ايش رايكم بالاجار المنتهي بالتمليك

إخوي الأفضل انك تطلع لك قرض وتأخذ لك اكسنت فوائد أقل وسياره بـ اسمك وقت مااحتجت ولا شيء تقدر تتصرف بس تأخذ سياره اجار منتهي بالتمليك والله قروشه ماتسوى عليك وفوائد حدود 20 ألف 
أما القرض من 8 الى 11 ألف 

وعليكم السلام ورحمه الله وبركاته

انا من رأيي تبعد قد ماتقدر عن الاجار المنتهي بالتمليك
حاول تآخذها عن طريق البنك وتكون باسمك وابعد عن الشبهات

اذا معزم ومرتبط بقرض سابق ومحتد على ما يقولون كان الله في عونك
فنصيحتي لك لا تآخذ عن طريق الراجحي
الراجحي يوقع عقد التأمين ويكون باسمه وانت مالك علاقه ولو لا قدر الله صار عليك حادث واتلفت السيارة
ضاع حقك والشيك يستلمه الراجحي سمعت اليسر ايضاً نفس طريقه الراجحي وهذا اكبر سررقه وغبن
فياليت تتأكد وتستفسر قبل ترتبط مع اي شركه تقسيط عن هذه النقطه وانت اللي توقع اوراق التأمين وليس البنك او الشركه
عشان تضمن لا قدر الله وصار شي عليك انك تتعوض ما يآكلون حلالك وانت تشوف
والله يكتب لنا ولك اللي فيه الخير

الاجار المنتهي بالتمليك بالتمليك ^ اكبر نصبة مشروعة في تاريخ الانسانية وبمباركة ولاة الامر وبعض المشايخ نسأل الله السلامه

خذلك قرض ولا تسلف وناخوك

يا رجال اذا ما عطوك قرض
حاول تجمع شوي وخذ كاش حتى لو قديمة
الاجار المنتهي بالتمليك ما فيه خير
ودايم فيه مشاكل مع التامين وغيره

انا مع الشباب 
  
القرض الشخصي افضل من المنتهي بالتهليك وليس التمليك 
 
يكفي ان القرض الشخصي السيارة تكون باسمك ونسبة الفائدة اقل 
ولو صارت لك ظروف تقدر تبيعها لأنها بأسمك

اولا : القرض افضل بكثير مثل ما قالوا الاخوان
ثانيا : لازم يكون القسط ما يتعدى ربع الراتب

تمويل شخصي أفضل

تمويل شخصي أفضل

ياخوي الاكسنت اسعارهن بالتراب تشتري 52 الف


تبيع بعد شهرين 30 الف



خذ قرض من البنك ودور على النظيف بالحراج والله بيوفقك



تسألني ليه تاخذ مستعمل :)


اقولك ليه :


لان السيارة ماتمسك قيمتها الشي الثاني الاكسنت ماتستاهل انك تطقها وكالة يعني ماهي بعزوه تجمل في كل الظروف والاوقات اتمنى اكون ساعدتك..

يعني يا اخوانٍ.. اشوفكم تقولون خذ لك قرض خذ لك قرض..,,
السوال هــل القرض افضل؟؟ هل هو شرعي..؟؟ القرض حلال؟؟؟
افيدونا جزاكم الله خيــــــــــــــــر..

اعطيك الزبده والخلاصه ان كنت تبي حلال وحرام

هذه قاعده فقهيه لازم تكون براسك الله يسلمك

القاعده تقول

اي قرض جر نفعا فهو ربا

يعني حتى القروض الي تكون من البنك هي ربا اذا كانت التسديد فيه زياده

وخذ علم الوكاد

اشتر موتر على قد حالك وخلك مثل حالي اكسنت مقبوعه من الرفرف هههههههههههههههخخخخ

حكم الايجار المنتهي بالتمليك. حراااااااام. 
لان فيه غرر. وبيع الغرر محرم. 
ولانه عقدين(ايجار)و(بيع)بعقد واحد وهذا لايجوز. 

ملحوظه نقاطي كانت ١٣٥٠ وينها. اللي يقدر يردها جزاه الله خير. 

حراااااااام حسب اقوال اغلب اهل العلم ابتعد عن الاجار المنتهي بالتمليك
علشان ربنا يبارك لك في سيارتك

الايجار المنتهي بالتمليك وقرض البنك حرام

مفروض الدوله تقرض بدون فوائد حتى يكون القرض حلال


شاطرين يلهفون بالفلوس

لي وجهت نظر فالموضوع عن تجربه !!!

اللي يقول خذ قرض ؟  يعني انت حليت المشكله خليته يبعد عن الشبهه في الايجار المنتهي بالتمليك ؟

القرض عليه شبهات مثله مثل الايجار المنتهي بالتمليك  ..

