اللي يقووول انه هونداي رخيص وتايوتا غالي ونصاب في الصيانة

كل الوكالات غالين ماوقفت علي الكوري فقط
والعلمك بتكون القطع غيار بزياده مع بدايه السنه الميلاديه بنسبه 30 بالمئه
وهذا الكلامه من جريده الرياض قبل اسبوع
الله المستعان كل شي صار غالي

روح ورشة محترمة اصرف لك من الوكالات النصابين ,, الشغله كلها فحص ما يحتاج لها حتى 100 ريال لكن دام فيه خرفان تدفع 500 و 300 اكيد كل واحد بحط سعر بمزاجه

صيانة النترا 2013 20 الف بـ1300 ؟؟؟ حسبنا الله ونعم الوكيل والله غاليه مره هذه طبعآ عند الوعلان الله يخسه مدري
عن الوكلاء الثانيين غبنه

يوم شريت الاكسنت رحت للوعلان عشان افتح لها ملف عندهم 
قالولي موترك ما يشمله الضمان لانه وارد الاردن 

طلعت ومن يومها ما طبيت الوكالة حتى تغيير اول زيت غيرته عند اقرب مشحمه 
والحمدلله الموتر قعد معي سنة وثلاث شهور بدون ما ادفع تكاليف التشييكات والصيانة 

وبعته والي فحص مالقا فيه شي

بالعربي الوكلات خراط فاضي 

معليش الواحد لو فكر شوي ويحسب خلال اربع سنوات كم دفع للوكاله كتشييك راح يشوف مبلغ كبير وقدرة من جهتي اشيك اول الف كيلو بالوكاله اذا فيها عيب او شي وبعدها اسحب عليهم سيفون

اعوذ بالله
أجل النترا 2013 .. صيانة 20 ألف بـ 1300 !!!! يا ساتر !!!!

حشى لا تكون مرسيدس او BMW أو فيراري و انا ما أدري !!
تكلفة الصيانه والفحص .. أغلى من الهوندا واغلى من التويوتا واتوقع أغلى من النيسان و الخ...

نصيحة يا اخوان مو معناته ان معك السياره الفلانيه تدافع عن وكيلها .. لا بالعكس افضحه
عشان تستفيد ويستفيدون اللي معهم سيارات مثلك
وغصب عليه بينزل الأسعار

لكن اذا بتدافعون عنه وتعززون له .. بيرفع الأسعار أكثر وانتم الخسرانين

افتح كتالوج سيارتك وشف جدول الصيانة ( وركز على الظروف الشاقه والقاسيه أو الشرق الأوسط )

وغيّر الأشياء المذكوره بالجدول برا الوكاله ( القطع من الوكاله .. والتغيير برا الوكاله ) .. إلا الأشياء الحساسه مثل زيت القير والفلتر

كل الوكالات نصابه روح شوف صيانة تايوتا على 5 الاف كم ياخذون مع انه عند 1000 المفروض يغيرون زيت المحرك بس يتركونه ل5000 الاف لكي ياخذون فلوس على التغيير 

انا راح ادخل السياره ان شاء الله الاسبوع الجاي تشييك 20 الف وراح آخذ فاتوره بالقطع او الاشياء اللي راح يغيرونها
واحطها ف موضوع ونناقش السعر + الاجور = بالنسبه لي انا راح ادخلها احس ان السياره اكلت هواء معي من مممممحط
وابي انفض والديها مافي غير الوكاله ولا والله البعد عنهم غنيمه

السياره اول ماتطلعها من الوكاله ودها تشييك ال 5000 المجاني وبعدها اسحب عليهم شوف لك محطه ممتازه واستمر بالتعامل معها بشرط انك انت اللي تشتري السيفون من الوكاله لان البناشر السيفون اللي تبيعه ماهو بأصلي ومع الوقت راح يسبب لك مشاكل .. قبل اسبوع كنت عند وكالة هونداي وسمعت الموظف يكلم واحد ويقول له (اذا ماأخذنا هذي القيمه من قيمة التشييك اجل كيف بنطلع رواتبنا ؟) !!  

انا بالنسبة لي ان شاء الله اذا طلعت سيارة وكالة مهما كانت وكالتها راح امشي بالسيارة لين 20 الف وبعدها سيفون على 
الوكالة في خلال فترة العشرين الالف راح تطلع لي مشاكل السيارة واي شي متعلق بالسيارة والوكالة ملزومين انهم يصلحو الخلل 
ذا في فترة العشرين الالف بعدها ولا عاد اطب الوكالة الا اجي عندهم اغير زيت القير وامشي 

ياعزيزي الامر عادي انا مشيك كراون فكتوريا 24 الف ب 6جج ريال 
والتشييك القادم قيمته 1200 ريال 

اذا ماتبي تدفع طنشهم وغير برا وتحمل الاعطال الي راح تصير بموترك لانه الضمان يلتغي 

المسأله مسألة النصاب الوعلان فقط
ركزوا معي :

صيانة ال 40 الف

بالناغي 420

بالمجدوعي 382
عند النصاب الجيزاني الوعلان ب 2460 ريال ..!! دبل دبل الدبل


ويوم كلمت وزارة التجار وحماية الحرامية قالوا لي هو حر انت وش دخلك ؟؟ اقسم بالله قالوا لي هو حر اقسم بالله ياجماعه اقسم بالله على هالمغرب انهم قالوا لي هو حر بالاسعار وماعلينا منه

يّ آخ YASSER505 ..


آلوعلآن قصيمي مو جيزآني !!

افحص الف كيلو بعدها قل سلام عليكم ولاعد تقبل عليهم

عادي اذا فيه ناس تدفع !!وين المشكله
المشكله فيكم انتم اللي جالسين تدفعون مو في الوكاله من كثر الزحام عنده لازم يرفع

ياخي احمد ربك 550 ببلاش انا الدوج كسرت راصي كل صيانه 5 الاف حقتك الصيانه 550 ببلاااااااااااااش حبيع التشالنجر انشالله واخد فوليستر هونداي

ياشباب صيانه 45000 كيلو بالمجدوعي 830ريال 

تسوى اوديها عندهم ؟ ولا اغير برا 

شبااب ان عندي سوناتا 2014 ماشي 4980 كليو وبسوي صيانه 5000 كيلو لو ابي افتح كتالوج عند المجدوعي مجاننا ولا بفلوس مع اني ماخذها من معرض من الرياض وتشمل ضمان صيانه جميع الوكالات الهونداي

وكلاء الهونداي طمعوا شافوا الشعب طايح في سياراتهم غلوا الاسعار ولازم تداوم عالصيانة ولا راح عليك الضمان