فان اتش ون 9 ركاب...ارجو المساعدة ممن لديه فان اتش ون

يعتبر ســيارة خاصة اعتقد ،، عادي ينقل باسم الشخص.

ابوحمد ابي واحد مجرب هي سيارة لوحتها خصوصي مو نقل بس اخاف يعقدوني قبل شريت باص نيسان 12 راكب وعقدوني قالو لازم كرت عائله فيه 12 ولد او مؤسسه وجلس فالمعرض شهر  وبعته بخساره وزين بعته حاب اتأكد من الفان 9 ركاب خصوصي اذا ينقل بأسم الفرد ولا لازم عائلة اومؤسسه

فرق بين باص 12 راكب
و بين الفان هونداي المعروف
ما يحتاج مؤسسة ولا شيء تعتبر خاصه

متاكد يابعد راسي ...يعني عن تجربه والا تخمين وتوقعات

اعتمد يبن سليمان
شف كثر هالموتر مع سواقين و مع افراد
ما يحتاج اسم مؤسسة و لا سجل تجاري
تسجله باسمك مسموح من المرور
و انت تأكد بعد انقز لأقرب مرور

بينقل عادي لان الباص يعتبر نقل خاص 

الفان خصوصي و ليس نقل 

يا اخي اطلبها من المعرض جاهزة باسمك..
ان تمت البيعة ولا رجع فلوسك..

عادي تقدر تنقلها بااسمك بدون اي مشاكل

وكم واحد اعرفه من الجماعه شاريه للسواق بااسمه

خصوصي  ي صاحبي ولد خالتي معهه. لوحاته خصوصي 

انا تو خذيت اتش ون لوحته خصوصي نقلوه عادي بس اخذوا زياده بالتامين 200 ريال

اشكرك يامحمد ماقصرت

انتم متاكدين باص نيسان ما يسجل الا ب اسم عائلة

ايه نعم انا سبق عن تجربه شريت باص نيسان 12 راكب وبهدلوني المرور مارضو ينقلونه الا لازم كرت عائله فيه 12 ولد او يكون عندك مؤسسه انا بالنسبه للفان اتش ون تم نقله بأسمي بدون مشاكل الحمدلله

فان اتش ون 12 راكب ماينقل غير عندك عدد في كرت العايله