يا شباب تعالوا شوية شئ عجزت القاه؟

مخرج ١٦ سيدا تجيك اشاره بعدها خذ يمين وخلك بالخدمه بعدين بيجيك مفرقين يا يمين يا يسار انت رح يمين وبعدين بتجيك اشارتين الثانية يسار

هذي تحصله عند المنجد حق المراتب حقت السياره

انت اي حي علشان اعطيك وصف مضبوط للي يسوي هذي الشغله اللي فوق الطبلون

اما الغرابي من عند البطحا احسن وصف ولا رح مع الوشم وانزل عليه من عند الاحوال

اي محل تنجيد يسويها لك


قوله ابلبس الطبلون و يعطيك الالوان و الانواع و الاسعار

عند اي محل زينه قله بلبس الطبلون زي كلام اخويssulltan

 اول رد وش تقصد بالمخرج 16 هذا في الملك فهد ؟ وهل مكتوب مخرج 16 عشان يكون واضح؟
 اشكرك

 اخوي دكتور حراج انا في حي السويدي وياليت تدلني محل يسويلي هالشغلة وشغله مضبوط , اشكرك!

 سلطان + ويلكم اشكركم اخواني ماقصرتوا !

 

طيب عندك في سلطانه حقين التنجيد هذا اقرب شي للسويدي

نهايه شارع سلطانه حقين الجوالات والدشوش اخره قبل الاشاره يمين ويسار كلهم حقين تنجيد
يضبط لك الطلبون والمراتب واللي تبي

وفيه في الشفا بعد قريب البلديه اذا تعرفها

اي سلطانة اعرفها ان شاء الله اروح لها بكره ماقصرت يادكتور حراج 
بس ياخوي دكتور الغرابي ماتعرف افضل طريق سهل اروح معه ؟ شرايك اقرب شئ للسويدي

انا عندك ترا بنهايه شارع سدير خخخ

وااذا بغيت الغرابي اروح مع البطحا احسن طريق بس ماينفع الا يوم الخميس الصبح فااااااااااضيه الشوارع
اطلع مع الدايري الجنوبي اللي عند الهرم والنقل الجماعي الين يجيك مخرج البطحا اطلع معه يسار وسسسسسسسسيده وخلك من تحت الكوبري وسسسسسسسيده الين تجيك مقبره العود ثمن سيده بعد الاشاره الين يجيك كباري البطحا والقروشه ذيك بعدها يجيك فندق عنده اعلام اول لفه او ثاني لفه بعدها يمين ويوم تدخل اسئل اي واحد بس ويعلمك وين الغرابي

هذا اللي انا اروح معه واشوفه احسن شي

وفيه مع طريق الملك فهد ثمن مخرج الوشم ومن عند الاحوال اللي هي ثاني اشاره يمين وبعدين سيده يطلعك على البطحا ابد على الوصف اللي فوق توصل مع الملك فهد

 اشكرك يا دكتور ماقصرت والله ولك احلى لايك

محلات التنجيد سلطانة

ابراهيم ماقصرت يالغالي ولك لايك فديتك اشكرك
وهذا الوصف الي ابيه 

في اكثر من طريق يوصل للغرابي ,أحسن طريق من وجهة نظري من شارع السويدي العام تطلع سيده إلى الاشارة اللي عند الملك فهد ,
تروح سيده يتغير اسم الشارع الامير محمد بن عبدالرحمن يكون سوق عثيقة على يمينك,
ثم سيده تجيك أول اشارة سيده تجيء ثاني اشارة سيده
ثم تجيء ثالث اشارة اللي عند أسواق الجزيرة ,تروح يسار مع الاشارة (طريق البطحاء)
ثم سيده سيده تجيء مقبرة العود على يسارك سيدة تجيء اشارة تمش سيده ثم كبري الاول تطلع عليه ثم الكبرى الثاني تطلع عليه بعد الكبرى خلك في اليمين إلى اخر حارة قبل الاشارة ادخل معها يمين ,أمشى 200 تحصل شارع الغرابي ...
واذا ما عرفت الوصف اشوف وصف ابراهيم دقيق ماشاء الله ساكن في جدة ويوصف في الرياض ...

تجيء مقبرة اعود على يمينك **

تحذير اليوم الجمعة + رواتب
يعني البطحاء زحمة عمال
والغرابي زحمة

اخوي نصيحة لا تحط غراء على الطبلون بيشوهه لك المنظر