كم سؤال عن جنسس 2016

انت تقارن كوري بالماني !!!!

قطعها غاليه جدا 
صيانتها معقدة وماتقدر تسويها الا بالوكاله غالبا 
سعر البيع مابعد الشراء بيطيح كثير لانها كوري 
طبعا جودتها لاتقارن بالالماني واللكزس اطلاقا 
بالمبلغ اللي عندك خذلك افالون او امبالا افضلك من نواحي كثيره 

نصيحة  لا تكثر الدين على نفسك وانت توك متوضف  خذ لك اي سيارة تمشيك  وفك نفسك من الدين

خذ جينيسيس قديم مستعمل تراه يكرف اكثر من الجديد حتى بامريكا الشكل القديم ماسك سعره

واذكر لقيت جينيسيس 2009 باحد المواقع ممشاها حوالي 215الف ميل يبي فيها 25الف دولار ! تخيل يعني حوالي 93الف ريال
مامزح ترا عشان كذا تلقى  وارد امريكي غالي

تأمينها السنوي شامل فوق 10 الاف

نصيحه ابعد عن الجينيسس  الافضل خذ لك لكزسes سعرها ممتاز و تتحمل الكرف قبل شهر شريت وحده 2016 بريمي و الحمد لله سياره مريحه و ممتازه و افضل من الكوري 
اهم شى استخير لا تستعجل

للتوضيح 

٢٠٠٩ امريكي فل الفل مكينة 4.6 طيارة وقوية جدا جدا جدا

بالمعارض ب ٦٠ الف ريال موجودة الان

المواصفات فل كامل 
من تحكم بالطاره تكييف مراتب اماميه وتسخين ايضضاا

شاشة 
ماوس للشاشه

فل الفل طبعا

اما ٩٣ الف !!! وماشية فوق ٢٠٠ الف

اللي ناوي سيارة سيدان دفع امامي فل كامل ب120 او اكثر
اقول خذ دفع خلفي استاندر مثل الجينسس او تشارجر
لكن انت تقول موظف 120 لا تروح كلها بسيارة كان بتاخذ قرض
و اذا بتقسط بيطلع القسط و الدفعة الاخيرة مرتفعة و هل انت بحاجة لسيارة فخمة و صيانتها مكلفة ؟
لو ناوي على جيب كان ممكن اقول انت بحاجة له لكن وش يفرق تاخذ سيارة 4 سلندر ب70 او 6 سلندر ب90
بالنهاية كلها سيارات سيدان نفس الاستخدام و شعور الفخامة يروح بعد مدة و يبقى غثا الاقساط و تسديد القرض
موفق اخوي و الله يكتب لك اللي فيه الخير

القصد بما انك توك موظف لا تتورط بسيارة فخمة و مكلفة صيانتها مهما كانت

نصيحة والله معي وحده ٢٠١٦ لها شهر في الوكاله الي الان ما عرفو العيب او المشكله الي فيها والله 

لاتورط نفسك في بداية عمرك بالديون وأنا أخوك.

يا ولد خذ لك. لكزس. GS. موديل حديث. وحاول تاخذ 8 سرندل.  عززززززز الطلب

دامك عزوبي خذلك سيارة بريحة الوكالة 
والباقي في جيبك افضلك 
لاتدخل في دوامة الديون
والقادم مو حلو بسبب رفع الفائدة من البنوك 
والجنسس ييغالها فلوس ومصاريف كثيرة اذا كنت قد حالك

مالك ومال العنا
الاخوان ماقصرو  ردود  قيمه ونصائح اخويه
شوف لك موتر ع قدك تقدر تقسطه الموتر اللي فوق 100 
بيطلع قسط فوق2000
شوف لك كامري مطور قسطها من البنك1200
وكدها
واذا لزم الامر وتبي موتر صح وراسك يابس.
طق افلوووون او لكزس.
هذي نصيحه من اخوك

انصحك فيها سيارة دفع خلفي, قير 8 سرعات, مكينة كبيرة حقن مباشر, أنظمة امان وثبات, وبالسعر هذا لا تفوتك, على فكره سعر السيارة في الوكالة لا يدل على جودتها, أسل عن تكلفة سعر المصنع, الجينيسيس مدفوع فيها كثير وتعبانين فيها, أما السيارات الثانية بدون ذكر اسم وكيلها يأخذ 50% ارباح

صحيح كلام الاغلب لاتستعجل وتجيب سياره غالية وتتبهذل بعدين

لكن انا اشوف انك تاخذ 2015 نفس الشكل الجديد ماشي قليل وارخص 

افضل من انك تاخذ جديد

والسياره منتشرة بشكل فضيع شوف ملاكها افضل وروح منتدياتهم

السلام عليكم انا حصلت جنسيس خليجيه ماشي 126 الف خليجيه بطاقه جمركيه حجزت السياره بس كيف وضعه انا كل يوم الخرج الرياض