هل السنتافي موديلات 2013 وفوق فيها عيب ؟

والله وانا اخوك بكتب لك ملاحظاتي البسيطة ولا شرط انها تكون عامة للجميع
1/في الوكالة شفت واحد يشكي من ترديد قير السنتافي جديد توه فاكه يقول يبدل لين الضاهر النمره الاخيره ويرد معه وفيه تنتيع قوي من ورا يحسه بالقير . وجايبه للصيانة ولاعاد دريت وش سوا
2/ كنت عندهم في صيانة موتري وعرضت على موظف امين ومعرفة عندهم ابدل بموتري وازيدهم ويعطوني سنتافي لان شكلة مقلع صرراحة قالي فيه هانظام لكن امسك مجنونك لا يجيك اجن منه قلت افا ليش وراني سنتافي 2013 قال تشوفه هذا جايبه صاحبه من اسبوع ويترجى فينا نرد دراهمه مع حسم مبلغ الاستخدام وخلاه عندنا ومشا وحنا نحاول نتواصل معه وبنصينها له سالت قلت وش بلاها قالي البنوراما انواع الاصوات هذي اللي قابلته وكرهني فيها

والله الاستخدام له دور كبير في السياره 
والبعض مايعرف وش المطلوب في سيارته 
وتجي تقول للواحد المصنع محدد لك لزوجه زيت ونوع البنزين ومدة القطع الاستهلاكية 
وهو يتفلس ويمشي على كلام الناس 

عندنا وحدة موديلها 2013 عيبها الوحيد صرفيتها للبنزين والان ماشية حول ال 100000 كيلو وتم تغيرر لها الفحمات من أسبوع فقط ويعلم الله اني صادق في كلامي

ياشباب ماله علاقة الموتر معروض وممشاه قليل يعني انه في عيب ، ادخل على اي قسم من السيارات وحدد اي سيارة تلقى معروض منها مواتر ما مشت الا 2000 كيلو

الاسباب تختلف فيه ناس حدته الظروف الله لايحدنا وياكم وباع ماعاد يقدر على القصد او القصد عالي عليه او عنده التزام اهم من السيارة
* فيه ناس الله وفقهم وجتهم بعثة وماعاد يحتاج الموتر

* فيه ناس شرت السيارة وما اعجبتهم من ناحية مركب من ناحية قيادة الخ ... لأنه كان متعود على سيارات معينة

وهكذا الخ ..............


يعني مالها علاقة ، انا بصراحة شخصيا ما اقتنعت 100% من السنتافي يعني ما احسه جيب مجرد انه موتر عائلي وانا بطبعي الجيب ما اعرف الا حق الطعوس وبس ههههههههههههههههههههههههه

لكن هذا مايعني انه سيىء او فيه مشاكل لكن انا من قناعتي انه مايصلح لي كسيارة لا الحين ولا بعدين ، لكنه الله حق خدوم ولا فيه مشاكل وجارنا معه 2012 او 2013 وكارفه كرف الحمير الله يكرمكم يمشي مايحمي وينطله في كل مكان وماشاء الله لين الحين بوقفته ولا ضره شي


خلاصة الكلام الموتر على المستخدم والسنتافي موتر كفو مافيه مشكلة

تقبل مروري

الله يعطيكم العافيه ياشباب ع الافاده