استفسار بخصوص سيارة هيونداي i40

انصحك تروح الوكاله تسال عن سعرها وتروح حقين القطع
وتسال عن قطعها 
اقمشه - مساعدات - هوب - صدامتها وشمعاتها - الرديتر - الكمبيوتر 
بس غالبا السياره الوكاله ماراح تخرب بسرعه حسب استعمالك 
والضمان حقها
بس اذا سعرها بين ٧٠ و ٨٠ 
خذ مازدا زوم ٦ او ٣ 

انا اشوف هذي مواصفاتها افضل من المازدا
وخصوصا انها هونداي وانت مثل مانت شايف الناس ماحد يحب المازدا
واﻻغلب يشتكي من قطعها انها غاليه
فخليني على الهونداي لها 3 وكلاء كل واحد يقول الزين عندي
لكن انا متحير فيها ﻻنها جديده ع السوق مادري كيف استخدامها وقطعها

واحد من أخوياي من سكان جده أخذ له وحده ولها سنه معاه وما أخذها إلا يوم أقتنع فيها والصراحه أشوف داخليتها فخمه ومواصفاتها حلوه وقيمتها كاش في السبعينات ماني متأكد كم بالضبط

انصحك ابعد 
ولد خالي كان معه واحده 
المهم كان واقف عند محل والسياره شغاله وفي وضع N 
ومثبتها بالجنط الالكتروني 
والجنط ثبت السياره بس مدري اش صار فيه ودحدرة السياره 
المهم طلع من المحل يبي يلحقها لكن نزلت في الخط و صدمها جمس 
وراحت تالف وهي توها ماشيه 17 الف 

الزبده جنطها الالكتروني فيه بلا ابععععددد

ابو احمد ليه مايحطها بل P لان محد يضمن الالكترونيات

مشكور ابو احمد ع النصيحه 

هي كلها جنط الكتروني؟؟

اتوقع كلها بس انا انصحك خذ سوناتا 

مدري ليه ما خطها في البي 
بس اي واحد يبي سياره يكون مرتاح فيها مو كل مره تسلم الجره

تسلم لي ع النصيحه يابو احمد ..
فعلا الجنط اﻻلكتروني حتى حقين اﻻزيرا يشتكون منها يعلق مايفك..

شكلي باخذ النترا جديد مسويين عليها عروض افضل وش رايك ؟

والله انت حر في مالك لكن لا تاخذ موتر و تندم بعديم 
فر المعارض و من عينك"على قد جيبك" واستخير ربك 
والله يكتبلك كل خير