبا 7 او 8 بلاغات عن نفس المشكلة

طبعا انا سيارتي عدت فترة الضمان لكن ان كان فيه عيب مصنعي يتوجب على الوكيل انه يصلحه ومجانا مثل ما صار معي واللي انا ما دفعت ولا ريال

في النهاية لو تطور الامر تقدرون تزودون وزارة التجارة برقم بلاغي 7671942

طبعا احب اشكر وزير التجارة ومنسوبيها على التعامل الراقي اللي ما قصروا وكفوا ووفوا وجزاهم الله خيراً