الوعلان ووزارة التجارة والسماح بتلاعب الوكالات
4
3
إضغط هنا للإخفاء
السلام عليكم ورحمة الله
سبق وفتحت موضوع بخصوص مشكلة السوناتا وتخبيط المكينه
والوعلان ورفضه اعطائي سيارة بديلة مع ان الاصلاح اللي على الضمان كان بياخذ فوق ٢٥ يوم !
تم رفع شكوى لوزارة التجارة بخصوص السيارة البديلة وتم اقفالها قبل يومين ! اللي مستغرب منه الشكوى شلون تقفل دون ابلاغ المشتكي ؟ مع انهم يرسلون لك الرقم على جوالك عند فتحها .
اتصلت على وزارة التجارة استفسر وعطوني رقم يقولون تبع الوكالات التجارية > الرقم يبي له تحويله رجعت اكلم الوزارة وعطوني التحويله
دقيت ومحد رد ،، رجعت للوزارة وبالمشاكل تكرم واحد وقال ابعطيك
وش مكتوب عند اقفال الشكوى ورد الوعلان !
الوعلان ردو بأن العميل ادخل السيارة بدون موعد ، ولم يطالب بسيارة بديله ووقع على عدم المطالبه بسيارة بديله وتم الاتصال عليه ولم يتم الرد ! وبكذا الوزارة قفلت الشكوى !
طبعا ً المشكلة مكينه خبطت ومايحتاج انتظر اسبوع على مواعيدهم
وادخلها تتصلح الشيء الثاني هي ورقتين وقعت عليها وحده تسليم السيارة والثانيه مدري ايش لأن الكتابه محد يقراها الحبر مختفي !
ونفس الورق وقعت عليه في مشكلة كمبروسر سابقه واستلمت سيارة بديله ! وهالمره ماطلعت من عندهم الا مطالب بسيارة بديله ورفضو من الهندي للأردني المدير . وسلموني ورقع التصليح الاخضر وقالوا استأجر من عندنا بنخفض لك وبخصوص اتصلنا ومارد نصابين محد دق علي من وكالة الوعلان الا مرتين ورا بعض بعد فتح البلاغ وكلهم يستفسرون عن ادخال السيارة بدون موعد.
طبعا ًكعادة وكلائنا واي تاجر يتم التلاعب على النظام بأي طريقه كانت اما الوزارة فمن بداية السنه هاجده وحماس وزيرها اختفى
شكلهم سكتوه لذلك رجع اللعب وتمطيط الانظمه من الوكالات.
السؤال كيف الوزارة تسمح للوكالات بالتلاعب وتوزيع اوراق على العملاء بعدم المطالبه بحقهم ؟ وكيف يقفل بلاغ دون تبليغ المشتكي ؟
كلمت الوزارة وطلبت اعادة فتح البلاغ وفتحوه واليوم اتصل ابو هنود يقول سيارتك خلصت تعال استلمها يوم السبت لأن اليوم نص دوام مع ان نفس الشخص يقول اصلاحها بياخذ ٢٥ الى شهر ! القطع بتجي من برا ، سبحان الله القطع جت وتصلح الموتر في ١٠ ايام !
ابو هنود يقول جب الاوراق الخضراء عشان تستلم سيارتك
فماادري اروح لهم واستلمها او انتظر وزارتنا الكريمه ؟ انا مستأجر من عندهم موتر ولازم ادفع عليه حول ١٤٠٠ غير اللي بدفعه لهم على الصيانه الدوريه .
