كيف طريقة تغير زيت القير ؟؟

ابد 100 الف مافية اي خوف ولا يحتاج تسحب علبة وتضيف علبة
فك الزيت كامل وغيرة كامل
عاد مادري اذا موترك يجيلة فلتر قير
اذا يجيلة فيحتاج تفك الكارتير وتغير الفلتر والزيت والقطع تاخذها وكالة
واذا مالة فلتر كلها صرة تغيير زيت فقط

اذا له عيار زيت. اول شي شوف. لون الزيت 

اذا اسود متغير او فيه ريحه حريق 

اذا مافيه شي. ونظيف. فماعليه خوف 

جزاك الله خيير ،مدري اذا به فلتر او لا ،نشوف باقي تعليقات الاخوان

عليك بالوكالة تضمن ثلاثة اشياء زيت أصلي + طريقة تغيير صحيحة + راحة بالك
صحيح اسعارهم أغلى من الورش بس صدقني افضل من السباكين

اذا سيارتك النترا من 2012 وطالع تاخذ اربع علب وحاول تاخذ زيت القير حق الوكالة SP IV
طبعا مايجي لها فلتر خارجي
وطريقة التغيير تفتح الصرة من تحت لين ينزل الزيت ثم تقفلها وتفتح صرة من فوق وعن طريق لي تصل فيها 4 علب

ومافي خطر على القير بإذن الله

هذا رد سابق لي لأحد الأعضاء بيفيدك

بالنسبة للصيانة لا تثق في صيانة الوكالة المجانية يدخلوها مع الباب الأول ويطلعوها من الباب الخلفي وعادة لا يعملون أي صيانة ضحك على الناس إذا أنت لم تعمل صيانة مسبقا غير فلتر الهواء أو مرشح الهواء غير فلتر المكيف غير الأقمشة الأمامية إذا لم تغير مسبقا دون الحاجة لخرط الهوبات إذا ما فيه صوت بعد التأكد من أنها متآكلة وعلى الأغلب حول ال 50 تحتاج تغيير الأمامية بالنسبة لزيت القير إذا قيادتك هادئة يمكنك التأخر حتى 60 ويمكن حتى ال 100 لآن الزيت طويل الأجل وفيه إضافات ممتازة تحافظ على عمره وقت طويل لكن إن أردت التغيير قم بشراء زيت قير هيونداي. HYUNDAI ATF SP IV واحذر أن تضع زيت آخر ولازم تشتريه من الوكيل لا تشتريه من الموزعين لأن بعضه مقلد ويمكن شراء زيت KIA ATF SP 4 نفس التركيبة الكيميائية ولكن لا تأخذه إلا من الجبر وروح لأقرب مهندس قيور أو حتى بنشري يغير لك 4 علب لإلنترا 2000 سي سي بحسب تجربتي ، و 3.5 لقير 1600 سي سي والمهم توقف السيارة في p وتنتظر نصف ساعة حتى ينزل الزيت وقفل السرة ثم تبدأ تعبئة الزيت من الأعلى تحت قربة الهواء فيه مكان تعبئة زيت القير وتقوم بتعبئة الزيت ببطئ حتى لا ينحشر الهواء ثم بعد ذلك تركب الغطاء وتعيد القربة وتشغل السيارة حتى تسخن وتنزل في كل نمرة كم ثانية وتنطلق ولكن الأهم بعد تغيير الزيت استخدم السيارة بهدوء ولا تشد عليها وشيك لو فيه تهريب لا قدر الله شغل اليد لا يتجاوز 50 ريال برأيي وزيت القير غالي أتوقع ال 4 علب بحدود 200 ريال ولكن الشغل أمام عينك أضمن لك والله ما أثق في الوكالة نهائيا تطلع السيارة مثل ما دخلت

أنا شخصياً سيارتي اكسنت 13 بعد ما مشت 100.000 كم قلت بغير زيت القير وكان الكارتير مطعوج شوي

رحت للوكالة قالو لي فيه عادي ب 700 والخاص ب 1000 والله يشهد علي هذا كلامه

مدري منين جاب عادي وخاص وهذا دليل أن يشوف الشعب مغفل وينضحك عليه بسهولة وهذي حقيقة

لا لا بغير بالوكالة شغل صح ! , وش الشغل الصح فهموني يعني عندهم تقنية أو عند العامل خبرة كبيرة ؟

ووالله أن الهنود والبكستانيه يشتغلون أنظف منه , للعلم أن الوكالة تلزمك قبل ال يغيرون أن ما يتحملون أي مسؤلية بعد التغيير

المهم شريت علب هونداي الأزرق وفلتر قير وكالة ورحت لورشة شغل يد 50 ريال

وفك الكارتير وعدله وركب الفلتر والزيت

وكلفني كل شي حوالي 400 ريال

والأن بعد التغيير مشيت 10.000 كم ومن أحلى ما يمكن

أترك الوكالة والوسوسة والخرابيط غير الزيت بأقرب ورشة باكستاني وأدعلي