استفسار بخصوص طريق وادي الدواسر

أخوي نصيحة سافر طيران واشحن سيارتك افضل لك لان طريقه جدا سيء 

تروح بالسلامة وترجع بالسلامة

افضل من يجاوبك على تساؤلك عزيزي امن الطرق
اتصل عليهم
واخبرهم انك مسافر
مع العائلة هل الطريق صالح او لا
وستحصل على الرد الشااااافي ان شاء الله
نتمنى لك السلامة

اذا انت جاي مع طريق الرياض ومتجه جنوب ناحية وادي الدواسر جنوب على طريق الخرج تمسكه لين يجيك مخرج وادي الدواسر ناحية الرفايع 

وانتبه هناك ساهر ملغم تلغيم 


وامسك المخرج وخلك ماشي على طول الى ان تصل كبري الخرج بتكون في لوحة معلقة مكتوب فيها وادي الدواسر أمسك خطها وخلك ماشي سيدة ومتبع اللوحات 

خطها طريق واحد رايح جاي 

بالتوفيق أخي الكريم 

الله يعطيكم العافيه ..

اخوي كروز _ وبس .. انا هذي ثاني مره اروح بر للرياض 

المره الاولى السنه اللي راحت كان الخط ١٠٠٪ مو مكسر ولا شي

بس الحين سمعت ان الخط فيه تحويلات كثيره بفعل الامطار ومكسر تكسير 

وانا قلت سيارتي جديده وما ابغا اكسرها في ذاك الخط خصوصا اني سمعت انه بحدود ٣٠٠ كيلو حالته حااله

ما ادري عن صحة الخبر يعني الخط تعباان مرره والا شوي ؟

الله يوفقكم .

 انا سافرت عليه قبل شهر تقريباً فيه بعض المواقع جهة وادي الدواسر محفر الخط واكلتلي كم حفره لكن ماهي كثيره وشغالين يضبطون في الخط وهو بشكل عام طيب الى حد ما والتحويلات قليلة مره يعني توكل على الله وعليك بدعاء السفر والله يستر علينا وعليك

الله يعطيك العافيه على الافاده ابو خلوودي 1 ...

بالفعل مع دعاء السفر والتوكل على الله يزين السفر وتنطوي المسافه ..

دق على امن الطرررق 996 واستفسر منهم ويعطوك المعلومة مؤكده

اخوي انا سافرت شهر 3 الماضي 

اذا كان معك عائله حاول انك تمشي جو 

لان الطريييق طويل 

الامر الاخر 

لاتمشي الا معك خوي عشان تتكافون في السواقه 

ولا تمشي الا اذا انت مفلل نوووووم

حاول انك تبدر شوي يعني بعد الظهر 

اذا كانت سيارتك مظلله 
وتكييفها ممتاز 

الامر الاخير 

انتبه من المطبات 

في جميع المحافظات والمراكز 

لانها تجي في اول المحافظه واخرها 
فانتبه 

نصيحه 
لاتمشي مع طريق الرياض القديم 
اللي هو طريق وادي بن هشبل 

كله تريلات والزفلت اعزكم الله مكدوووود

وتوصل بالسلامه 

 اخةي الخط من الرياض الى الوادي مهوب مكسر ولا شي انا سافرت من الرياض الى الوادي ولا فيه شي 
التحويلات فيه تحويلا لكن ماهيب واجده واتوكل على الله

الله يعطيكم العافيه على النصايح ^^

انا باصلي الفجر وبامشي ان شاء الله ..

وانا لحالي ما معي عايله :)

وفقكم الله .. 

من الرياض الى الافلاج امورك تمام بس انتبه قبل الافلاج فيه تحويلة اعمال طرق
وقبل الافلاج الخط سريع بس يصير سيدين
الله يوفقك واجازة سعيدة بإذن الله :)