والمعذرة على الاطاله
إبلاغ
سيارات للبيع
الردود
0
0
1
1
وبالمقابل ايجابيتهم معك انهم قبلو يصلحو سيارتك رغم انك غير منتظم بالصيانه عندهم والنقطه الثانيه انهم استقبلو سيارتك ودخلوها الصيانه بدون موعد
يعني اشوف خلاص كذا يكفي تتعب نفسك زياده وال1400 تتعوض انشالله
2
1
بالبدايه دخلت الموتر ع الضمان وكان فيه بعض الخرابات وجلس يومين بالضبط وطلع ماصلحو فيه شي ؟ الا انهم قالو بنغير لك قطعه تعال بعد 3 ايام وركبها
جيت عندهم بالموعد المحدد والقطعة ذيك حكيتها بالمفتاح بشوف يغيرونها صدق او لا ؟ طلعت السيارة واشيك عليها لقيت نفس القطعه ماتغيرت وبالعكس خربو لي الموتر زياده ولو كان على اولها كان احسن ! المهم يوم شفت الوضع كذا علطول شكيتهم لوزارة التجارة
وبعد الشكوى والاستدعاء دخلت الوكاله ومعي موظف وزارة التجارة وكل واحد بالوكالة يرمينا على الثاني .. لين دخلوها بالغصب وجلست 3 ايام ويوم جيت استلمها قالو ضيعنا ورقه الدخول ( طبعا قاصدينها عيال الكلب عشان ياخذون النسخه اللي معي ) انا صدقت وعطيتهم النسخه لاني كنت محتاج اطلع الموتر اليوم
بعدها وقعت على ورقه خروج الموتر ومشيت ، دقيت على موظف الوزارة وقلت له اني طلعت الموتر قال لي طيب عطوك سيارة بديله او فلوس ؟ قلت لا .. قال خلاص لازم تحضر بكرا عندي وراح استدعي موظف الوكاله ، ويوم استدعاه قالو اصلا هي خلصت باليوم الاول واننا ندق عليه بس ماحضر ومدري ايش ؟ يوم جابو ورقه الدخول اثرهم مستغلين الفراغ اللي بين وصف المشكله وتوقيعي ومعبين هالفراغ كلام ثاني لاحول ولاقوة الا بالله
طبعا الوزارة قالو بنحولكم للمحكمه هذي تزوير ومدري ايش وشد وجذب بيني وبينهم ساعتين لين قال موظف الوكاله بنعطيه تعويض عن يوم واحد فقط ؟ رفضت انا وطالبت بثلاث ايام كامله وقلت لهم خلهم يجيبون برنت من شركه الاتصالات تثبت انهم داقين علي ؟ شافو ان الوضع مب بصالحهم عطوني التعويض كامل ومشيت ومن بعدها وانا احاول اتجنبهم قدر الامكان حتى لو اضطريت ادق لمشوار لفرع ثاني غيرهم . هذا اللي حصل ويشهد الله علي من فوق سابع سماء ان كاني كذبت عليهم بحرف واحد
6
0
نظامهم ! وانا ساكت بشوف وش وراهم وتمو رافضين يدخلون السيارة على الضمان حتى طلعت الفواتير بالصيانه الدوريه كامله
ماعدى وحده ! فيوم دخلوها ماحصلو الا انك مادخلتها بموعد عشان كذا مافيه سياره بديله مع ان المشكله مكينه ومفاجأه ماتحتاج موعد
وال ١٤٠٠ تتعوض ان شاء الله لكن اذا لي حق ماراح اسكت عنه طبعا ً واهي عبره لي ولغيري .
1
0
النظام بكل صراحة مين يمسك ع الثاني
المفروض تحط السياره عند الباب وترفع شكوى ع الوزارة
فقط ..
وهم راح يدورون رضاك
0
0
ان شاء الله بستلم الموتر يوم السبت وعقبه مالي رجعه لهم
ويامدرس المشكله اغلبنا مصفي النيه ويعمل بأصله وماندري ان اللي ماسكين هالوكالات محصلة شهاداتهم خبث واجرام
لكن الله حسيبهم.
0
0
لكن ان شالله انه درس لك ولنا
وانتبهوا يا شباب لحد يوقع اي ورقه الا لما يقرأ كل التفاصيل
0
0
هذولي حرامية و نصابين في أقل من لحظة يغدرون بك
ما تدري وش الفقرات أو البنود ألي حطوها في الأوراق و أنت وقعت عليها كذا
المفروض تطالب بورقة واضحة و تقرأ كل كلمة ذولي ما عليهم أمان
الحين الحق معاهم لأنك موقع على الأوراق و مقر بهذا
0
0
اغلب الناس تقوله
شكله بيطير قريب للاسف
وبنرجع زي ايام قبل , كل الوكالات واطين على حقوقنا
0
0
استلمت الموتر اليوم وبادي مراحلة تمرين المكينه والحمدلله على كل حال
سبب الصوت على كلامهم حصلوا عمود الكرنك مكسور
ويقولون واحد من البساتن مايشتغل ومايوصل زيت هذا اللي فهمته .
0
0
0
0
قبل 8 سنه و شهر