اسعار السوناتا الى اين
5
3
إضغط هنا للإخفاء
السلام عليكم ورحمه الله وبركاته
اللهم صلي وسلم على سيدنا محمد , صلى الله عليه وسلم
اخواني انا متضايق مو من حسد او في شي في نفسي لاكن مثل ماتقولون شيء يشق المخ
ركزو معي
سوناتا 2010 ماشي بالستين سعودي سياحي استاندرد قير اوتو انباع 46 وعندي رقم صاحبها السابق
سوناتا 2008 سعودي نص فل انباع بـ 35 وباعه بـ 40 وانباع بازود وعندي رقم صاحبها الاول
سوناتا 2008 ماشي تحت الميه يبي فيه 45
سوناتا 2009 امريكي 6 سلندر نص فل يبي فيه 85.000 خمسه وثمانون الف < كتبت الارقام عشان مايكون فيه خلاف والي يبي رقم صاحبها اعطيه اياه
للمعلوميه 2013 بانوراما نص فل بـ 81 الف
الله يسقي قبل فتره كانت من 28-35 لموديلات 2006-2008 و 35-45 لومديلات 2009-2010
والمشكله انها تنباع والعالم تشتري
لاحد يقول القديم افضل من الجديد خراط انا لو محصل قيمه الجديد شريته
والطامه الكبرى السوناتا الكوري
موتر ماله قطع غيار الا بالطلب من الاردن قطعه تختلف ومحول من غاز الى بانزين ومكينته صغيره 2.0 وداخليته تسد النفس وعداداته 1.000.000% ملعوب فيها
واكثر شي تنباع هنا بالموقع او بالسوق لان خراباتها واجد ولاحد يعرف لها
وتنباع باغلى من السعودي
ومواتر امريكيه مستورده من الامارات ومن المعروف ان السيارات التالفه المصدومه او غرقانه ماتدخل السعوديه فيدخلونها للامارات ويصلحونها ويجبونها للسعوديه بعد اللعب بالعدادات والتكييس والتلميع
وخذ اسعار فلكيه
اوكيه انا لو معي سوناتا ببيعها باعلى سعر ولاكن موتر مهربد وملعوب فيه واغش العالم لا , واشفط جيوبهم
طبعا الاسعار المشاره فوق واحد منها لجار لعمي وكنت ابي اخذها ولاكن مالنا في الطيب نصيب وعساها دفعه شر وماابي موتر لو يكون اخو الوكاله اهم الشي الي فيه الخير
انا كنت حاط ميزانيه للموتر 35 والحين رفعتها الى 45 بس كلما زدت الميزانيه كلما تفاجئت بالاسعار الخياليه الظاهر والله العالم باخذ موتر وكاله واريح راسي , ناقص ادفع كل الي بجيبي وبالاخير بالصناعيه كل يوم
إبلاغ
الردود
اكورد التيما كامري
الشكل تتفوف السوناتا لكن اقسم بالله انهم ثلاثه اشخاص اعرفهم اتم المعرفه شروها وألله كلهم يبون يتخلصون منها واحده ماشيه 14 الف وواحده ماشيه 1600 هذي انباعت والثالثه ماكملت 10الاف
الشكل القديم جميعهم يمدحونها
7
6
3
3
بس انا امثل واقول اذا كانت اسعارها كذا خذيت 2013 افضل من 2008 او 2009 مستخدمه وملعوب بعدادها او ملعوب فيها
واخوي "راااضي" هذي نفسيه بالشخص نفسه ,,, فيه ناس تبيع تشارجر مامشى الف وتبي كامري وافالون وازيرا وماليبو والنترا وكلها مامشت شي عندك الموقع ومو سياره او ثنتين سيارات ماتعدت 5000
يعني امكن ماحبها او ماجازت له او فيها خلل مصنعي او يبي يطور او يتكسب او او
فلا تحكم الا اذا شفت جميع ملاكها عارضينها للبيع او عل الاقل 60-70%
2
0
وبالنسبة للأسعار فتراك غلطان سعر النترا جديد 2005 سياحي بـ 35 الف
طبعا النترا كانت تجي بدون مواصفات بالنسبة للقديمة علشان كذا سعرها رخيص
وبالنسبة للسوناتا فأنا أشوف انها تستاهل سعرها وزيادة
لانها سيارة كرف وكد وشكلها حلو من زمان
وأما تقولي الاسعار مرتفعة
فليش ماتذكر تويوتا والمبالغة في أسعارها ؟؟؟
يعني زي مثلا كامري إذ كانت ماشية أقل من 100 الف وبوية بلد توصل الـ60 يعني أغلى من سعرها وهي جديدة
ولا هايلوكس موديل 2002 إذ كان بوية بلد وماشي قليل يوصل الـ70 يعني أغلى من سعرها وكالة !!!
