نصائح للي ناوي على سياره غاليه
34
5
إضغط هنا للإخفاء
السلام عليكم ورحمة الله وبركاته :
تعرفون الناس الي تسهر وشايله هم الاختبارات والقلق بس الله يعيننا على
النتائج المبهره ،،،،،،،، ايه امحق ههههههههههههههه
المهم : اليوم واقف با الاشاره وتعرف اذا جيت والاشاره تستهبل عليك تلقاها مولعه لون اصفر
وودك تدعس قبل ماتولع احمر وتحصل ساهر با الاشاره والثواني فوق ال ١٠٠
طبعا تقعد تلفلف راسك يمين وشمال تدور شي تتفرج عليه
ولاحظت ان معضم الشباب سياراتهم غاليه زي ازيرا تشارجر سوناتا فل و تورس ولكزس ومكسيما
وجلست افكر دايم يلفت نظري شباب اهلهم في بيت اجار وعليهم ديون
ويجيك ولدهم فجئه ويفك لك موتر فوق ال ٩٠ او ال ١٠٠الف
واهله المساكين في بيت اجار وحلتهم صعبه وتصحل الولد ابي وابي ويزن على امه
او ابووه ويشترون سياره له !!!
ليش ياخي ؟؟
السبب !! على شان يكشخ قدام اخوياه والشله وسنه وسنتين الى خمس سنين
بعدين خلااااص ما عاد فيه فايده لسيارتك اقصد راحت موضتها
اشتر سياره على قد حالك مو تحط راسك بسياره فوق ال ٩٠ الف
تدرون المشكله من فييه ؟؟
المشكله فينا حنى ولا واحد ينكر هاذا الشئ انتم لاحظو معي وراح يطلع لكم الجواب
مثلا واحد شرا سياره بسعر ٤٠ الف طبعا راح تكون سياره عادييه جدا
والثاني شراء سياره فوق 100 الف او فوق. ٩٠ الف
تحصل كل الشباب يفضلون الي شراء سيارته١٠٠ الف
ليش ؟؟
طبعا لانه معه سياره جديده وحلوه مع ان الاول والثاني نفس الاخلاق
وطبعا نبي نتخلص من العاده هاذي الي مالها معنى
وتحييه لراعين السيارات المكسره مستانسين فيها ولا يهمه حك في احد ولا ما حك
وتصكيك جلنطات ووناسه هههههههههههههه
واهم شئ ياشباب اللحين راح يذن الفجر والله الله با الصلاة
إبلاغ
الردود
8
0
موضوعً روعهُ احنأ عًأيًشين بزمِن المظًأهر وًلعلَمكِ اكثررهم معلمينً والله الشاهد على كلاميً نيتهمَ ورعٌأن الله يهديهم... الاختبارات قريبه الله يعيننا يارب,,,
9
3
ياشباب أدعولي في الاختبارات `̨
6
0
بس يالتيهم يشترونها ويحافظون عليها لا يشترونها ويرحون يقاومون ويفحطون يهجولون الخ ...
عشانة مادفع فيها ريال اللي دافع تلقاهه ابوه ولا امه ومتقصدين السيارة >
جزاكك الله خير ي اخوي دحيم على الموضوع وتستاهل احل
5
0
2
0
موفق دحيم . . والله يعينا على الاختبارات :(
4
0
2
0
الموظف معاه كامري ؟
العاطل معاه لكززس 2013
وشلون لا تسالني
ههههههههههههههههههههههه
6
0
تدعم اي شركه ( مستثمره ) بمبلغ خيالي واغلب هالشركات مشاريعهم يقآسطون على الشعب فلوس وبفايده،، ولايغروونك
السعوديين اللي شغالين فيها ترى رواتبهم طفسه العبره بالمدير وحاشيته الاجانب :) وراح تتأكدون بعد فتره من كلامي راح تنتشر
هالشركات بكثره ..
4
1
انا ما ب ابخل على نفسي ولا على اللي حولي لكن كل شي لازم له حد وميزانيه وبالمعقول
1
0
السياره وسيله وليست غايه
انا ولله الحمد بامكاني شراء bmw جديده او مرسيدس لكن فكرت فيها قلت من زين سواقه البشر هنا
وبعد من زين الشوارع مكسره وتحويلات ومطبات
واشتريت سياره تمشيه حال هونداي النترا استاندر والحمدلله لااخذ هم اغبياء يحكني او يصقع بابي (عند مواقف السيارات)
ولا اخذ هم مطبات وحفر ولا اخذ هم غلاء قطع وصرفيه
1
0
وبعد ربع ساعة جاه ابن عمي ومعه بي ام دبليو وانا اتفاجأت عشان ابوي مقرضهم فلوس واجد وهم يشترو سيارات..... وبعد مارحنا بيته وجدنا بيته غرفيتين وحمام
والحي مرة خايس.... وبعد ماخلصنا وراجعين قلت لامي ليش يشتري سيارة بسعر خرافي قالتلي عشان يشوف حالو (يكشخ) وقالتلي 80 بالمية من اهل لبنان كذا
وهذا موضوع صار ينتشر بسعودية
0
0
الحمد الله بإمكاني أفك لكزس كاش من الوكاله. لاكني مو مجنون أضيع فلوسي على سياره فيها مواصفات أكثر من حاجتي.
أي سياره مستعمله موديلها مو أقدم من 8 سنوات تكفيني إذا مافيها أعطال.
0
0
قبل 11 سنه و 3 شهر