زيوت القير لدى هيونداي الناغي غير مناسبة

ياخوان الي سيارتة هيونداي وساكن بالمنطقة الغربية اوالشمالية يحذر

من الناغي وكيل هيونداي لان يستخدم زيت قير بتقنية قديمة لاتناسب السيارات الحديثة من هيونداي

الزيت الي عندهم لزوجتة dexIII

والسيارات الحديثة تستخدم sp-iv

والشي هذا مذكور بالكتالوج ومحذر فية ان مايستخدم الاهذا الزيت

وطبعا الاخير مايحطة الناغي في السيارات ومايبيعة خير شر

الحل كل واحد معة سيارة حديثة من هيونداي يحمل تطبيق وزارة التجارة ويرفع شكوى بهالموضوع

اويتصل عليهم
لاحد يقلي دور على هالزيت برة اوشف بالوكالات الثانية لان هالوكيل ملزم انة يوفر القطع اوالزيوت المناسبة

وعشان الضمان

إبلاغ

الردود

صحيح
كل واحد يفتح الكتالوج و يشوف زيت القير وش نوع و يروح للوكيل و اذا ما حصله او ما يوفره لك الحق تشتكي .

و فيه نوع زيوت مكتوب عليها لجميع السيارة مثل زيوت بترومين للقير و زيوت كاسترول . انتبهوا منها لانها فاشلة .

sp iv غير

khalidoo 1167
قبل 8 سنه و 3 شهر

اخر جمله مدري كيف انكتبت هههههه

khalidoo 1167
قبل 8 سنه و 3 شهر

كم وكالة يغيرون زيت محرك لزوجه ثقيله
و زيت القير غير مناسب
وش قصتهم كاننا ماخذين السيارات منهم غصب ببلاش
يبون ينتقمون منا يخربون المكينه و القير

أبو نجوى 2442
قبل 8 سنه و 3 شهر

لكل موديل وسنة صنع زيت مختلف الهونداي مو كل زيتها واحد
ارفع العيار وتلقى رقم الزيت المناسب
او تلقاه فالكاتلوج
وليس شرط من الوكالة
اساسا الوكالة لاتصنع الزيوت
وعندك مثلا زيوت جربوكس تايوتا ولكزس لو اخذتها من الوكالة
تلقى الشركة المصنعة لها موبيل
وغيرها فولفو وساب وسوزوكي وشركات كثير

مخاوي الاهات 15
قبل 8 سنه و 3 شهر

عموما الهونداي افضل زيت لها تويوتا الاسود ٤ لتر اذا كان زيتها هو الي ذكرته انت
وفيه كمان المتسوبيشي مناسب جدا ونفس الرقم

مخاوي الاهات 15
قبل 8 سنه و 3 شهر

كان معي اكسنت 2012 .. والله اني ما تغير له الا جيتي .. وكرفته كرف سنتين مشت فوق ال 200 مانقص القير نهائيا

سفريات مايبرد .. والمكينه ماجاه الا العافيه .. ليت كتب الله حادث وراحت تشليح ..

ولا مكينته وقيره مانقصن نهائيا

سبحان الله العظيمم1 50
قبل 8 سنه و 3 شهر