القرض مو اي واحد يقدر يطلعه لازم شركه معتمده وبعض الشركات المعتمده ماتعطيك صلاحية
للبنك انك تطلع قرض وصارت معي يوم كنت فجرير
جرير ماعطتني تثبيت راتب وغير معتمده مسئلة القروض فالبنوك 

يعني ماتوقع انه يقدر يطلع قرض والفرق بين القرض والايجار انه القرض نسبة اقل فقط وتبقى السياره باسمك

اما اللي يقول ابتعد عن الايجار المنتهي بالتمليك فاقوله الله لايحدك عليه مثل ما انحديت عليه انا

زمان كان راتبي 3500 وابي اشتغل وعندي دوامين وابي سياره تخدمني وتبعدني عن الورش !!

مستعمل والله ماني فاضي كل شوي اروح للورش ولو بغيت اسافر ما اضمنها والسوق مليان سيارات مضروبه

رحت لشركة سوفينكو السعودي الفرنسي وطلعت مازدا 3 جديده فل كامل بدون دفعه اولى
القسط 1350 يبقى من راتبي حدود 2200 والسكن ببلاش

والله اني ارتحت راحه غير طبيعيه اذا بغيت اسافر فالسياره جاهزه وجديده وشغل امش

تروح وتجي على كيفك والناس تقولي ليه تاخذ ايجار منتهي بالتمليك ؟
طيب قبل ماتجي تنصحني تعال ساعدني وجبلي سياره اقساط بدون فوائد

انا ظروفي صعبه وصرت اتاخر على الدوام والتاكسي هلكتني فالفلوس واخر الليل اطلع ابي احد يوصلني السكن فالسلي
والله محد يعطيني وجه من يوم يعرف اني ساكن فالسلي  !! يخافون
قلت فنفسي الناس مابتساعدني ان شكيت لهم بس حدهم فلسفه زايده هذا حلال وهذا حرام
وتلقاه فالاخير شبعان فلوس ومرتاح ويقول الايجار المنتهي بالتمليك حرام

طيب فيه ناس ظروفها زفت وصعبه لاهي قادره توفر كاش وتشتري جديد 
ولاهي قادره تطلع قرض ؟  حاب تساعد تعال اشترله موتر  !!

طبعا سحبت على كلام الناس وطلعت السياره ووفرت حق التكاسي اللي طفرتي 

اللي يقول حرام ياريت تجي تساعد الناس الغلبانه وتشتري لها مواتر جديده ؟

انا ماقلت هالكلام الا لمن مريت سنين بايام الطفره والفقر لحد ماانجبرت على الايجار المنتهي بالتمليك

فيه ناس دخلها محدود وظروفها صعبه ويبي سياره تقضي حاجته وتبعده عن التاكسي والورش

قبل لاتحكمون على الناس حسو بظروفهم  واللي جرب يشتغل بدون سياره وعلى التاكسي 
راح يعرف كلامي عدل

اخوي شاقح
مو مسئلة نحكم على الناس او فلوسنا واجده
إنما الاعمال بالنيات وانا اخوك
لكن بمجرد ما سهلت لنفسك الموضوع وقست هذا الشي على ضروفك يعني لازم مانجادلك ونقول هذا حرام !!
لو احتسبت الاجر وانا اخوك افضل من انك تحلل ما حرم الله
انا ماعرف ضروفك ولا احكم عليك او افتي لك بشي لكن في مثل هالحالات استفتي قلبك
وردك هذا فيه تضليل وإستعطاف وانا اعرف انك على نيتك وما قصدت لكن شوف اللي اعطاك الايك
كلهم رضو بما رضيت ودخلوا في ذمتك
ولا تبيع دينك بدنياك عشان محد وصلك للسلي
ولو قرأت رد ريموت كنترول عرفت اللي يبغوا يوصلوه لك اللي قالوا لا تآخذ اجار منتهي بالتمليك ومالهم إلآ النصيحه

اذا انت توظفت بدون سيارة وعلى تاكسي
ترا غيرك كثير ينامون بدون غداء ولا عشاء وماراحت تسرق

بالاخير اتمنى صراحتي ماتزعجك
وانا اعتذر من صاحب الموضوع ومن الاخوان لو كلامي مو في محله وضايق احد
في امان الله

انا معك ياابو كايان 
 قلت اللي ابي اقوله بالضبط
 
 وياشاقح الله يفتحه بوجهك بهالساعه المباركة 

 والطفرة والدجه شيء يقهر الرجل انا معك ، لكن هذا مايبرر أنه يتساهل بهالأمور الماليه

ي آخوآن وآلي يبي من الراجحي آقسآط يقولون عندهم آبي آعرف كم آلاقسآط الشهري للأكسنت الفل
آو آذآ مره آجىر منتهي بالتمليك  كم الشهر للفل ؟!
وتنصحوني بالرآجحي ؟؟!
والله محتآر 

احلىى لا يككك لأخووي فاتك حضوري