أضف سؤال أو موضوع جديد          

استفسار بخصوص طريق وادي الدواسر

up 1 down 0
farctoz 269
قبل 8 سنه و 5 شهر



السلام عليكم ورحمة الله وبركاته ..

صباح الخير ..

يا شباب انا بسافر هاليومين ان شاء الله من الخميس للرياض

المهم وصلني خبر ان الخط عند وادي الدواسر او حولها مكسّر من الامطار اللي راحت

وسمعت ان القطعه المكسره مهي بهينه يعني بحدود ٣٠٠ كيلو !!

مادري عن صحة الحاجه هذي ؟؟

اتمنى اتمنى افادتي للي يعرفون الطريق .. وشكراً

تحياتي لكم ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أخوي نصيحة سافر طيران واشحن سيارتك افضل لك لان طريقه جدا سيء 


up 2 down 0
كروز_وبس 1042
قبل 8 سنه و 5 شهر



تروح بالسلامة وترجع بالسلامة

افضل من يجاوبك على تساؤلك عزيزي امن الطرق
اتصل عليهم
واخبرهم انك مسافر
مع العائلة هل الطريق صالح او لا
وستحصل على الرد الشااااافي ان شاء الله
نتمنى لك السلامة


up 3 down 0
العمدة 1434 1189
قبل 8 سنه و 5 شهر



اذا انت جاي مع طريق الرياض ومتجه جنوب ناحية وادي الدواسر جنوب على طريق الخرج تمسكه لين يجيك مخرج وادي الدواسر ناحية الرفايع 

وانتبه هناك ساهر ملغم تلغيم 


وامسك المخرج وخلك ماشي على طول الى ان تصل كبري الخرج بتكون في لوحة معلقة مكتوب فيها وادي الدواسر أمسك خطها وخلك ماشي سيدة ومتبع اللوحات 

خطها طريق واحد رايح جاي 

بالتوفيق أخي الكريم 


up 1 down 0
كروز_وبس 1042
قبل 8 سنه و 5 شهر



الله يعطيكم العافيه ..

اخوي كروز _ وبس .. انا هذي ثاني مره اروح بر للرياض 

المره الاولى السنه اللي راحت كان الخط ١٠٠٪ مو مكسر ولا شي

بس الحين سمعت ان الخط فيه تحويلات كثيره بفعل الامطار ومكسر تكسير 

وانا قلت سيارتي جديده وما ابغا اكسرها في ذاك الخط خصوصا اني سمعت انه بحدود ٣٠٠ كيلو حالته حااله

ما ادري عن صحة الخبر يعني الخط تعباان مرره والا شوي ؟

الله يوفقكم .



up 0 down 0
farctoz 269
قبل 8 سنه و 5 شهر



 انا سافرت عليه قبل شهر تقريباً فيه بعض المواقع جهة وادي الدواسر محفر الخط واكلتلي كم حفره لكن ماهي كثيره وشغالين يضبطون في الخط وهو بشكل عام طيب الى حد ما والتحويلات قليلة مره يعني توكل على الله وعليك بدعاء السفر والله يستر علينا وعليك


up 1 down 0
ابوخلوودي1 5070
قبل 8 سنه و 5 شهر



الله يعطيك العافيه على الافاده ابو خلوودي 1 ...

بالفعل مع دعاء السفر والتوكل على الله يزين السفر وتنطوي المسافه ..




up 0 down 0
farctoz 269
قبل 8 سنه و 5 شهر



دق على امن الطرررق 996 واستفسر منهم ويعطوك المعلومة مؤكده


up 1 down 0
faxl 248
قبل 8 سنه و 5 شهر



اخوي انا سافرت شهر 3 الماضي 

اذا كان معك عائله حاول انك تمشي جو 

لان الطريييق طويل 

الامر الاخر 

لاتمشي الا معك خوي عشان تتكافون في السواقه 

ولا تمشي الا اذا انت مفلل نوووووم

حاول انك تبدر شوي يعني بعد الظهر 

اذا كانت سيارتك مظلله 
وتكييفها ممتاز 

الامر الاخير 

انتبه من المطبات 

في جميع المحافظات والمراكز 

لانها تجي في اول المحافظه واخرها 
فانتبه 

نصيحه 
لاتمشي مع طريق الرياض القديم 
اللي هو طريق وادي بن هشبل 

كله تريلات والزفلت اعزكم الله مكدوووود

وتوصل بالسلامه 


up 1 down 0
عابر سبيل 2002 257
قبل 8 سنه و 5 شهر



 اخةي الخط من الرياض الى الوادي مهوب مكسر ولا شي انا سافرت من الرياض الى الوادي ولا فيه شي 
التحويلات فيه تحويلا لكن ماهيب واجده واتوكل على الله


up 1 down 0
abosif 197
قبل 8 سنه و 5 شهر



الله يعطيكم العافيه على النصايح ^^

انا باصلي الفجر وبامشي ان شاء الله ..

وانا لحالي ما معي عايله :)

وفقكم الله .. 


up 0 down 0
farctoz 269
قبل 8 سنه و 5 شهر



من الرياض الى الافلاج امورك تمام بس انتبه قبل الافلاج فيه تحويلة اعمال طرق
وقبل الافلاج الخط سريع بس يصير سيدين
الله يوفقك واجازة سعيدة بإذن الله :)


up 0 down 0
shmh
قبل 8 سنه و 5 شهر