الا و اشتري سيارتك .. انقذوني ي شباب

12 1

لايمكنك التصويت حتى الحصول على 20 نقطة على الأقل
إضغط هنا للإخفاء

عبدالله الشهري1987 2362
قبل 11 سنه

بسم الله الرحمن الرحيم 

اسعد الله صباحكم ي غالين

من هذا المنبر الشامخ اتيتكم وانا في اشد الحاجه لمساعدتكم

في واحد له اسبوع بحلقي ناشب فيه نشبه لا توصف ابدا

لذلك جيتكم اشتكي و اخذ رأيكم المهم بالنسبه لي

الاسبوع اللي فات بالتحديد يوم السبت طلعت انا و الاهل نقضي

المهم وانا راجع للبيت لقيت واحد يغمزلي بالانوار من ورى
انا منتبه له بس مسوي يعنني ما اشوفك 
ادخل بشارع القاه وراي 
اروح يمين وراي يسار وراي بصراحه خفت قلت شكل هذا
وراه بلا ..
لو اني لحالي كان وقفت و شلت الشماغ و طبقته 
و شمرت اكمام الثوب و خرجت عليه << قصة تطبيق الشماغ لن يفهمها الا المتزوجين .. العقاب ي حلوين ههههههههههه

طبعا انتبهو الاهل ان في واحد غاث ابو حياتنا و بدت الربكه 
قسم كنه فيلم مطارده 
لعنت ابليس و وقفت السياره و نزلت 
و يجيك واحد يقول ي اخ ي اخ قلت بس من بعد هالكلمه شكله شاف شي بالسياره
قلت لك ساعه تطارد وش بغيت 
قال السياره للبيع ..؟؟
قلت له بالله .. !! 
يعني كل هالقلق عشان تقول السياره للبيع ..؟؟
قال سيارتك حلوه و روعه و صار لي مده ادور نفسها 
قلت ابد شوف المجدوعي عنده نفسها بالضبط روع خذها

طنشته و مشيت
دخلت الحي و الفاجعه الكبرى انه من سكان الحي نفسه 
طبعا انا من سكان الطايف 
و ماشاء الله الطايف كبيره جده لدرجه انك.من فوق 
تسلم ع اللي بالحي الثاني
المهم انتبه لي و لحقني الى البيت 
و كل يوم يمر علي .. هاه تبيع .. قلت حسبي الله ونعم الوكيل
يخي ماني بايع 

المهم بلحظه طرت ببالي حاجه ما انتبهت لها اني اخاف
تكون عينه ع السياره و يدقها بعين يجيب اجلي فيها 

تعوذت من ابليس و له اسبوع و هو بحلقي ما فكني
الين البارح قالي كلمه خلت شعر راسي ينط من مكانه
قال " الا و اشتري سيارتك " 
جاتني لحظه اتخيلت اني امسكه و اتوطاه 
لكن فجأه رميت له سعر لا شعوريا 
قلت 165الف تشتري ..؟؟
قال كثير .. قلت اسمع العلم تبغاها بالسعر هذا ..؟؟
قال تم ماعندي مانع 

حقيقتا انصدمت المشكله ما سأل عن السياره ابد 
واللي نعرفه ان هيونداي اسعارهم تنزل
حسيت اني ذجبت العيد .. 


طبعا ابغى استشيركم ي شباب 
السياره فل كامل جينسيس سيدان 2012 طبعتها بنص 2012

مواصفاتها مكينه 8 سلندر اللون لؤلؤي .. فتحت سقف
داخليه جلد جملي .. تبريد و تسخين المراتب
شاشة معلومات بالطبلون .. شاشة نفقيشن 
مكيف لمس المراتب الاماميه كهربائيه 
المراتب الخلفيه تكيفها مستقل .. تحكم الكتروني بالخلف 
جنوط 19 ... و مواصفات الجينسيس المعروفه

العيوب ..
فبها رفرف يمين و اسطب يمين و.جنط يمين و صدام امامي
كلها تغيرت بالوكاله وعلى الضمان 

طبعا السياره لا تزال على الضمان 
الى الوقت الحالي السياره ماشيه 8600كيلوميتر
.............

هل تستحق السياره 165الف ريال 
لاني قلتها بالغلط 

مع العلم اني طلعتها من الوكاله ب 169500ريال كاش

النجده ي شباب :( 


واعتذر.لكم عن عدم مقدرتي للتقيم .. و السبب مجهول
تحياتي لكم 

إبلاغ

الردود