أضف سؤال أو موضوع جديد          

تجربتي للتوسان بالصور والفيديو 2013

up 27 down 1



السلام عليكم ورحمة الله وبركاته :


بعرض لكم تجربتي البسيطه جدا ويمكن الموضوع مكرر لانه نزله قبلي العضو أبو ريان 1 اللي سرقوا الفرشات الارضيه عليه الله يعوضه بس هههههه


بقول انطباعي عن السياره طبعا اخوي مطلعها والمشكله اخوي مايعرف شي عن السيارات نهائيا ولا يدري انها دفع أمامي ولا يعرف انها 2000 سي سي ولايفهم شي ابدا

فقط السياره عاجبته ومشى عليها الحين 8000 كيلو


تصميم السياره من جوه حلو وتحس ان التحكم فيدك يعني ماهي مثل الفورد المسجل بعيد عنك والمساحه كبيره و تحس ان السياره ضامتك داخليا


صوت المكينه وفيها صوت غريب وكئنه الشكمان فيه تنسيم اسمعه من جوه وهذا طبيعي السياره وضعها كذا قد شفت غيرها نفس الشي


صوت الدبه اللي ورى حقت الشكمان اسمعه اذا شديت عليها على سرعات والمشكله دبة الشكمان الخلفيه بارزه مره يعني لو فيه مرتفع ممكن تقع فيه وتنفقع عليك وهذي اعتبرها حاجه سلبيه


التسارع أعجبني رغم وزن السياره اللي اشوف انه ثقيل وماسكه نفسها على الخط وعلى السرعات العاليه أفلت الطاره والطريق يكون غير مستوي السياره ماتحذف تبقى سيده لايمين ولايسار والطاره فيها شوية ثقل وجربت أنطل بالسياره على سرعة 100 اشوفها متماكسه ماشءالله تبارك الله


النمره الاولى والثانيه تسارعها وقومتها حلوه والتبترونيك ماجربته ماودي أقطع بطن السياره امانه لحد مايرجع اخوي


السياره مع المطبات والحفر تحس انها متماسكه وقطعه وحده واشوف رساوتها افضل من الالنترا والاكسنت

قيادتها ممتعه بعض الشيئ وتحس بارتفاعها

مجال الرؤيا اشوف انه ممتاز سواء من المرايات او القزاز الخلفي

عيوبها :

بدون ABS وهذي ازعجتني وخطيره لانو الوزن ثقيل وعلى سرعه وبدون ABS السياره تفحط اذا مع الفرامل !!! تحتاج ABS عشان تروضها ((( أخوي يقول تفحط لان الفرامل قويه ))) هههههه طبعا لحد يلومه مايعرف عن السيارات اي شي الله يطعمه خيرها


السياره وارد الناغي طبعا اخوي بعد ماقرر ياخذها قلتله خذها من الناغي اشوفه افضل السيئين حتى الفرشات وباقي الاكسسوارات كانت كامله مو مثل ابو ريان1 سرقو عليه الفرشات


التكييف ممتاز والمسجل ايضا ممتاز حاملات الاكواب مكانه مناسب جدا


مشكله أخيره ( تعاني هونداي من سوء العزل الارضي ) النترا اكسنت سوناتا سنتافي جربتها ماعجبني العزل نهائيا اصوات مزعجه


لو المكينه 2.5 ودفع رباعي اتوقع جتكون حكايه ثانيه والعزم اكثر من رائع


فيها كمرا فالمرايه وخطوط فالجوانب والشنطه الخلفيه مساحتها جدا ممتازه والمقاعد الخلفيه واسعه طبعا أخليكم مع الصور والفيديو وعذرا على جودة التصوير


وبكرى بعرض لكم تقرير تجربه عن الستروين C5 بالفيديو


http://www.youtube.com/watch?v=xlQhRHhGR34


http://www.youtube.com/watch?v=b_yfKif62SU


اخر مقطع للوناسه عساه يعجبكم بس


http://www.youtube.com/watch?v=1Hlao2PiTDA

















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اكيد انه من غير abs ؟
في ناس تقول فيه وناس تقول مافيه
وانا تراني خلصت اوراق السياره وبستلمها بعد يومين وما ادري فيها ولا لا 


up 0 down 0
maher_252004 9
قبل 8 سنه و 4 شهر



السلام عليكم 
وكل عام وانتم بخير
لاهنتو ابي مشورتكم في توسان 2015 
المواصفات 2000 سي سي دبل بانوراما كاميرا حساسات خلفيه 
اللون ابيض والداخلي بني مع بيج ويجي فيه انوار عند الدعسه لمن تفتح الباب 
وسعره كاش 78 الف وش رااااايكم اخذه ولا تشوفونه غالي ... المجدوعي طبعا 


up 1 down 0
الصآمل -4
قبل 7 سنه و 7 شهر