أضف سؤال أو موضوع جديد          

نسيت ان القيادة فن وذوق ؟

up 13 down 2
دحيم٧٧٧ 2205
قبل 9 سنه



السلام عليكم ورحمة الله وبركاته : 

اخباركم مع ها البرد والاختبارات عسى الله يعديها على جميع المسلمين با الخير 

الموضوع الي بقولكم اياه هو موضوع يتكلم عن اساليب قيادة الشعب السعودي

الحاصل معي من مواقف غالبا الحمدلله تعدي على خير

ابقولكم اغلب الي صار معي من مواقف ترفع الضغط ١٠٠٠

مررره معي الاهل رايح مشوار قريب يعني وسط المدينه وانا امشي قدامي
راعي سياره ما احتاج اذكر نوع السياره انتم ابخص ليش

المهم كنت ماسك المسار الايسر وهو قدامي راعي السياره والسرعه المحدده با الشارع كانت
٨٠ المهم كان في محلات على اليمين والرجال كان يتفرج على المحلات وهو يسوق
ومخليني امشي ٤٠ انا خليته ياخذ راحته وانتظر وعلطنا وعطل خلق الله

والله العظيم كشحت باالنور شي بسيط ويطلع ايده ويقول وش تبي ههههههههههه

طبعا لحمت بموتره الا شوي واصدمه ويناظر ينتظر بس اناظره على شان يتلفظ
طبعا ارتقيت بنفسي عن ها الاشكال

ياخي خلاص نسيت القياده فن وذوق وادب مو هوشات. وعناد وكلام فاضي

والله العظيم انه احيانا يطلع علي واحد طلعت غشامه واذا سلم علي يطيح كل الي براسي

وخلك هادي ورايق ماله داعي العصبيه الزايده انت تظر نفسك وغيرك

اذا طلعت على احد سلم عليه كانه تعذر منه صدقني راح يرضى عليك 


 
لا تدخلوا الجنة حتى تؤمنوا، ولا تؤمنوا حتى تحابوا أولا أدلكم على ىشيء إذا فعلتموه تحاببتم، افشوا السلام بينكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


صدقت اخوي والله العظيم حدث ولا حرج واش القلك بس البارحة واحد يجهرني بالنور وزحمة ويحاول يتجاوز والمصيبة الاشارة الثانية بعد كم متر رفع ظغطي صح يعني انت يابني ادم لو كان عندي مجال ووخرت عنك فين بتروح يعني مردك الاشارة مراهقين الله يصلحهم وتشكر اخوي ولك احلى لايك ..


up 2 down 0
..1987م 3453
قبل 9 سنه



وازودك من الشعر بيت الواحد لا جاك مركب كفرات بوالين وفرحان يصير فاهم غلط ويحدد العالم وانه هو القوي وانا طير البر،، ولا لاصرت ماسك طريق بري وتحصل قدامك ابو بوالين بأي لحضةة ممكن ينزل لتراب وينثر عليك من الحجر والحصى وسبق ان زجاجي الامامي انكسر من ها النوعية ولايزعلون راعين البواالين انا تكلم عن الي طافين وصغار السن  


up 4 down 0
ماشي بدربي 167
قبل 9 سنه



والله لو بتكلم عن القصص اللي صارت معي كان بجلس لين الظهر اسولف 

اخرتها امس راعي جيب لكزس جديد والله من شكله ماهوب راعي جيب لكزس وانتو عارفين من اقصد 

يجي يكشح بنوره هالزنون وراي جيت انا بوخر عنه بس فيه سياره جنبي ويلحم فيني ويكبس انا قفلت معي وانا مركب بوري تريله وافتح شوي له مجال واخليه يمر قبل ما يتعداني واعلق بالبوري اقسم بالله انه ارتاع وجالس يطالع فيني واطالع فيه واقوله خير وش تبي ويسكت وينقلع قلت ايه ما ينفع الا معكم الا كذا يا كلاب اقسم بالله لو ابي مشاكل ما وخرت عنه وخليته يروح لان تصرفه تصرف واحد حيوان وقليل ادب ولا يحترم الناس ولا يقدر الوضع يشوف الدنيا زحمه ولا اقدر اطوف ويجي يلحم وازيدكم من الشعر بيت يوم مر من جنبي الكلب ما اسرع مهدي يعني لعانه بس لا عنده حاله طارئه عشان نعذره والا شيء 

