مشكلة النترا 2015 2000cc

غيرت زيت القير والا ماقد غيرته

ياشباب موتري النترا 2015 ماشي 68الف والتعاشيق تطول اذا جات بتعشق
متى اغير زيت الجربكس ؟؟
فيه ناس تقول ان الالنترا مايتغير الا بعد
100الف ؟؟؟
وش الوضع الفزعه

غيره على 60الف.  عادي جداً. 

واحسن لك. خلك من كلامهم. 

انا عندي سيارتي. كل 60الف اغيره. 

بالنسبة للنتعة طبيعي وما شاء الله طلعت لك بعد ال60 الف شي طيب
انا طلعت على 10 مدري ال15 رحت للوكالة اكثر من مرره وما استفدت شي ولما شفت النترات كثير نفس مشكلتي عرفت انها طبيعيه
وما صرت اعطيها بال
الان يا انها اختفت عندي يا اني تعودت عليها
يا اخ تركى زيت القير للالنترا يتغير كل 100 الف
الكلام هذا مذكور في كتالوج الوكالة
ودام انها تطول التغيرات معناته عندك مشكلة راجع الوكالة احسن لك

بالنسبة لزيت القير ماقد غيرتة
مشعل حبيبي يعني فهمت الوصف وعندك المشكلة وحسب كلامك انها طبيعة ابي كلام الوكالة لك وهل جربت سيارة غير سيارتك وفعلاً فيها نتعة قبل التوقف؟

أخوي تركي انا التعاشيق تطول مثلك اذاً اعتقد انها طبيعية ممكن الشارع مرتفع قليلاً

عندي 2013 فيها صوت دقه بالجير خفيفة اذا نقلت الترس من الامام للخلف والعكس
وكذلك صوت دقه خفيفة ونتعه عند الزحمات وقبل التوقف
نفس مشكلتك تقريبا وموسع صدري عالاخر دام الموتر يمشي مافي مشكله
سيارتي ماشي 200 وعليها

ايه نعم جربت أكثر من النترا وكلهم نفس الهرجة 
واذا الاخ شويخ دخل الموضوع راح يقول لك نفس الكلام

تبديل القير عادي زي السوناتا مشكلة واحدة
بالنسبة للتفتفة حصلت معي 3 مرات ممكن خلال 3 سنوات
اعتقد انه بسبب اني مشيت وهي باردة.

أول شيء غير زيت القير واحرص يكون زيت هيونداي الأصلي من الوكالة atf sp iv أنا غيرت الزيت على ممشى 60 أو 70 والسيارة ماشية زي الفل مثل ما يقولون المصريين
تأخذ 4 لتر وتأكد الزيت من الوكالة بشعار هيونداي ومسجل عليه atf sp iv وليس كاسترول أو شركة أخرى

وهذه صيانة روتينية وإن شاء الله تساعد على حل المشكلة

بخصوص التفتفة عند بدء التشغيل والسيارة باردة فهذه مشكلة مصنعية ومقبولة يفضل تسخين السيارة كم دقيقة قبل المشي لأن عملية احتراق الوقود والمكينة باردة لا تتم بالشكل السليم وبالتوفيق

بالنسبة للزيت غيره اتوقع النتعة منه
انا كان عندي ثقل في التعشيق وغيرت الزيت على 52 الف كيلو ورجع التعشيق طبيعي
في الكتلوج مكتوب 100 لكن لا تنسو اجواءنا ما ترحم وللعلم لمن غيرت الزيت كان منتهي على كلام البنشري وكان اسود محروق وسواقتي راكده ما اسرع كثير

انا كانت عندي التفتفة ووديته للوكالة وضبطت الحمدلله

والنتعه حصلت لي والحين شكله اختفت

ماشي ١٧ الف

صح صح في هرجة نسيتها 
التفتفه قيد صارت لي 3 او 4 مرات من يوم شريت السيارة 
الضغط يكون قريب من الصفر وكأن السيارة بتطفي السبب بعدين اكتشفت المشكلة 
المشكلة تكون في التشغيلة انت لما تشغل السيارة شكلك تعطيها ابو نص ثانية وتشيل يدك وهذا الي يخليها تسوي كذا 
انت لما تشغل السيارة خلي يدك على المفتاح لا تخاف ترى فيها نظام حماية وترى اذا السيارة اشتغلت السلف يفصل من حاله اوتوماتك 
وعشان تتأكد 
اذا السيارة شغالة لف المفتاح مرة ثانية مره تسمح صوت السلف بس راح يطفي المكيف والساعة والمسجل 
وجرب اذا السيارة طافيه مره 
شغل السيارة وخليك ماسك المفتاح لا تفكه وشوف ايش يصير 
تلاحظ انه اذا المكينة اشتغلت 
السلف يفصل غلى طول 

مره تسمح=ما راح تسمع
غلى طول =على طول

الله يعطيكم العافية يارب اكتشفت 
الخطة طنش اما اروح للوكالة والله ماني فاضي لهم ومذلتهم وقروشتهم.
لكن اكتشفت النتعه وتبديلة القير عند ناس واجد ومطنشينها والتفتة انا ما احمي دائماً.
يعطيكم العافية على الردود وننتظر باقي الشباب.

المشكلة الأولى والله اعلم انها من حساس الجير سعره 200 ريال في الوكالة وتركيبه سهل
والمشكلة الثانية نظف بوابة الثورتل