ايش مشاكل البصمة ؟؟؟؟؟؟؟؟؟؟؟

اخوي يجيك حساس تحت دعسة الفرامل وانت بكرامة ..


هذا كل ستة شهور او سنه يحتاج تغيير حسب ماوصفلي احد الاقارب عنده النترا بصمة

بس عندي ملاحظة على وكلاء هونداي ...


يااخي يرفعون الضغط مواصفات تلاقيها في شركة وفي شركة لا ...


يعني مثلا تلاقي فل بصمة عند الناغي .. وتلاقيها عند الوعلان مفاتح ..



وهذا ان دل دل على ان الشغلة مثل شغلة ابو جميل تركيب في تركيب ... يعني بلاش ضحك على عقول البشر

مافيه وكالة وانا خوك الا وفيها غش وسرقة ونصب

والكمال لله - لكن حاول تدور الأفضل 

وبالنسبة لمشاكل البصمة على حسب السيارة

يعني فيه سيارات مبتدئة وجودتها لاتعتبر ممتازة ،، وتجيك تحط بصمة ! 

يارجال خله يتوكل على الله مواصفات البصمه شي 

وياللي تقول حساس يتغير كل ٦ شهور معي جيب ٢٠٠٩ بصمه 
من وكالته الحمدلله لاغير شي ولا شي والحساس اللي تقول عليه ذا ماقد صادفني وخرب 
الحمدلله ...

وخله يتوكل ع الله ويشتريها

يارجال خل خويك يتعوذ من ابليس وياخذ سلف لا ياخذ بصمه والله ماتدري البصمه بعد 5 سنوات وش يبي يصير فيها

الصراحه ما عمري شفت احد يشتكي من تعطل بصمه او عيوب مصنعيه 

بل عكس البصمه تطوير للسياره وامان من المفتاح. 

معاي ازيرا بصمه وولها فوق ١٠ شهور او ١١ شهر
ماشفت الا كل خير
والي يقولك فيها عيوب وتخرب ماعنده سالفه 

من اروع مايكون البصمة على الالنترا شي جميل جدا

البصمه ترتاح من المفاتيح وتطلعها من جيبك وتحطها وتشغل و و و فلم طويل عريض
ياخذ بصمه اريح له يشغل ويطفي ويفتح الباب ويأمن والمفتاج بجيبه مايحتاج يطلعه .. شفت الفرق ؟
وخرباته نادره تراه زر مو ذاك التعقيد !!

انا معي سيارة سيراتو بصمه وهي سيارة كورية ولها 6 شهور ماشفت اي خراب وبالعكس مرتااح .. الريموت ف جيبي - فتح بيبان السياره - تشغيل السياره - عبارة عن ضغطة زر 

ي رجال خله يتوكل على الله وياخذها 

طيب وش الأئمن البصمة ولا المفتاح

خليه يتوكل وياخذها دام معاه المبلغ

المفتاح مشكلته لو طاح عليك تسبب مشكلة وبعض الاحيان ما تشتغل معاك السيارة لانه في حساس بين المفتاح والسيارة حسب ما وصف لي واحد مهندس في الناغي
وعانيت انا منها

اما البصمه فشكلي راح اخذها وما قد جربتها وان شاء الله تكون خير

الموضع قديم بس حبيت احط اللى في راسي :)