ها وش قلت ؟؟؟
لو تبغى تتكلم في المبالغة في الاسعار فتكلم في جميع السيارات
لاتتكلم في هونداي علشانها ناجحة وقوية وشكل جبار
وتترك تويوتا علشان تجي تسوق لها عبر الموقع
واما من ناحية السوناتا فصراحة أشوف مبالغة من اولاد تويوتا
يقولون انه ماحد يبغاها ومن هاكلام
طيب انا أعرف أخوياي معاهم سوناتا ومرتاحين ماقد سمعت مبالغة زي كذا
بالعكس والله اني أعرفين اثنين معهم كامري 2011 وودهم يبعونها ويأخذون سوناتا !!
لاتبالغون يامسوقين تويوتا
9
0
انا اموت بالهونداي وقسم بالله هي وكيا , اكره شي عندي التويوتا الى بعض الموديلات
ياشيخ لو عندي دراهم فوق 100.000 راح اخذ من جميع الشركات الا تويوتا
حبيت اني ابين لك هل الشيء
ثانيا بالفعل الاسعار لجميع السيارات طاره فووق
اكورد والفورد والكوابريس وغيرها
بس انا مستغرب لان كانت معي سوناتا 2008 سياحي وكانت اسعارها حلووه
يصير خلال 6 شهور الاسعار من 30 تصك بحول 50 شي عجيب يارجل
والاعجب ان الناس تشتري واغلبهم يسترزق منها
طيب انا ابي سوناتا وش اسوي الحين لاني اعشقها حتى الثماله
ناس انصحوني اني اروح بنفسي للامارات وناس تقول الامارات كلها شريطيه الشفا والنسيم متربعين هناك
واي سوسو تجيهم نزلوها السعوديه وخذ اسعار
الله المستعان
بس انا واضع حد لسوناتا اذا تعدته سحبت عليها ودورت لي بديل او خذيت النترا 2013 وندخل بالاقساط وغثاه
2
0
كورلا 2007 بـ 42 طبعا مواصفات كامله وسوم بعد
كورلا 2005 مهربده 35
اكسنت 2011 يبي فيها 30.000 وحالتها 80%
فورد 2005 اعتقد 52 سوم
كامري 2007 بـ 52 سوم
كورلا 2007 فل كامل نظيف 47 سوم
هايلكس 99 غماره 36 الف
طبعا فيه القرنبع مره اسعاره احس انها اسعار السيارات الشبه نظيفه , يعني النظيف والمهربد كلها غاليه
والسيارات اغلبها تمر شهور وهي واقفه , بس الي يقهر الي يشتري بهل الاسعار ويسوم او يزاود هو السبب بنظري بارتفاع الاسعار
3
0
ولد اخوي شاري FJ مستعمل عام 2008 بـ 110 وكان شبه جديد
باعة بعد سنة بـ 110
والله العظيم ان الرجال ماصدق نفسه يوم اتصل عليه المصري حق المعرض وقاله فيه زبون صامل بـ 110
لكن تدرون ليه ؟؟
ولد اخوي يوم يشتري الموتر كان وكاله بـ 118
بعد سنه وصل سعره 125
شوفوا الآن اسعار الافجي 2013
يوصل فوق 140
هذا السبب خلا موديلات الـ 2008 و09 تلامس حاجز الـ 100 ألف بعد ماكانت في الـثمانينات
السنة الماضية والي قبلها
