بخصوص السوناتا 2009 او 2010

والله اشوف المزينات طايحين فيها لكن مادري وش المشكله في هالمديلات القديمه ااغلب مشاكلها مكينه وقير مادري ليش مع ان مع اخوي مديل 2006 ماشي حول 250 الف وللحين ماشيه بس هو محافظ عليها ولا ادري وش السبب هل هو عدم الحفاظ ولا عيب مصنعي ومانصحك بالكامري ابد الا اذا بتاخذ النترا 2012 الشكل القديم والسوناتا خيار ممتاز بس خل اللي له خبره ييفيدك

يمكن الي تحصلهن موضبات المستوردات من كوريا وهن يخبط لانهن كانن غاز ويحولونهن بنزين هينا

من 2006 الى 2008 يوجد عيب مصنعي بطرمبة الزيت
2009 و مافوق سليمة
المشكلة ان الناس تغير لنفس الطرمبة وترجع تخرب فيه نوع ثاني تركبها وبإذن الله مافيه مشاكل
انا شخصياً استخدمت يوكون 2007 وكالة بعد الـ50 الف ودعت الطرمبة بسبب الزيت الثقيل

السوناتا القديمه اللي اعرفه عنها تكرف وحليوه..اخوي معه وحده موديل 2007 ماشيه حول 230 وكدهآ كد خضيّر
وللحين عايشه معه .. والحمدلله ماقد قال انه وظب او غير المكينه او القير .. ماشاء الله تبارك الله

المواتر كلها سعودية وارد الناغي وموجودة بحراج نص الاعلانات اللي اتكلم عنها

لكن استغرب انه خالي معه النترا 2006 لموزين طبعا والله انها مشت لين 320 الف كيلو

وانه تخبط وحتى ماخبطت الا عشان مشى فيها والرديتر كان يهرب موية

وانا صراحة ابغى موتر 2009 او 2010 ينفع لموزين وينكد كد الحمير

عطوني رايكم

اجل مالك الا السوناتا او الكامري


مع اني اميل للكوري اكثر بسبب رخص قطع غياره


لان الكامري ماعاد هو مثل مايخبره الشعب السعودي

وابعد عن اللي جايه من برى كوريا او غيره لان تكون غاز ويقلبونها بنزين

لاهنتوا بيض الله وجيهكم بنتظار اراء الجميع

اي مايحتاج توصي فديتك

بس المشكلة انه السوناتا السعودي اللي ادورله اكثره موظب وموديلاته 9 و 10

ما ابغا اطب في شيء ويتعبني ويروح تعبي في صناعية وقطع غيار وماني ناقص

^^^
الارخص النترا تحصل موديلات 2007 و2010 واسعارها مناسبه وتكد معك كد خضّير تصدق والله اني اعرف
باكستاني مآخذ من شركة التكاسي لموزين على اجره يوميه الظاهر بـ140 يوميآ المهم كان ساكن معه باكستاني ثاني
وصآرو يستلمون على السياره 24 ساعه قوة تحليل واحد من الفجر لين العصر والثاني من العصر لين الفجر اليوم
الثاني طبعآ من الشركه ممنوع بس ابو خآن ماتعوق معه وللحين السياره تكد معهم ومرات ادق عليهم ويوصلوني ببلاش
ههههههههههه خوه بيننا :) ..

والله اذا عندك مقدره شف لك اوبتيما ستاندر 2000 سيسي

ولا سوناتا ستاندر واذا تبي بمكيف خلفي تحصها في حدود 60

وتفك عمرك من الكذب والغش اللي حاصل



اسألني ماعاد فيه مستعمل يستاهل قيمته ولا عندك لاحسيب ولارقيب ولا تطلب لك من برى امريكا ناس صادقين ويعطون الموتر حقه اما هنا والله ياكم مره بغيت انغش خاصه بكامري 6 سلندر لها 5 سنين ماشيه 50 الف وحصلت سوداني راكب جنبه الضعيف مصدقه وردني الله عنه وعن موتره واعذارهم بسافر وببني عماره والخ


الجديد لذيذ الا لانحديد الشكوى لله عاد مالك الا تتعب

لانحديت *


وترى الحين الوضع يخوف جيت برش صدام موتري حصلت سوناتا موديلات جدد 2012 و11 مقصوصه ويسمكرونها ويقصونها ويالله وشغل العن من المواتر الامريكيه شي يروع صراحه ولو تسأله قالك بودي وكاله وماجاته سمكره


بس جاه قص ولزق

اما حركت الباكستانية معرووووفة هههههههههههه اعرف صاحب مؤسسة اجره قد كفش ناس كثير ورحلهم ههههههه


والله صدقت يخاف الواحد يطب في شيء ملعون ام مهلوك

وانا باقي ابغا اهلكه ههههههه 

بالنسبة الاوبتما ماتسوى لموزين كثيرين يشكون منها

بشوفلي الالنترا من 2009 او 2010 ماقد شفت احد شكى منها

بس كم تسوى اذا تماتيك ونظيف ومافيه مشكلة اذا فيه بس رش صدامات

انتبه يافدرالي الألنترا أتوماتيك أغلبها مكينة 1600
نادرا تلقى مكينة 2000 قير اوتو
ولا يقبلون ليموزين إلا المكينة الكبيرة سواء عادي أو أتو

خذلك النترا يالفدرالي نظييييف واجلد امها جلللد ماتطلب شي 

ايه اخوي خالد صدقت لازم 2000 سي سي عشان تنقلب

انا قاعد ادور لموزين جاهزة احسن لكن لقيا واحد خبل يبغى يبيع النترا 2011 لموزين 44 الف

صح هي نظيفه لكن كثيره عليها مرررره


ولاهنت اخوي علي الفقيه ونعم الشور