السفر بآكسنت

وعليكم السلام ورحمة الله وبركاته 
كل واحد اعرف بسيارته يعني مايفرق نوع السياره ابد اذا سيارتك مافيها اعطال ولا خرابات توكل على الله وسافر شيك على سيارتك الاشياء الرئيسيه 
كفرات ماء رديتر زيت عضلات وتوكل على الله

مافي سيارة ما تقدر تسافر بها
اما ترتفع حرارتها ولا لا عاد انت ابخص بموترك اذا فيه مشاكل حراره ولا تبخير احتمال ما يجمل
انا تقريبا كل شهر امسك خط بالاكسنت اربعميه كيلو رايح واربعميه جاي ما حصل لي اي مشاكل
بس صوت المكينه والهوا ينفخ راسك

يابوي حنا مسافرين بسيدريك 79
من الرياض لمكة قبل 4 سنوات تقريبا
توكل على الله بس

بالنسبه لسياراتك انت ادرى فيها اذا مافيها مشاكل ماراح تسخن ولاشي

اماالراحه اعتقد بتتعب وتمل شوي لانها مب مريحه كثير وراح تمل بالخط لانك ماراح تمشي اكثر من 120 فيها وجهة نظري مع انو عندي عامل يسافر لمكه بكرسيدا 80 مشاءالله ويمشي 100 يجيبها في اربع ساعات ويقول عادي مبسوط يعني

خلك على السرعه القانونية عشان ساهر والمخالفات 130 بالكثير وراح توصلك بالراحه بدون اي مشاكل

ولا حرارة ولا شيء 

الاكسنت عن تجربة لو اسرعت فيها تصرف بنزين وكل شوي توقف التانكي صغير

ولكن خلك على سرعه 130 ولا عليك خوف ابدا

اول اخوي اللي يتعب السياره المشي المتواصل بدون تريحيها . ومكينه زي الاكسنت صغيره راح تمشيك بس كل 300 او اربعه ميه كيلوا ريحها شوي نص ساعه . عشان لا يسخن عليك راس المكينه وتضرب بالخط . وبالمشي خليك ريلاكس . وبأذن الله راح توصلك لمشوارك بس شيك على المويه والزيت

مستريح البال

انا سافرت بالاكسنت 2005 لكن على ايامها قبل 10 سنوات من الرياض للطايف

وامشي 190 هي حدها و الضغط قريب من الخط الاحمر ولا وقفت الا بنزين وامشي وكان وقت صيف

ولا فيها خلاف ولكن بحكم ان السياره حاليا موديل قديم تعتبر على مكينه صغيره

الافضل يمشي 130 وعشان ساهر حتى لو كان مشي متواصل مافيه مشكله

كانت معي وكنت اسافر فيها ومشيت عليها تقريبا 20 الف

كل سياره تقدر تسافر فيها ووين ماتبي بس على حسب نظافة محركاتها

تسألنا عن سيارتك تسافر او لا ،،، 

اخوي انت ادرى بموترك يجملك ، والا خذ معك لحاف وعدة ومثلث طوارئ 3 جولين موية

تسأل عن الاكسنت كأسم او سيارة تسافر محل ماتبغا ........

الكلام ع موترك انت تبغانا نغشك ولا انت قاعد تغش نفسك .......ماني فاهم مين يطقطق ع الثاني 

المشي المتواصل مايضرها طالما ان دورة التبريد في المكينة فعالة وثانيا انها على خط يعني ماعليها خوف

لكن لا تتجاوز السرعة القانونية اولا عشان ساهر ثانيا الموتر ما يأهل للسرعة وثالثا ان مكينتها صغيرة وبتتعب مع السرعة الزايدة

وانت ابخص بموترك وانا اخوك اذا الموتر رديتره سليم مافيه تهاريب مويته نظيفة ومراوحها كويسة ومكينتها كويسة مافيه اي مشاكل ولا تنسيم ولا تفتفه ، توكل على الله ولا تنسى تشيك على الكفرات ودرب السلامة

اكييييد تقدر تسافر فيها اذا م فيها اي مشكلة بالمكينة والعضلات وشيك ع الكفرات والزيوت وتوكل ع الله ، بيني وبينك تبيع ههههههههههههههه امزح معك الله يعطيك خيرها ويكفيك شرها وبالتوفيق لك

ماعليها الا العافيه ان شاء الله 

اذا موترك نظيف ولايسخن ولاشيء وزيوته تمام 

توكل على الله ودق سلف وامش 

انا سافرت على الاكسنت حقتي كثير ماشاء الله لدبي

والامور طيبه بس لاتشد على المكينه خلها براحتها 120 

واهم شيء سير المكينه اذا مشيت فوق 100 الف ولاغيرته غيره 


علشان لولاقدر الله ماينقطع عليك وتتعطل بالخط 

وتوصل وترجع بالسلامه 

ويستحسن تاخذ لك موية رديتر احتياط بالشنطه 

خضراء ب5 ريال حاط عندي واحد مع الاستبنه 

مخليه وقت الحاجه لو لاقدر الله 

وتروح وترجع بالسلامه 

موفق يالغالي

ماتقدر لازم تاخذ موافقة ادارة المنتدى

اكثركم نصحه لا يسرع أولا" عشان ساهر !!!
طيب و سلامة الرجال و أمانه مهو مهم أكثر
لو معه سيارة 6 أو 8 سلندر لا تسرع
و نصيحة طريق طويل أكثر من ساعتين لا تسافر لوحدك
تنعس أو تتعب من طول الطريق و تمل و خطر عليك لو يصير شي لا قدر الله

الله يستر عليك تروح و ترجع بالسلامة

اذا موترك نظيف سافر وتوكل 

اعرف عائله جو من سلطنة عمان عشان العمره على كورولا مكينه 1.6 2005 
عمان الامارات السعوديه الرياض مكه المدينه المنور القصيم الرياض الامارات ورجعوا عمان 

جزاكم الله خير وبيض الله وجوهكم على النصائح والارشادات 

معطيني 6  ديسك لايك . وش تبون اقول للرجال هههههههههه . يخوان السياره لها عشر سنوات تبون يطير فيهاا يعني ولا وش قصدكم . ماله الا يمشي بهدوؤ

شيك على الرديتر والزيت والسيور 
وﻻ تنسى كفرات السياره والاستبنه 
وتوكل على الله 

شيك علی السياره وافحصها وتوكل علی الله واهم شي لا تتعدی 120