سؤال هام وارجوا من الجميع الرد ؟

 اهلا اخوي ابراهيم التركي منور الموضوع يالغالي 
 اشكرك كل الشكر على ردك , بس الكفرات ماتحس انها كثيرة عليها ال 40 في ناس استشرتهم 
 كثير قالوا عب الهوى 32 عشان تكون ارسى انت شرايك؟
 وصحيح ماشاء الله العزل رائع بالنسبة لفئتها من السيارات الاخرى ,
 وبخصوص اللفات صادق ناس كثير يقولونه لاكن عندي ماواجهت شئ من هالقبيل ممكن اني
 ما انعطف على سرعات عالية , تتوقع تلافوها في موديل 2013 ولا هي نفسها؟
 وسيارتك هل هي 2013؟ اشكرك!

عاير ضغط هواء الكفرات وهي بارده والسياره واقفه من مده طويله

و افضل شيء
تخلي ضغط هواء الكفرات على 30 أو 32 بالكثير
ومع الاحتكاك والخ... بيزيد ممكن إلى من 30 إلى 33 أو يمكن أكثر .. ومن 32 إلى 35 أو يمكن أكثر

واذا داخل المدينه ومطبات وحفر خلها على 28 .. أريح لك وعشان يكون الكفر لين ويكون الضرر على المساعدات والسياره أقل

وللمعلوميه كل كفر له ضغط معين لازم ما تتعداه يكون مكتوب على جانب الكفر
يعني مثلا بعض كفرات الهانكوك اقصى شيء 44

اذا قربت للضغط هذا .. خطر .. وممكن ينفجر أو يبنشر الكفر عليك بأي وقت
واذا تعديت الضغط هذا .. خطر جدا.. وممكن ينفجر أو يبنشر الكفر عليك بأي وقت

واضف إلى ذلك أنه كل ما زاد ضغط هواء الكفرات .. تقل الراحه وتصير الكفرات محجره لو تلقى حفره بالخط .. ممكن تفقع لك المساعد وتضر السياره

لكن كل ما زادت الحموله تحتاج ضغط هواء أكثر .. يعني فيه فرق بين واحد مسافر لحاله أو وهو صديقه مثلا
وبين سياره فيها عائله كامله وعفش كثير وثقيل


زيت المكينه بما أننا بالشتاء + مكينتك جديده
10W30

وبالصيف 10W40 أو 15W40

وأنصحك تقرأ كتالوج سيارتك .. لأن مكاين السيارات تختلف


بالنسبه للسرعه .. المشكله ساهر

والسرعه حسب خبرتك وتعودك على السرعه .. وحسب رساوة السياره
بعض السيارات راسيه وتسرع فيها ولا تحس
وبعضها اذا اسرعت تكون غير راسيه وتلعب وحالتها حاله

وفيه احد قلبه قوي ومتعود على السرعه وعلى سيارته ويعرف وزنيتها والخ ...

ماقصروا الشباب بعدين ترى سؤالك غير هام

انا بقولك شغلتين
الاولي شف زيت الوكالة الي تنصح فيه الشركة وعادة بيكون على الغطاء الخاص بالزيت في المحرك فيه بعض السيارات تاخذ 5w-20 وكل سيارة ولها زيت مخصص من الوكالة وهو الافضل اما بالنسبة للكفرات بتلقي ملصق على الباب او في الدرج يبين لك نوع الكفرات والضغط الي مفروض انك توزنه وبالعادة يكون 32 بس انت تاكد من الملصق الي على الباب الخاص بالكفرات وخل عنك التجارب والكلام الكثير وخلك على تعليمات الوكالة سيارتك جديدة ولا تسوي عليك تجرب عليها تجارب غير مؤكدة