ناوي النترا 2013 وش الشور ؟؟

استخير الله ومبروك مقدما .

اللون أنصحك تأخذ لؤلؤي وسعرها ما اتوقع يكون غالي لأن هونداي معروفه أسعارها رخيصة 

وعليكم السلام و الإكرام .. مبروك مقدماً يا الغالي , و عساها فال الرزق و البركة , أولاً يجب عليك أن تحدد ميزانيتك عشان تقول لك وش السيارة المناسبة .. يعني معاك 60 ألف مثلاً تقدر تشتري إلنترا جديدة لكن بنفس الوقت تقدر تشتري سوناتا نظيفة بهالمبلغ !!!! شفت الفرق شلون ؟ أو معاك مثلاً 70 ألف تقدر تشتري إلنترا فل كامل لكن بنفس الوقت تقدر تشتري أزيرا نظيفة بهالمبلغ !!!! إلنترا سيارة حلوة و عملية بس مع مرور الوقت راح تتضايق منها لأنها صغيرة و يمكن إذا  أنت مليان شوي بعد أقل من سنة بتطفش منها !!؟؟ أنا أنصحك يا غالي تاخذ لك سوناتا أو أزيرا نظاف وحمدالله مراكز الفحص منتشرة بكل مكان يعني تقدر تفحص السيارة من الصدام للصدام و ب 500 ريال بس !!!! طبعاً ما أتوقع إلنترا إنها تصرف بنزين لأن رفيقي معاه سوناتا يفللها ب 28 أو 30 كحد أقصى و تمشيه 600 كيلو بالراحة و إذا كان مهًدي ولا يدعس واجد تمشيه 650 إلى 700 كيلو , طبعاً كل هالكلام اللي ذكرته وجهة نظر و أتمنى أكون أفدتك و لو بشيء بسيط , تقبل فائق تحياتي و بالمبارك إن شاء الله عليك و عقبال ما تفرح بعرسك يا غالي .

ياغالي اذا انت ناوي على النترا 

خذ الشكل القديم الي يجي 2000 سي سي 
قويه جدا 

واذا نويت على الشكل الجديد انصحك لاتاخذ بصمه لان خويي شرا بصمه وجلست معه قرابة 6 شهور وخرب الحساس الي يجي تحت دعسة الفرامل وانت بكرامة 

مبروك مقدما والله يعطيك خيرها ويكفيك شرها 

الانترا حلوه بس مانصحك بالبصمه لأنها جديده عليها البصمه واشوفها مع نسيبي يمدحها كثير وسياره معقوله مرررره وانا اشوف بسعر الفل كامل النترا خذ سوناتا نص فل احلا واقوا

معي وحده ممتازه .. لكن عزلها مش ولا بد والبدائل عندك

1- هوندا سيفيك
2- تايوتا كورلا ( لا انصحك )
3- شفروليه كروز
4 كيا سيراتو
هذولي اللي بفئة النترا.. على العموم النترا من وجهة نظري اكبر حجم من السيارات اعلاه واشوفها افخم وانا عن نفسي
ماشيه معي زي العسل ولا شفت منها اي شيء الى الآن...

مشكورين. بيض الله وجيهكم 

سعرها فل كاامل والكامل الله 61 الف ريال في الناغي 

انت ياولد الحجيلي اجل الالنترا ورق
طيب والهايلوكس فولاذ مثلا ?!

شوف يا الغالي..صلي على النبي..
معك 60 الف صح؟؟
حلوووو...عندك 7 خيارات
خذلك ماليبو 2010
او كابريس 2007<<<ما جربتهم ولا ركبتهم لكن يمدحونه الناس
او التيما 2010 فل اوبشن..يجيك بحدود 55-60 الف وافضل سيارة ركبته
او اكورد 2008-2010
او كيا اوبتيما 2010-2011
او كيا سيراتو 2010-2011
او كراون فكتوريا 2005-2007
او جراند ماركيــز 2005-2007
ان شاء الله اوفيت لك الحل....
واذا تبي النترا كيفك...
شكله رائع ومنتشره بشكل كبير....واسعاره معقوله
حتى السيارات يللي كتبته على قد سعر النترا 61 الف

ي شباب الرجال استشاركم بالانترا فقط ونتم تجيبون له الف سياره بديله !!
اانا اشوفها ولا احلى والف مبروك مقدما بس البصمه تراها مايمدحونها اعرف واحد معه سوناتا فل بصمه اكل مطب وخربت عليه 
وخربت عليه الكمبيوتر كله ! 
واذا تقدر سوناتا نص فل تراها حلوه معي وحده ولااروع 2013

نصيحه نصيحه لاتشتري مستعمل وخذ لك التنرا على يدك والله اكسنت جديدة على يدك ولا ازيرا مستعمل    اسال مجرب 

لاتفكر بي شي كبير عليك نصحه النتر احسلك مثلن 
شريت ازير كم قطع غيره كم تغير زيت كم وكم الخ..