احبتي لوحة السياره ممسوحه كيف اوضحها

قلم بوية من المكتبة وعيد على الأرقام والاحرف

معك طريقتين الاول تروح المرور وتستخرج لوحات جديده

الطريقه الثانيه تروح البقاله وتشتري بخاخ بويه اسود و تروح المكتبه او بقاله سوبر ماركت وتشتري الشطرطون اللي يجيك ابيض ومدموج مع لون اصفر حق السمكرين الي يلصقون فيه مسكات الابواب والقزاز علشان البويه مايجيها شي وتصلق على اللوحه وتوضح الارقام وترش عليها وبعد 10 دقايق تفكه اللصق

فيه اقلام بوية في المكتبات
سعرها 10 ريال تقريبا
تشتريها وتوضح اللوح
اذا كانت معدومة انصحك تغيرها من المرور
رسوم 100 ريال وتقدرتحولهم للوحات ملكية بعد

ما شاء الله
3 ردود نزلت بنفس الوقت
ههههههههههه

بارك الله فيكم
والله يجزاكم خير اثلجتم صدري بردودكم وتفاعلكم الطيب
بإذن لله اطبق ماذكرتم

انا اللوحه الاماميه معدومه مره ومكسره يعني تعفطت 
وساويتها بالشاكوش 

وكل مامريت من عند نقطه تفتيش اقول له صدمت بالصدام
والسمكري عدل عليها واللون راح من السفر
الزبده يضحك ويمشيني 
بس لما سمعت المخالفات وصلت 3 الف بكره 
بطلع بدل فاقد والله 3 الف اكرف فيها شهر ابرك من تروح مخالفه

والله انا نفس مشكلتك. عندي اكسنت واللوحة ماسحه 

من العج في الخطوط اذا كنت مسافر. 

لدرجة ان الارقام صارت ماهي واضحه. 

ووقفني المرور السري. قبل فتره في الدمام طريق الهاف مون 

وعطاني مخالفه. يوم نزل يشوف اللوحة الي قدام. 

حصلها ماسحه. قالي مخالفه. 

لاكن المشكلة. مااقدر ابدل اللوحات حتى واسدد المخالفات 

اذا جربت انت احد الحلول الي قالو لك الشباب 

علمني واسوي مثلك. وبالتوفيق 

انا عملتها بجدة عند حقوون الزينة . جاب ريشة رسم و لون اسود و رسم الارقام و الاحرف و رجعت جديدة

كان يبغى 30 ريال . تكاسرت معاه وصلت 10 ريال