مشكله فالمكينه ومافيه الا توضيب

1 1

لايمكنك التصويت حتى الحصول على 20 نقطة على الأقل
إضغط هنا للإخفاء

استثنائي 790
قبل 10 سنه و 11 شهر

السلام عليكم ورحمه الله وبركاته

واجهت مشكله وانا مسافر للشرقيه خبطت علي السياره ونقلت من الشرقيه للرياض بسطحه

على حسابي الخاص وعند وصولها للرياض نقلتها مره ثانيه للوكاله طبعا دخلتها عليهم وبلغت بالمشكله

قالو اذا المشكله عيب مصنعي نتحمله وعلينا التكاليف بس اذا المشكله منك انت تتحمل التكاليف وبيكلفك توضيب مكينه من 15 الف الى 23 الف ريال وقيمه المكينه كامله ب35 الف ريال

قلت طيب موب مشكله قال الحين نطالبك تدفع 2000 ريال قيمة صيانه 30 الف كيلو لانك ماسويت الا صيانه وحده

قلت طيب وتكاليف نقل السياره انا اتحملها قال ايه مالنا دخل فيها قلت طيب موب مشكله لكن انا قاري موضوع من وزارة التجاره في الجريدة وارفض اني ادفع لكم اي قيمة صيانه قال اجل ماندخلها قلت خلاص انا بخلي السياره هنا وتتفاهم معكم وزارة التجاره المهم اخذ اوراقي قالي خلاص بعدين نكلمك بنشوف المدير يوافق عليها او لا لكن القرار جديد ولازم تجيب الجريده وتثبت لنا قلت بجيبها المهم دق علي ثاني يوم قال خلاص وافق المدير انه يعفيك من قيمة صيانه 30 الف قلت طيب

واتصل على وزارة التجاره لاني سبق قريت قرار لهم قبل كم يوم منع الوكالات من المطالبه العميل بالصيانه الدوريه والخ

المهم اتصلت عليهم ردو علي بعد ثلاث ايام من نفس اليوم اللي الوكاله تطالبتني بالصيانه قالو انت فلان قلت نعم قالو عندك اوراقك تثبت لنا انك مسوي صيانه عند ورشه معتمده قلت لا ماعندي اي شي يثبت قال اجل مايحق لنا نطالبهم بأي شي قلت طيب المشكله موب مني من السياره عيب مصنعي وهم كشفو عليها ومافيه اي شي يثبت انه مني الزيت موب ناقص والحراره طبيعي وكل شي طبيعي المهم قال لو عندك اي شي يثبت انك مسوي تغير الزيت المكينه والفلتر والصيانه الاخيره عند وكيل معتمد مثل بترومين وزيوت فوكس نقدر نطالبهم قلت طيب الله بيدبرها والحل يعني قال الحل انتظر اتصالنا بنحاول فيهم وبنرد لك

بعد اسبوع اتصلو علي يطلبون رقم اللوحه والاستماره وجلسو اسبوع ثاني والوكاله رحت لهم قالو السياره للحين ماخلصت لكن لو احتاجت السياره اي قطعه او اي شي نطالبك ندفعها قلت طيب دامكم تبون تركبون فيني المشكله وكانهم يبون ياخذون مني اي شي المهم قلت موب مشكله بس ماتغيرون شي في السياره الا بعلمي ومعلميني بالسعر لاني بحثت في التشليح وحصلت لي مكينه ب9000 وقلت اذا بتزيد عن 15 الف بركبها برى الوكاله

المهم اليوم ارسلو لي الوكاله ان السياره خلصت وتعال استملها قلت وش غيرتو فالسياره قال وضبناها قلت طيب المشكله عيب مصنعي صح قال ايه وكلفتنا تقريبا 17 الف او 23 لانه موب متأكد



** السؤال بأختصار للي مايبي يقرأ السالفه :
السؤال الاول هل في فرق في عمر المكينه بين الموضبه والجديدة ؟ وياليت توضحون لي الفرق

السؤال الثاني وهل يحق لي مطالبتهم بمكينه جديدة ووش الطريقه لأجل اتواصل معهم واوصل معهم بحق ؟

إبلاغ

الردود