استفسار عن السوناتا الجديده 2016

وعليكم السلام
بخصوص العزل الارضي سي في سوناتا عن تجربة سيارة واحد من خوياي مطلع نص فل بدون بانوراما من المجدوعي 

طيب عندي اقتراح
ليش ماتستأجرها كم يوم وتجربها وتشوف رساوتها وعزلها بنفسك
تخسر الحين 500 رريال
ولا تشتريها ب 70 وماتعجبك وتبيعها

والف مبروك ويعطيك خيرها ويكفيك شرها

عندي سوناتا 2015 الشكل الجديد نصل فل بانوراما وارد الوعلان صار لها سنة بالضبط بعطيك نبذه بسيطة عن السيارة
- كونها سيارة 4 سلندر بمكينة كبيرة تعتبر صرفية البنزبن فيها ممتازة
-العزل الصوتي جيد لابأس واحسن مافيها المكينة ماتحن مع السرعات العالية لكن احيانا لها صوت واضح في المشي الطبيعي يفترض تكون اهدأ
- المكيف ممتاز جداً واستغرب من اللي يقول مو داك الزود ولاشفته فصل عندي ولامره حتى مع الدعسات وعز الصيف
- بالنسبة لصوت البانوراما يطلع عندي في الصيف بس عند تشغيل المكيف ويشهد الله ماسمعت له صوت ابدا في الشتاء ومدري وش السبب الله اعلم
- رساوة السيارة في الخط جيده جداً واذا فيه عج تكون سيئة نوعاً ما
- البريك سيءفي السرعات العالية
فيها عيب في الأنوار يشتغل لك النور بالأول والثانية يشتغل السكن المفروض العكس وفي النهار يشتغل السكن بس الانوار ماتشتغل مدري وش السبب هي كذا شد بلد او لها برمجة ماعرفتها
- فيها عيب اثناء المطبات القاسية تحس فيها بالدركسون كأنه فيها شي فالت
- بوية السيارة فيها مشكلة لونها كحلي وصرت اشوف بعض المحلات طلع لي لون ابيض مايروح مع الغسيل ولاجربت التلميع
وللأمانه السيارة مامسكت فيها خطوط ابد حدي فيها الدمام والخبر والجبيل ماشية 23500.

وآسف على الإطالة ولو عندك سؤال تفضل

سيارة اشوفها ممتازة  وسعرها فيها مقابل المواصفات 

سياره ملصقه بغراء  جاري صدم فيها تراب راحت فيها ..خذ تويوتا ابرك لك منها 

معي سوناتا 16 لها عندي تقريباً 7 شهور
يوم اخذها ماكنت مقتنع فيها كنت ابي مازدا 6 لكن طلبتها وماقدرت انتظر واخذت السوناتا ويوم طلعت المازدا اخذها اخوي
بالبداية يوم جربت المازدا تحسفت انه ليتني انتظرت واخذتها لكن حالياً اشوف السوناتا ااريح بمرااحل كان تقدر على الاكوورد ولا الكامري احس افضل لكن اذا براسك السوناتا مره شف الاوبتيما شكل توه نازل ومافيه فرق بينهم ميكانيكياً رحت فيها للشرقية ثلاث مرات مريحه نسبياً مشكلتي ان اللي معي قبلها كان كابريس فـ اكيد فرق من جميع النواحي وشوري عليك شف الكادينزا يمدحونها مشكلتها بالوكيل فقط

الي تقول عيب في الانوار هذي خاصة AUTO تشغل الDRL في النهار وتشغل اللمبات في الليل وداخل الانفاق والكباري

الأخ العريني شكرا على المعلومة
انا للأمانه ماحست في السيارة والأنوار الى الآن وماعرفت سالفة الأنوار

بصراحه سيارة ممتازة جدا 
وبالنسبة لعزل الصوت فعلا لاحضة انها فيها عزل الصوت ممتاز حسنوة 
وبالنسبة لرساوة برضه ممتازة 
بصراحه سيارة جدا رائعه انا اخذت وحدة واشوفها روعه وانصحك لاتتردد

انا كان معي كامري ويوم شريت السوناتا حسيت بفرق كبير من ناحية العزل والرساوة لأني راعي خطوط بللخط تحس ان معك لكزس من ناحية الرساوة والعزل بس اللي معي سقف حديد مو بانوراما بالنسبة للصرفيه ما تصرف لأني اعبي ٩٥ لكن نصية اذا بتشتري خذ سقف حديد

ونسيت اذكر موتري ١٦ ماشي ١٣ الف

والله معي 2016 اخر شي نزل من الناغي كويسه فالخطوط والمدينه واللي يقول تشرب بنزين واجد غلطان انا عبيتها فل من ظلم عل طريق الرياض وصلتني جده وباقي فيها شوي وبخصوص العزل برضو كويسه والبانوراما اول دفعه نزلت فيها العيب ذا وبعدين فالدفعات الثانيه حسنوها ولاتفكها ونت مسرع وانسى الصوت .
عندي استفسار عن الشاشه والزنون كم سعرها فالوكاله