هل سعر سنتافي مناسب

المشكلة في الجديد ان شكلها راح يتغير في موديل ٢.١٩ يعني بعد سنة وراح ينزل سعرها اكثر بعدين

السعر طيب طالما انها فل كامل وسته سلندر
لكن افحص ولاتستعجل

يعطيك العافية على ردك
حسب ما شفت في المعارض وحراج اشوف سعرها مناسب
لكن اللي مخليني اتردد سألت واحد شغال في معرض و واحد شريطي وقالوا بالكثير حقها ٥٥ طبعا ما شافوها

حاول فيه على 60 لاتنسى انها فل اوبشن وعطنا مواصفاتها عشان لايغرك فيها

زنون انوار led كامل خلفي تبريد وتسخين جلد شاشه كلها في الفل اوبشن بريك الكتروني اوتو هولد 

اذا ناقصه ماهي فل 

يعطيكم العافية. 
لا هي فل كامل جميع المواصفات موجودة

بصراحة يا اخي لو تقدر تزيد المبلغ اللي معك شوي وطقلك باجيرو جديد بسمك وكالة ، اشوفه افضل من السنتافي بمراحل من ناحية قوة التحمل والدفع
الخلفي ومتعدد الاستخدامات اما من ناحية قطع الغيار فأنت ماراح تغير القطع كل شوي الا مجرد اشياء استهلاكيه وسعرها راح يكون عادي ،،

او تشوفلك تويوتا فورتشنر مثلا ،
قبل اسبوع تقريبا كنت اتمشى بمعارض الشفا وحصلت فورشتنر 2015 6 سلندر يقول راعيه مسيوم بـي 60 الف بس والبدي وكاله واشوفه افضل انواع
الجيوب عن تجربه شخصيه من ناحيه : التحمل ، توفر قطع الغيار ، القيمه العزم والقوه

السنتافي صحيح انه يحمل مواصفات و مريح بس يضل دفع امامي اساسي يعني بالعربي عكوس معرضة للتلف في اي وقت مثل باقي السيارات الصغار ،
وانت عارف شوارعنا لاتخلو من المطبات والحفر المفاجئه ، وبعدين مبلغ 65 الف في سنتافي 2014 اشوفه مبالغ فيه خصوصا السيارات نازله بشكل
عام هذا اذا كان ماشي 35 الف اصلن على كلامه ، طبعا انا ما اشكك في ذمه الرجال بس السياره لها ثلاث سنوات و35 الف تعتبر قليله وانت عارف فيه
بعضهم يروح ينقص العداد تبع طبلون السياره ويقولك مامشت الا قليل مثل حركات بعض الشريطيه هداهم الله ،،،

عا العموم فكر بالموضوع ولا تستعجل أذا كنت تبغى سياره لك وللزمن .