وقيسوا على السيارات الثانية
السوناتا الفل الآن بحدود الـ 100 ألف وتزود شوي عند المهبل حقين الخليجي (وارد الأردن)
الي اسعارهم أغلى من الوكالة
فشي طبيعي ان المستعمل يرتفع سعره
فيه غلاء في السيارات الجديدة عن السنة الماضية والي قبلها وهذا شي ملاحظ وملموس
الاكسنت 2011 السياحية الشكل الجديد كانت بـ 38 وبعدين صارت بـ 41
وبعدين صارت بـ 45 2012 ووصلت لحدود الـ 48 ألف في موديلات 2013
أنا مشتري اكسنت 1.6 2012 الدفعة الأولى بـ 46
عرضتها قبل 6 اشهر وجابت لي 31 ومابعت بسبب الظروف
بعتها قبل اسبوعين بـ 38 ألف على زبون كان يقولي انه لاقي سياحية فيها باب ورفرف بـ 35 ألف ؟؟؟؟؟؟؟؟
من عام 2007 والسيارات كل سنه تزود اسعارها بمعدل 2000 ريال
والعظيم أذكر الفورشنر بـ 95 الـ V6
شوفوا الحين وصل للـ 130
3
0
والعظيم = والله العظيم
2
0
وتبدأ توسوس فيها ،.. واحد من اخوياي وده يشتري سياره ورسى على الاكورد المهم طلعت انا ووياه للوعلان كنت ابي
قسم قطع الغيار قلت له انزل خلنا نشوف السيارات المعروضه بحكم اننا جينا للمعرض ولا ورانا شيء شاف الازيرا الجديده
واعجبته مره فخامه واكبر من الاكورد والاهم انها 6 سلندرطبعآ اللي شافها سياحيه وسعرها 820000 قال خلني اشوف
اذا يعطوني قدمت عليها يبيها منتهي بالتميلك كل البنوك اللي ف الصاله رفضوا لأن راتبه مب ذاك الزود ، مشينا بعدها
بيومين رحت معه لهوندا فاضيين ماعندنا شيء بنشوف سعر الاكورد 2012 ولقينا اسعارهم حلوه + قبلوآ راتب خويي
وبدون دفعه اولى بعد خبركم يبون يصرفون الشكل هذا بأي طريقه لأن باقي على نزول الشكل الجديد شهرين على حسب كلام الموظف طبعآ هم المستفيدين بكل الحالات
مشينا على اساس انه يبي يشآور اللي يعرفهم معهم اكوردات وفالطريق قلت هااه يافلان شرايك بالازيرا اشوف الرجال
قام يذم كوري ومدري ايش وسنتين وتبدأ تهرقل هههههههههههههههه سبحآن الله مب على اساس انبهرت فيها ويوم ارفضوك
قمت تسب وآلله العظيم هذه القصه الظاهر فيه ناس كذاا :)
3
0
السوق ملعوب فيه مثله مثل العقار
وحنا ناس صداقين
رغم ان السوقين كلها نايمة لكن الغلاء الفاحش لم يتراجع
3
0
تبي تقارن قارن بالاسعار الفلكية مو تقارن بسعر شبه معقول
0
0
والله انها موتر والناس الي تعيبها تنقهر من فخامتها
واعرف واحد معه سوناتا ماشيه ١٢٣ وزود وجالدها جلد
ويقول مافي مثلها با السعر والراحه
قبل 11 سنه و 11 شهر