رايكم بزيت موتور كرافت

موتر كرافت يكثر فيه الغش 
أنصحك بالكاسترول 30 - 10 ممتاز 

ههههههههههههههههههههههههههه 
اي موتوركرافت لو انحط بموتر كوري ولا ياباني ؟ يقول بخبط بالمكينه دامها موب امريكي 
اجل تسال البنشري اكيد بيمشي بضاعته وانت لاحظها رح ٣ بناشر واسالهم وش احسن زيت 
اللي يقولك توتال واللي يقولك فوكس واللي يقولك كاسترول على حسب الشركه اللي تعطيهم محفزات 
كل ماباع اكثر عطوه كراتين مكتوب عليها محفزات او تحفيز شايفها بعيني على كراتين بترومين!!

بعدين طبيعي الطقطقه اول ثواني بعد التشغيل خاصة الصباح بعد فتره من عدم تشغيل المكينة! ماله علاقة نوع الزيت
لكن لو كان مستمر يكون فيه مشكله بالمكينه فلاتوسوس وانا اخوك ..  

كويس موتر كرفت وخذه من موزعين او من شركه فورد او قطع غيار فورد ومعروف الاصلي فيه  علامه التصنيف الامريكيه طبعه اذا لقيت فيه الطبعه اشتريه بترومين مانصحك فيه زيت معدني 

 موتر كرفت كويس ونص تخليقي ويصلح  لجميع السيارات   واخذه من محلات القطع رخيص تاخذه 16 ريال بالبناشر يبعونه 22 ريال  بنسبه لصوت الطقطقه في الاكسنت عادي طبيعي كل سيارت الاكسنت كذا والانتر دقيقتين وتروح 

 او استمر على زيت كسترول عادي اهم شي الزيت ماتهمله غيره كل 5000 

غير بترومين A1 5-30 افضل من موتر كرافت ويمشيك 10 الاف بالراحه 

سعر الكرتون 250 ريال فيه 12 علبه 

شلون تبي البنشري يصرف بضاعته اذا مامدحها لك
مستحيل يقول زيتي تعبان روح خذلك زيت ثاني افضل منه 
هههههه

الطقطقة لمكينة الالنترا اول ثانيتين او ثلاث طبيعية ومايضرها حتى لو تغير زيت بترومين A1 بتسمع طقطقة اول ثانيتين 
وطبيعية ماتأثر 
الشيء الثاني آخر شخص تسأله في أمور السيارة هو البنشري يعرف يغير زيت ومايعرف لأي شيء آخر

تخيل أيام معي الأكورد غيرت مرة عند بنشري ( طبعا الزيت جاي به من برا )
ولما جاء ينفخ فلتر الهواء قال لي : عندك الزيت يتبخر ويجي على فلتر الهواء انصحك تغير زيت نوع ثاني 
قلت له : الزيت ماينقص
قال : إلا شوف فلتر الهواء فيه زيت مع تراب 
قلت له : يالفاهم فلتر الأكورد فلتر زيتي يجي من مصنعه غرقان شوي زيت عشان يمسك الأتربة

الأخ بيسوي فاهم ويبيني أغير زيت من الأنواع اللي عنده

يعطيكم الف عافيه 

الاخ سلطان 4040
كلامك صحيح بخصوص الطقطقة في الالنترا 

من يوم طلعت سيارتي والصوت فيها
ويظهر بشكل مستمر وقت البرد
كل الورش قالوا فيه مشكلة 
بلوف
طرمبة زيت 
الزيت خفيف 
التكايات 
قالوا السيارة مابتوصل 20 الف الا تخبط بسبب الصوت


رحت للوكالة قالوا طبيعي

الصوت موجود ايضا عند اخوي في الاكسنت 
حاليا سيارتي ماشية 80 الف ولله الحمد مافي اي مشكلة 

موتر كرفت رائع صراحة 

زيت موتر كرافت ممتاز جداً وفيه دراسه تثبت 
بالارقام وليس مجرد كلام !!!

لرؤية موضوع الدراسه اضغط على عضويتي 
وبتلقى مايفيدك 

والله يوفقك 

الله يعطييك العافيه حطيته في سيارتي والان مرتاح
يارب لك الحمد

الله يعطيك خير موترك ويكفيك شره 
والله يسعدك ويوفقك