أضف سؤال أو موضوع جديد          

اللي عنده خبره لا يبخل علي

up 5 down 0
خالد الحربي 171
قبل 6 سنه و 5 شهر



السلام عليك ورحمة الله وبركاته
اخواني انا كل ماسئلة واحد يقول الاكسنت 2013 مايهي حق خطوط طيب ليش ماهي حق خطوط ؟
هل تنصحوني بأن اخذ اكسنت ولا لا ؟ او بسيارة اخرا تكون رخيصة
وشكرا..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بسب فقدان الرساوة


up 2 down 0
عبدالله الشهري96 1535
قبل 6 سنه و 5 شهر



الاكسنت خفيفه وحجمها صغير يعني بالخط لو تمشي 120 ومر جمبك جيب او جمس او تريله راح تهتز السياره ويبيلك تتجود بالدركسون لا تطير انت وموترك الاكسنت حقت مدينه لانها اقتصاديه او خطوط شلها من راسك ماتنفع ولا فيها عزل الصوت حق الكفرات بالخط تسمعه كنه فوق راسك ازعااااااااااااج


up 3 down 0
المشيعلي 454 3368
قبل 6 سنه و 5 شهر



ليست حقت خطوط لانها خفيفة ممكن لو ينفقع عليك كفر وانت مسرع  تروح شوربة    بس اذا  انت ماك راعي سفريات واجد ولا راعي سرعه يعني حدك 140 _160 بالخط  فاتوقع تنفع لك


up 4 down 0
العامري دوت كوم 125
قبل 6 سنه و 5 شهر



انا بعلمك اخوي خالد
اول شي مكينته 1.6 موب راعي خطوط..السبب لأنه اول شي قوته حوالي 88 حصان وثانيا راح يتعب المكينه بالسفر..
ثانيا...وزن السيارة خفيف
ثالثا تحس اذا وصلت لمكان يللي تبي تسافر وانت تنزل تحس انك حاربت قريش ورجعت من التعب والالآم
ورابعا....عندك الشبح 500 وعندك كراون فكتوريا 1999-2005
وعندك حق الخطوط مرسيدس 560 تمشي 260 كانك ماشي 120--1989-1990
وعندك اكورد 2008 وبعد كامري 2002-2006
وايضا كابريس LTZ 2004-2006
ومكسيما 1998-2007...ولكزس LS 1990-1999
ازيرا 2006-2009 وسوناتا 2006-2010
مازدا 6 2005-2009 وجراند ماركيز 1999-2005
لنكولن تاون كار 1994-2000
كيا اوبتيما 2010 
هذي 14 سيارة بديله عن الإكسنت
تحياتي ولايك إذا أعجبك رأيي


up 6 down 0
ali-911 3090
قبل 6 سنه و 5 شهر



آلسبب لآن وزنهآ خفيف و آلهوآء يلعب فيهآ و هي سيآرة آقتصآدية مصممه للشوآرع دآخل آلمدن  ..


up 3 down 0
saeed 7 330
قبل 6 سنه و 5 شهر



اذا انت حق مشاوير داخل البلد تصلح لك ..

اذا خطوط خذ ماركيز او فكتوريا الموديلات القديمه اهم شي النظافه .. طبعاً عن تجربه ..

الاسعار من 15 ل 30 ..


up 1 down 0
برينسيزو 542
قبل 6 سنه و 5 شهر



وعلى طاري الاكسنت واحد من جيرانان كان معه اكسنت والرجال كان يدخن وطاحت الزقاره بين رجوله الله يكرمكم وفك الطاره يبي يلقط الزقاره قبل تعدم الفرش واول مارفع راسه الا الموتر لاف يمين وهو يحذف يسار يبي عدلها

وبحكم خف وزنها افترت فيه على طول ونقزت للسيد الثاني وضرب سياره ثانيه

والرجال اخذ مايقارب 3 شهور على عربيه وبعدها على عطا والحين الحمد لله يمشي بس باقي الاثر من الحادث

والاكسنت خفيفه مره وحديد مافيه وصغيره يعني ممكن تتصفط من اي صدمه

واسف طولت


up 7 down 1
المشيعلي 454 3368
قبل 6 سنه و 5 شهر



داخل المدينة مافيه مثل الآكسنت لاكن في الخطوط ماتنفع مكينة صغيرة وزنها خفيف والله يكتبلك التوفيق.


