نصيحتكم يا اهل الخبرة النترا او سيراتو

اذا فل كامل خذ سيراتو 

غير كذا النترا تكفي وتوفي

اذا فل كامل خذ سيراتو 

غير كذا النترا تكفي وتوفي

كلها وجهين لعمله واحده

للعلم السيراتو اتوقع مثل اوبتيما تعليق رياضي

يعني اقسى شوي لكن ارسى

 اخوي انصحك بالأوبتيما سعرها حول ال 60000 من المعارض.ادخل على حراج والقي نظره على الأعلانات.
بصراحه اشوفها افضل من السيراتو اولنترا

صادق ابو فارس الاوبتيما افضل بكثيييير

خذلك مازدا 6
مكينه 2.5 اكبر واوسع واقوى وش تبي اكثر من كذا بنفس السعر

^^
مؤيد لكلام  شويخ
رغم أمتلاكي لسيارة كورية
بس أشوف المازدا افضل
حتى في فئتها هي الافضل 
فما بالك في فئه اقل منها
+1 لك ياشويخ

انا مجرب الثنتين , السيراتو افضل بس يعيبها الوكيل سيء والمكينة ماتجي 2000 سي سي زي الالنترا
جت فترة بسيطة على السياحي وانقطعت

انصحك بالمازدا 3 الشكل الجديد , سعره بـ50 سياحي 1600 سي سي
والنص فل بـ57 , 2000 سي سي وفتحة وجنوط وABS ومانع انزلاق

الالنترا سياحي والسيراتو سياحي تجي بدون ABS , والمازدا 3 سياحي فيها
والـABS مهم

وعاد اذا شريت مازدا 3 نص فل بيجي بعد مانع انزلاق وبترتاح بالثبات معها 

النترا فل الفل جلد وكل شيء ب 64 وليد امامي وخلفي و 2015 

أذا كنت تبي سيارة في فئة الإلنترا والسيراتو
وسعر رخيص فالزوم 3 مايحتاج وجودة ممتازة 
وأفضل من الكوري وأذا كان الفلوس توصل 66
الزوم 6 أفضل بكثير حتى في فئتها اشوفها  الافضل

أنا أشوف السعر ذا يجبلك أوبتيما اصفار من المعارض رح تحصل 
أوسع +أقوى+أفخم+ أحسن منهم في الخطوط
بس حلاة هيونداي 3 وكلاء

والله شوف الحين الي اسمع انو 
مازدا ٦ و٢٥٠٠ سي سي ب٦٨ الف 
و٦ ايرباقات ومثبت وجميلة من برا وجوا 
اشوفها اصرف شكل وسعر من الانترا والسيراتو

وعليكم السلام ورحمة الله وبركاته 

أوفق الشباب الفضلاء 
مازدا 6 2016 أفضلهم وخاصة من ناحية الأمان 
إن كان خيارك محدد بين المذكور أعلاه , خذ الإلنترا لإنها شعبية أكثر ومنتشرة 

موفق 

الالنترا فل الفل abs وايرباقين ي 65 مفتاح اصفاار ادا انت من جده اوصفك لمعرض السيراتو ما جربتها وما افتيلك لاكن ما اضن تفرق الا في المكينه والوكلاء

الرجل يسأل عن الالنترا و السيراتو و الردود عن المازدا 3 و المازدا 6

اذا انت في الستين الف ليش تحطها في سيراتو ولا الالنترا

اوبتيما يامال العافية 2015 ب 62 الف

وكبك من ذا الصغار والسياكل

ومهيب سياحية تقول والله مكينتها 2000 ولا مافيه اي مواصفات بالعكس مواصفاتها تقول تحت الفل وهي نص فل الدرجة الثالثة مدري الثانية

مثبت سرعة ، تحكم مسجل ، ثلاجة ، شكمانين ، مكينة 2400 ، جنوط ، كبوس

ايضا بعيداً عن المواصفات جعلها اقل لكن يكفي انك تتكلم عن موتر فئة متوسط في الاربعة سلندر تنافس الكامري والسوناتا

ومن وجهة نظري اني اشتريها ما اشتري السوناتا 2014 افضل منها رساوة وقيادتها حلوة وهادية انا مجربها شخصياً احسن من السوناتا في رساوتها

لذلك انصحك فيها والله يكتب لك اللي فيه الخير

بالتوفيق

مشكورين يا اخوان. بارك الله فيكم 

للامانة انا عندي النترا 2013 فل كامل مخمل , للامانة السيارة من افضل مايكون في كل شي خصوصا في صرفية البنزين والحين ماشاء الله ماشية فوق ال100 ولاتشكي من شي غير بعض القطع الاستهلاكية , العيب الوحيد اللي في السيارة هو ان وزنها خفيف وهذا طبيعي في فئتها يعني لمن تمسك خط الرياض نوعا ما السيارة مش راسية بسبب قوة الرياح ..