ع العموم موفقين يارب وانا انصحكم لوجه الله ابعدو عن المشاكل وخلو الدنيا تمشي وبس لانك لو بتتناشبون مع هالااشكال بتصير اشياء لا تتحمل عقباها 

بالتوفيق 


up 6 down 0
camry grandi 99 7274
قبل 9 سنه



والله ان الوالد يعلمني قبل سنتين  ان واحد تفل  عليه وأنتم بكرامه 


up 2 down 1
mission 849
قبل 9 سنه



والله موب بس المراهقين في المتهورين والي مايعرفون يسوقون بس لازم الصبر ووسع صدرك وانت تسوق وزي انت مرة واحد يسلكلك طريق انت تسلك للثاني طريق وكذا الحياة واهم شي اذا انت ضايقة احد بيجي احد يضايقك موب بس انت تصير لكل واحد هاذي الحياة


up 1 down 0



انا صار معي موقف في شارع حائل جده واقفين في الاشارة و في اشارة لبوابه يعني مالها داعي المهم الاشارة الي قدامنا مقفلة و في يوتيرن عندها الا و اشوف السويفت خش منه و كمل عكس و مر من الاشارة و طلع يده من الشباك و سوي حركة بذيئه المهم لفيت وراه و داعسين انا و هوا فكيت الشباك قلتله انت منت متربي و مدري ايش بعدين لف و لفيت وراه و هو خايف مشيت وراه لين خط الملك و كنت بتضارب معاه بس لساعه بزر


up 3 down 0
red_blo0od69 70
قبل 9 سنه



ي عيال الله لايسمعكم صوت البوري حقي ههههههههههههههههههههههههههههههههههههههههههههههههههههههههههههههههههههههههههههههه


up 0 down 1
برينسيزو 539
قبل 9 سنه



فيه متخلفين بس همه يزعجك ويكبس لك عشان يتعداك ويوريك السياره ويسمعك الصوت اللي مركبه..... مالت عليهم لحوووووووج


up 1 down 0
b or not be 1422
قبل 9 سنه



الله يعين الرجال هي اصلا من كل جهه سواقه قشرا وزحمه وشوارع مكسره هههههههههههههههه ماتدري تبتدي من وين
انا مايرفع ضغطي الا حقين الجوالات اللي ماسك جواله وماسك اليسار ويمشي حبه حبه ياليل الليل اقسم بالله اني اتمنى انقز عليه واعضه
من الغبنه والا اللي بالزحمه مسوي ذيب ويخش ،، قبل يومين كنت بزحمه المهم كان على يسار ابو بكس لموزين ويميني
سياره متعطله وراها كذا سياره واقفه وانا جيت بين المسارين ( تحصل واجد بالزحمات ) وادق اشاره يمين ابي اخش
لأن مايمديني امشي والباكستاني الوسخ يدز وانا ادز وهو يدز اقسم بالله غبني طيب ياحيوان خلني اخش وش راح يصير
المشكله مانب جايه بقوه او بخش بغصب داق اشاره وباين اني متوهق والله انه غبني عاد انا متأخر على الداوم قلت يحرم
علي مااتركك لو مااداوم اليوم كله واتركه يعدي واجي وراه ويوم مشى الطريق واجي واخش عليه وامسك قدامه فرامل
والله العظيم اني اكره هالحركات بس غبني انقهرررت.. يعني تشوفني متوهق وداق لك اشاره ومستأذن ليش هالنذاله الحيوانيه هذه


up 0 down 0