ماهو الأفضل في الصيانه المكتب الرئيسي أو الصيانه السريعه ؟

صيانة ال 5000 الاف تقريبا في كل الوكالات مجانيه مثل الكيا اللي عندي ..انا ما ادري عن هونداي لاكن ما اتوقع في فرق كبير بين كيا و هونداي و سعرها 200 ريال تقريبا

بالوقت الصيانة السريعة افضل واهم شي تأخذ الفاتورة
وتحتفظ فيها لان بكذايشملك الضمان حتى لو غيرت زيت
وفلتر فقط بدون عمل الصيانه الدورية
حسب قرار وزارة التجارة
الله يعطيك خيرها ويكفيك شرها  

ب٣٠٠ وشوي حول٤٠٠ 

وطبعا ماتفرق اذا مشغول ع الصيانه السريعه 
وخلهم يختم دفتر الصيانه

@# صيانة الـ60.000 كم 

يغير زيت وفلتر الهواء ويشيك ع الرديتر والكفرات ويقولك 799 ريال

على ايش 799 ياحبيبي لو عند بنشري ولا حتى بترومين ماعتقد تعدي الـ100 ريال هو الاساس غيار الزيت ليه الوكالة؟!

اما الباقي انت بنفسك يمديك تسويه 

نصيحة اللي عنده بيت ملك ومتوفر حوش عنده وماهو مستفيد منه يسوي له حفرة ويكون بنفسه يشتري الزيت من الوكالة او برا الوكالة

ويغيره بنفسه ويشيك ع الباقي

 وتوفر بدال النصب ّ...

والله يوفقكم...

تروح الصيانه السريعه 

إسالك بالله انت لييه مأخذ سياره جديده ؟؟؟؟؟؟ 

مو عشان تفتك من الصيانه وقلة الحياء مو عشان تخدمك مو انت تخدمها 
وإلا عشان تدفع كل 3 شهور أو أقل مبلغ وقدره 

والله مايقهرني إلا اللي يطلع سياره جديده وكل شوي يسوي صيانه 
إخوي مطلع له سياره جديده 
مأعمره طب الوكاله حتى ابو 5000 مأوداها 
ليش كان مسافر يقول لو شفت في ألسياره شيء غريب وديتها وبعدين لحد يجي ويقول أغير زيت يروح الضماان ههههههههههه ؤش دخل إخوي خربت عليه أنوار الطبلون بعد 45 ألف كيلو راح الوكاله ضبطوها له بعد مافصل عليهم والسياره ماشئه معاه زي الفل 
يأخي ناس تحب الخسائر مدري ليش 

إذا تبي سياره تجلس تسوي لها صيانه بـ الألف رح خذلك سياره موديلها 2000 ماتخسر فلوسك على الفاضي 

صحيح كلام الشباب ،، أنا سيارتي كيا 2013 ، أول صيانة مجانية على 5000 كيلومتر ، سويتها في الخدمة السريعة ، وافلقني لو شافوا وجهي مرة ثانية