ماهي مشكله مكيف سوناتا 2012 لا يبرد عند توقف السياره

السوناتا 2012 كان فيها عيب مصنعي في الكمبريسر وتم استبداله من قبل الوكالة ، السؤال هل انت قد استبدلته ولا على شد بلاده ؟؟؟

وهل عرضتها على الوكالة ولا لا ؟؟؟

نفس الكمبرسر ما غيرته وانتهى ضمان السياره اخوي . وش الحل بعد ذلك هل اذهب الى الوكاله او ماذا بس اكيد حيقولو انو الضمان منتهي 

اخوي لاخل فني ولاشي انا مجرب السوناتا الشكل القديم والشكل الي معك المكيف في حالة الوقوف يقلب حاار واذا مشيت برد واغلب سيارات هونداي كذا يقولو  الحركه ذي تحافظ على عمر الكمبروسر

صناعة كورية لاتعب نفسك كل الهونداي كذا
اكثر الشباب يشتكون من هاالمشكلة

انا معي سوناتا 2008 واخوي معه 2014 

والمكيف ماشاء الله بارد واقف والا تمشي 

مشكلة مكيف في سيارة معينه مو معناتها صناعة هيونداي سيئه 

اللي يقول كوري وماكوري ترا اغلب السيارات الجديدة تعاني من نفس المشكله مثل الكامري والاوريون ……  الخ يعني تقدر تقوول كل السيارات اللي بلف الكمبروسر فيها الكتروني ؟ ماوقفت على الكوري او غيره 

طبعا البلف الكهربائي او الالكتروني مايعتبر عيب بالسيارات الحديثة بالعكس ايجابي ولكنه غير مناسب لمناطقنا ، وايجابيته انه مايحمل المحرك جهد لان البلف الميكانيكي السابق 12 واط والبلف الكهربائي 6 واط ؛ وبكذا البلف الاول ياخذ من عزم الموتر وصرفية البنزين ترتفع بنسبة بسيطة وتبريده اقوى ، البلف الكهربائي عالج هذه العيوب عشان كذا ماتشوف له اثر في عزم الموتر وخفيف على كهربة السيارة لكن سلبيته انه مايتحمل اجواءنا فقط .. 

انت بالبدايه حاول تضبط التبريد على MAX او قريب منه ، انا مانفع معاك معناته ان البلف خلاص مودع ( البلف وليس الكمبروسر ) وبها الحاله قدامك خيارين :

  - الاول حل مؤقت : وهو إنك تعتبره قطعة استهلاكية وتغيره يمكن كل ثلاث سنوات مرة ؛ طبعاً على حسب الجهد والاجواء يمكن يطول عمره يمكن يقصر ؛ وقيمته للسوناتا بالوكالة 385 ريال وبمحلات القطع يمكن تحصله حول 250 ريال ، وتركيبه يكلف تقريباً 150 ريال ..

 - الثاني حل نهائي : تفك الكمبروسر بالكامل وتركب كمبروسر اوبتيما 2009 دون توليف ولاتجريح ويركب على السوناتا والازيرا ؛ واعرف واحد من الاخوان مركب مكيف اوبتيما على ازيرا 2012 بدون توليف فقط فك ركب لانه نفس القواعد  ؛ ومن أفضل مايكون ومايشتكي منه ..

مشكورين يا اخوان طيب من عنده خبره كم يكلف كمبروسر اوبتيما 2009 . جديد او مستعمل . وشكرا

فعلا كلام الاخ ابو هيثم سليم 100 بالميه

وانا اعرف اكثر من شخص معهم ازيرات وانا من ظمنهم فيها هالمشكله
وفيه شباب ودوها للوكاله وغيرو الكمبروسر ع الضمان

وقيمه كمبروسر الاوبتما 2009 حول 600 ريال اذا حبيت حل نهائي طبعا

انا ياشباب مركب الكمبروسر حق الاوبتيما ٢٠٠٩ على سوناتا ٢٠١٢ وتكييف مشاءالله فرق عن اول بس مدري ليش بعض الاحيان اذا كنت واقف وطولت شوي السياره تنطفي ورجعت للمهندس نضف بخاخات وسوا اشياء كثير وقلي غير بطاريتك صغيره وسياره برضو تطفى عند الوقوف بعض الاحيان ابي الحل لاهنتم ان كانكم تعرفون او شي 

نفس المشكله يقولون الورش ولف مكيف كامر ي2006

تعبت من المكيف والله ، والورش زادت التعب
واحد يقول ركب حق هايلكس يناسب السيارة ولا يسبب رجفه
والثاني يقول عكس كذا و كمبريسور الكامري افضل ، وانا احترت وافكر اصرف السيارة بسببه

انا معي سوناتا 2012 ورحت امس وغيرت الكمبروسر الوكاله بكمبروسر سوناتا 2008 وقيمته 1050 وركبته مشالله تبارك الله ع التبريد بس طلعت لي مشكله انه اذا طلعت للسياره لاكثر من مشوار وطفيت ورجعت اشغل السياره وبس اشغل المكيف تطفى السياره وكلمت المهندس قالي عادي لانه مركب لي كتاوت توصل كهرباء للكمبروسر

السلام عليكم ورحمة الله وبركاته 
يا اصحاب السوناتا 2012 هل تشوفون فيه عيوب غير المكيف 
لأن اراوي ع سوناتا2012 وبه خلل المكيف واذا كتب الله وشربت
وش أفضل كمبروسر اوبتيما2009 او سوناتا2008 او كامري 2006 وجزاكم الله خير

السلام عليكم ورحمه الله وبركاته
محد منكم جرب يركب مراوح

اقسم بالله عانيت معي سوناتا 2012 ولها مهي 6 سنوات وهذا سادس كبروسر اغيرة وخرب علي والحين شور الشباب وهدايت الله بروح اشوف كبروسر ابتيما

لو سمحت يا أخوي بعد ما تركب كمبريسر اوبتيما خبرنا شو بصير معك لو تكرمت

السلا م عليكم ورحمة الله وبركاته عندي اوبتيما 2015 ذبحتني بالمكيف غيرت كمبروسر وما فاد