هل فيه فرق بين سوناتا 11.12.13.14 ؟

وعليكم السلام ورحمة الله وبركاته
بخصوص المكيف لا مافيه مشكله  اساسا هو كذا تكييف الكوري مشولابد بسبب انه يفصل.
اما بخصوص الشكل لا مافيه فرق ابد ألا الشبك موديل 11 و12 و13 الدفعه الاولى
فئة الاستاندر والنص فل  شبك عادي اما من الدفعه اثانية من 13 وفوق يجي في الشبك
كروم خفيف   والقير  يجي جلد  من الدفعه الثانيه 13 وفوق وألي قبلها عصى  مكشوفة
يعني ماهي مغطاه والريموت يجي مدمج مع المفتاح وفي السابق ريموت منفصل عن المفتاح
هذي الفرقات فقط

وعليكم السلام ورحمة الله 

اخوي معه نفس موترك ونفس التكييف 

افضل حل طف نظام eco وشف بيفرق معك او لا 

انا ما جربتها لكن اغلب اخوياي يقولون بيتغير معك حتى دعست البنزين بتصير افضل 

كذا واحد يشكي من مكيف السوناتا الشكل 2011-2015
لكن الكوري كله كذا اخالفك يا استاذ من أنا
والله مو تعصب و لا اي شيء لا نافعني كوري و لا غيره 
لكن الحق يقال 
معي ازيرا 2008 والله مكيفها ممتاز جدا ماشاء الله نهار ليل و عندنا بمكة وصلت 50 
و ايضا قد جريت النترا 2012 مكيفها يكسر العظام 
غيرها لا اعلم من الكوري 
حقيقة لم ارى تكييف مثل الاكورد الجديدة و الصني موديل 2008 من السيارات الشعبية

الانوار الاماميه عندك فيها ليد محفور داخل اللمبه

والاسطبات الخلفيه فيها ليد وشكلها جميل

وايضا الجنوط مختلفه

وكمان القير عندك ملبس جلد وال12 يجي عادي عصا

موديل موترك يختلف عن 11 - 12 بالحاجات ذي : 
الشبك يختلف - الصدام وشكل الكشافات 
المرايات الجانبيه اللي عندك حجمها أكبر 
ازرار المكيف تختلف 
القير عندك يختلف شكله - القديمه قيرها مكسر
الشنطه من ورا يجي عندك مكتوب سوناتا بس - القديمه مكتوب جهه هيونداي وجهه سوناتا

هاذي كل الفروقات اللي تحضرني .. ومبروك عليك

الاخ rraammooss
مايحتاج تقولي  هذا الكلام 
انا كان معي سوناتا وعارف تكييفها
وماحكمت من تجربت السوناتا فقط 
ترى مجرب أكسنت وإلنترا وريو وسيراتو وسنتافي
وكل هالسيارات مكيفاتها تعبانه 
أوافقك الرئي ان مكيفات هيونداي من2005 إلى 2010 افضل من الجديد
لكن لو نقارنه بالمنافسين بيصير اخيس تكييف 
يارجال انا اخذت صني من قريبي 2015مكيفها ولا احلى
فرق شاسع ولا يوصل الكوري لنصف تكييف الياباني
الكوري في وقت الضهر مكيفها ما يبرد اما الياباني في عز الضهر مكيف ثلاجة

طيب اهم شي اعصابك 

الياباني احسن من الكوري و احسن من الامريكي و الاوروبي في كل شي جودة و عمر و تكييف و قلة اخطاء و استدعاءات و كل حاقه اهم شي صحتك عزيزي 

^^
ومن قالك أني زعلت ترى مازعلت
انا علمتك ان عندي علم ومجرب
وبعدين وش دخل الامريكي والاوروبي
لا تقولني كلام ماقلته
تبي تتكلم تكلم في ألي قلته انا اما تقولني كلام ماقلته  فهذا الكلام مردود عليه

من أنا 

ياابن الحلال بهالمنتدى امدح الكوري وسب فالياباني وخصوصا التويوتا تصير انت البطل في حال تخالفهم الرأي انت تصير بنظرهم متخلف وناقص ولا تعرف تشتري سيارة ويدخلون على مواضيعك القديمة ويصكونك ديسلايك


هههههههه وسع صدرك يا صديقي 

مبروك السياره والله يعطيك من خيرها ويكفيك شرها
كانت عندي سوناتا ٢٠١٢ مكيفها للاسف ضعيف
شيكت ع الفريون كل حاجه تمام ..
وبعتها الحمدلله

اسمعو يا اخوان انا امتلك سوناتا 2015 الشكل القديم ومشيه اليوم كملت 1000 كيلو فقط السياره ما استخدمها الا نادر جدا المكيف في الظهر ما ينفع بريال وفي الليل ممتاز طبعا يكون على الشرطه الثانيه وفي الظهر على الشرطه الثالثه ويالله يالله يبرد

يا شباب بارك الله فيكم في هالمعلومات
بكل صدق انا بعد تجربة المكيف في عز الظهر لقيته ضعيف شوي ما عجبني .. 
طبعا انا شريت قبل شهر النترا 2015 وموجودة حاليا معي من وكالتها .. وكان المكيف ضعيف ولكن فكيت الفلتر ونظفته بالبيت والحين ماشاءالله تبارك الله ثلاجة بعز النهار

اما السوناتا ما بعد فكيت الفلتر اشيك عليه ! لكن واضح انه المسألة ماهي مسالة تنظيف فلتر !! المسألة اكبر من كذا 
بعد البحث في المواقع من امس لقيت فيه ناس يقولون أفضل شي للسوناتا تغير الكومبريسور تبعها وتركب كومبريسور 2010 او 2009 القديم وتحس بالفرق

اما نظام الـ eco ماعتقد منه مشاكل سواء اشتغل او انطفى لأن هذا النظام فقط لتوفير استهلاك الوقود فقط 

انا بجرب واتعبث فيها اليوم وافك فلتر المكيف واحاول افكر الكومبريسور انظفة بالبيت واعبيه فريون اشوف وش وضعه ! يمكن اطلع بنتيجة :)

بس لا هنتم الي يوصل لحل في هالموضوع يعطينا خبر 

الأخوان الي يتكلمون عن تويوتا وهونداي .. مدري وش اقول لكم بصراحة ! التويوتا لا يعلى عليها بصراحة .. يعني كامري مكينة 2500 ما تقارن بالسوناتا مكينة 2400 من جميع النواحي ماعدا بعض الأشياء : الشكل والراحة والمكرب في هونداي افضل من تويوتا بمراحل كثيييير ما وصلتها تويوتا 

مع اني احترم الكامري الى الأن :) وكنت ناوي اشتري كامري 2016 بس شفت شكلها الداخلي نفس الموديل القديم غسلت يدي ورحت شريت سوناتا :)

واختلاف الراي لا يفسد للود قضية :)