شي محير جــدا

اهلا

مو لازم يكون عامل بها حادث

يمكن ماكل بها مطبه !

اخويي عنده اكسنت كل نزله له يوزن ادرعه !

لأن السيارة صغيره و بسرعه تتأثر بالمطبات

احتمال يكون طب مطبه أو رصيف  

2013 ما يمكن يكون ان اختلاف الوزنيه فيها جت كذا
فيه شي سبب لها الانحراف

يمكن حادث ويمكن شي ثاني

انت ما فحصت الموتر قبل لا تشريه ؟

لا حادث ولا هم يحزنون صارت معي وزن اذرعة ياطب في حفرة ولا مطب وزن اوزن اذرعة وبتشكرني

لا تشيل هـّم
يا مطب قوي .. يا حفره قويه .. يا رصيف

وابشرك أنا طبقتها الثلاثه بنجاح ، وعاد انا سيارتي مرتفعه ( تاهو ) .
الله يطرح لك فيها الخير و البركه ، توكل ع الله و أعمل لها وزنيه فقط .

اانا قبل شهرين اشتريت سيارة مستعملة ،، ووونفس الحالة السيارة فيها حذفيه ،، ورحت اكثر من محل ميزان والعامل يسوي لي ميزان ويقولي سيارتك مافيها شي !! وبالاخير اكتشفت ضغط الكفرات كان يختلف ووسبب لي هالحذفيه ،،

روح اقرب محل ميزان ووشوف ايش يقوول ،، لا تصلح موترك عند اول ميزان ،، شوف باقي الورش وش يقولون اذا نفس الكلام توكل على الله وخلهم يشتغلون فيها

ممكن من الدركسون او ممكن الكفرات يبيلها ترصيص لان اذكر في واحد من اصحابي سوا ترصيص وصارت ثابته

الله يبارك لك فيها اخوي 

الحذفيه مو شرط انه يكون جاها بلا عادي مثل ماقالو يمكن مطب ويمكن حفره 

ولد عمي شرا سوناتا ٢٠١٣ وحصل فيها حذفيه   وردها للوكاله ووزنوها له والسلام

وحتى الوقفه فترة طويله والموتر لافه كفراته تسبب حذفيه.  


انت لاتوسوس وعيش بموترك الجديد وتستاهل البنتلي الله يستر عليك


اوزن اذرعه 

وعب هوا الكفرات  ومايردك شي بإذن الله ... 

حبيبي الالنترا و السيراتو معروفه ..قسم بالله من دون مبالغة يوم شريت السيراتو 2011 لازم توزن اذرعه و دركسون كل شهر و نص او شهرين و انا ساكن في جده و لا تصير ترج و الدركسون غير موزون ... لين ما تركتها مثل ماهي ماعاد وزنتها ..السبب ان الوكالة المتخلفة حاطه مساعدات قاسيه يعني"رياضيه" على سيارة 120 حصان ...وين العقل !!؟ هي صحيح تفيد جدا في الرساوه يعني عادي تغير مسارات و كذا على 190 كم ولا تسمع صوت كفرات ..لاكن ضررها اكثر من فايدتها ..

طبعا حفرة وحده او اثنين كافية انها تغير وزنية الدركسون في الالنترا و السيراتو .. فلاتخاف مافيها حادث ولا شي بس اوزن اذرعه وزن الكتروني و اوزن الدركسون بترجع مثل الوكالة ..لاكن لو انت ساكن في جده او مكه ..كلها شهرين و بترجع تخرب مره ثانيه

يمكن اكل مطب او حفره 

و تعرف مع الشوارع الي في البلد يمكن خذا حفره و هو مسرع 

طلعت سيارة وكالة والله العظيم انها تحذف من اول ماطلعت من الوكالة ورجعتها للوكيل الحاج قال ماعندنا جهاز وزن

شيك علي ضغط الهوا في الكفرات او روح للعضيب بيشيك علي السياره من الاسفل بخمسين ريال ويقولك اش فيها

الاكسنت صار معي فيها نفس بسبب الطرق المكسره وهذا يدل ان عضلات سيارات هونداي ضعيفه !!!

تسلمون عالاجوبه 
اكيد اكل حفره لاني اخذتها من جده

انا افداكم جميع .. وما ننحرمشي