ماهو افضل وكيل للسوناتا من حيث المواصفات للأستاندر ؟

فكر مرة ثانية وشوف المازدا 6 2014 وقارن 

saeed5500 حياك الله 

والله رحت لكلا الوكالتين وشفت ان السوناتا افخم وقطع غيارها ارخص والسعر تقريباً واحد لكن عند البيع ع حسب علمي المازدا يطيح سعرها بقوه 

المازدا الكل يقول قطع غيارها نار 

افضل شي الخليجي وتجيب لأي وكيل قريب عندك رقم الهيكل وتقولهم هل تضمنونه ولالا اذا قال ايه خلاص يفتح لك ملف مجانا ويضمن لك الوعلان في الوسطى وفي الشرقيه المجدوعي والناغي في الحجاز اهم شي في الخليجي تتاكد ان مواصفاتها فيها ايرباقين و abs مانع انغلاق الفرامل لمبه صفراء تظهر في الطبلون والله يبارك لك

اذا بتهتم بالصيانه في الوكاله بعد عن الوعلان 
حرامية بشكل غير طبيعي 

والناغي و المجدوعي ما ادري عنهم 

كمواصفات ما ادري لكن يمدحون الوعلان وبعدين المجدوعي ثم الناغي 
اما كصيانة المجدوعي بعدين الوعلان لكن سعر الصيانة غالية اما الناغي صيانته سيئة وتعاملهم سيء 
السعر اعتقد اقل شيء المجدوعي ثم الناغي ثم الوعﻻن

انا اخذت سوناتا ٢٠١٢ قبل سنة وكم شهر من معارض الدمام
وكيلها المجدوعي استاندر طيس
وكان فيها مثبت سرعة وتحكم من الدركسون في المسجل
وكشافات
وفتحة مكيف خلفي
تقريباً بحول ٦٩ الف ريال
مرتفع نوعاً ما لانه كان في بدايه موديل ٢٠١٢

والله ياخوي انصحك بالمازدا 6 2014 فرق شاسع بين السوناتا 

ولاتنسى ان المازدا 6 2014 توها متغير شكلها 

اما السوناتا نازله في امريكيا وكوريا وبعض دول العرب من الشكل الجديد من 2010 اما في السعوديه من 2011
يعني لها خمس سنوات اكيد بيتغير شكلها 

ايضا السوناتا تلقاها في كل الشوارع اذا شريتها محد بيعطيك وجه لانها منتشره في الشوارع وملينا  من كثر مانشوفها