up 2 down 0
nnmm 1412
قبل 6 سنه و 5 شهر



هذي مشكله بالشعب 

انك لاتعرف متى تستخدم السياره المناسبه لك




up 0 down 0
سعد خليل 6151
قبل 6 سنه و 5 شهر



نصيحة خلك على الياباني مثل اليارس والتيدا واللانسر
لانها افضل بكثير من الكوري


up 0 down 3
>محب الخير< 131
قبل 6 سنه و 5 شهر



ياطويل العمر اذا انك متعود علي موتر كبير في الخط بتتعب شوي مع الاكسنت لكن اللي متعود علي الصغار عادي عنده انا متنقل بين موديلات الاكسنتات 04.07.09.11.13 واخر شي الصني وسفراتي للغربية مافيه اكثر منها الموتر يجمل معك مايقول شي لكن اذا مريت جنب تريله يحذف شوي لكن علي قد فلوسك الموتر كويس ومايعيبه الحذفية مع الهواء انا راكب ازيرا حقت خويي 12 اربعة سلند والله انها تلعب مع الهواء 


up 2 down 0
ابوابراهيم ksa 1385
قبل 6 سنه و 5 شهر



تبي نصيحتي الكوري زي الاكسنت والريو مصنعه للمدن فقط واذا تبي تسافر لاتسافر فيها كثير لانه راح تنزل من السياره
اول ما توصل وتحس انك متكسر ,انا مجربها بخطوط صوت المكينه بعد ال 120 يزعجك نصيحه اذا انت راعي خطوط
لا تاخذ الاشي 8 سرندل او 6 سرندل مثل الفورد من 2002 وفوق او اكورد 2006 وفوق اما اكسنت وراعي خطوط ماراح
تكمل شهرين ثلاثه الا ونت بايعه.


up 1 down 0
saher200 606
قبل 6 سنه و 5 شهر



أنا معي وحده سيارة داخل المدينة افضل سيارة عندي

بالخطوط ماتصلح مره مره مره إذا الجو مطر او عجاج

لو انت راعي خطوط شف غيرها اما أنت راعي مدينة لا والله خذها وتبي تدعيلي


up 2 down 0
al7rbi14 226
قبل 6 سنه و 5 شهر



دووور لكك كابرس 90 نظيف وخليه للخطووط 
ولا 560
ولا شبح 500
ولا بي أم
ولا كابرس 2004 وطالع
ولا لومينا2003ss وفوق
ولا فوورد أي موديل فوق 95
 ولا كامري قراندي 
ولا مكسيما 
ولا أكورد 2003 و طالع 
ولا ألتيما 6 سلندر 
هذي سيارات ممتازة بالخطووط
لكن أكسنت لا لعدة أسباب ومنها 
1- حجم السيارة صغير 
2- الماكينة 1.6 أو 1.4 صغير جدا جدا ولووو تمشي 140 تحس ان الماكينة عند راسك
3- فقدانها للرساوة 
4- الأمان شبه معدووم في هذه السيارة فلوو لاسمح الله صار حادث أو شي راح تتلف السيارة والله يكفينا شر الحوادث 
5- السيارة تصميمها بشكل عام تصميم سيارة للمدن والمشاوير وليست مخصصة للسفر ولكن ناس كثير يسافرون فيها 
وعادي ولا فيه مشاكل 



up 1 down 0
fasool86 598
قبل 6 سنه و 5 شهر



اخوي اذا انك طالب ووضعه المادي محدود  فانصحك فيها والله موتر اقتصادي بمعنى الكلمه وانا لها معي 3سنوات مافيه ديره ما سافرتها وماشاء الله ماتقصرونصحك تاخذها بدون مشاورة نصيحت مجرب  


up 3 down 0
se3o 189
قبل 6 سنه و 5 شهر



السياره التي قد تكون بسعر فلوسك هي كامري 2002 والله فنانه ونعم الموتر وراسي والله العظيم انه خطير ويععتبر افضل انواع الكامري ولك حرية الاختيار والاطمنان

وش دخل الاطمنان ههه تحمست


up 2 down 0
حسن القحطاني 1743
قبل 6 سنه و 5 شهر



خذ لك النترا الجديده وتدعي لي انا معي اكسنت ٢٠٠٧ علا ايدي مطلعها ماشيه ٣٧٠٠٠٠ الحمدلله ماقالت اح ونفسي بالانترا الجديده


up 3 down 0
توفي لك 9
قبل 6 سنه و 5 شهر



تنفع سفر كان عندي 2005 مستعمله واقل رساوه عرضت الكفرات وسافرت عليها دايما


up 1 down 0
abahal 1384
قبل 6 سنه و 5 شهر