مشكلة رجفه بسوناتا 2014

اخوي حسب مافهمت مشكلتك اذا عشقت القير الى D او R ضغط المكينة ينخفض شوي وكأنها راح تطفي وترجع طبيعية صح؟

توك مطلع السياره و فيها هالشيء 
يا عمي انقز الوكاله و بلغهم قبل لا يقولوا سوء استخدام نصييحه :) 

الرجفه ذي لأن السياره ما توصلها كهرب صح :) 
ممكن تكون من الاسبارك بلج  اللي هي البواجي 

هالمشكلة عندي من فترة بسيطة جدا ثلاث ايام او اربع ايام بالكابرس ماشيه 57 الف ووانت سيارتك 2014 ممشاها اكيد اقل من 20 الف وفيها نفس هالمشكلة!!!!!!

عرضت مشكلتي بالكابرس قبل يومين
http://montada.haraj.com.sa/21161

المهم انا مشكلتي اذا عشقت القير الى D او R ضغط المكينة ينخفض من 600 الى 470 والسيارة كانها راح تطفي وترجع طبيعية ...

مدري حسيت انها طبيعية لكن عشان اتاكد قلت خلني اروح لميكانيكي

وقالي سيارتك مافيها شي .. عشان تعيد البرمجة يبي لك تفك اصبع البطارية السالب بالليل قبل لا تروح تنام والصباح ارجع اشبك اصبع البطارية.. ثم دق السيارة السيارة سلف واترك السيارة تشتغل حتى توصل المكينة الى حرارتها الطبيعية بدون ما تشغل مكيف .. وبعدين حرك وخذ لك مشوار ابو ربع ساعة وبعدها شغل مكيف وجرب ووشوف تضبط معك او لا ..

انا فكيت البطارية من امس 11 بالليل ووالليلة برجع اشبك البطارية واشغلها وواوشوف ترجع طبيعية او لا ..

اذا رحت للوكالة ماراح يفيدونك بشي ماعندهم ما عند جدتي بسوون لك صيانة وبمبلغ وخرافي 400 - 500 ريال ومابتنحل مشكلتك .. انت تقدر تجرب هالطريقة قبل لا تروح للوكالة وهي مابتضرك ابدا او بتلغي الضمان ..

السيارة اذا هي على ضمان راح تتعب والبعض سيارته على الظمان تقعد اسبوع في الوكالة ولا يصلحونها ولا شيء صارت معي مشكلة في بطارية الكروز فضت مرة وولعة لمبة المكينة عندي يعني في حساس متعطل او شيء في المكينة رحت للوكالة على طريق خريص هناك واحد اعرفه معرفة وثيقة وقلت له مشكلتي وقالي تعال معي للظمان نسلمهم السيارة ونقول لهم المشكلة قالي السيارة بتقعد عندنا اسبوع وتبي فقط تغيير بطارية وش قلت تغيرها هنا ولا في الخارج قلت ولمبة المكينة قال مافي شيء افصل البطارية وارجع اشبكها وتروح لا تقلق قلت خير خليها عندكم وغيرو البطارية و جيتهم بعد اسبوع بعد ما كلمني الفني وقالي سيارتك جاهزة تعال استلم رحت لهم واستلمت السيارة وقبل احرك وقفني الفني وقالي دقيقة في تحديث لازم تسويه و بتقعد يومين زيادة قلت له ابي التحديث هذا اللي تقول عنه يخلص الالحين ما ابي اقعد يومين قال خلاص بنحاول وخلال ساعة سوى تحديث و أخذت سيارت وطلعت المهم قعدت معي البطارية قرابة6 اشهر فقط بعدين فضت قلت وش سالفتهم رحت واشتريت بطارية وركبتها والحمد لله ليومك هذا مافيها شيء

انا حبيت اوضح لك فكرة التعامل مع الوكالة ممكن تقعد اسبوع او اسبوعين عندهم ومشكلتك تنحل بشيء بسيط مثل فصل بطارية واعادة شبكها او هذه النقطة ركز عليها زين

اعرف السيارة جديدة ولاكن اعتقد ان عندك مشكلة في احد الحساسات تحل بأعادة البرمجة و نظف الثروتل بدي اعرف انه ممكن يكون نظيف لاكن سبحان الله يمكن يكون مجمع اوساخ والفلتر ممكن يكون متسخ جدا او يحتاج تغير واقصد فيه فلتر الهواء

بالتوفيق

وعليكم السلام ورحمه الله وبركاته

اسمح لي اخوي غربان ودة اللي رحت له هذا بنشري مو ميكانيكي

الطبيعي الـ RPM في مكائن الانجكترات (البخاخات) عموماً من 750 إلى 550 DFD-RPM
اذا ارتفع اكثر او نزل اقل هنالك مشكله بالتأكيد مافيها واحد اثنين وهي بدايه للمشكله تتطور ويصير يطفى
بالنسبة للكاربريتر يختلف يرتفع لـ 900 وإحياناً 1000 ماعندك مشكله بس لو ينزل عن 550 نفس الشي هنالك مشكله

هذا إقتباس لي في رد سابق على احد الاخوان نفس المشكله عندكم
حساس الايدل Idle Air Control Valve
هذا الحساس مسؤول عن سرعه الخمول العاليه وسرعه الخمول الواطيه
سرعه الخمول العاليه اللي هي يعلق الابنص مثلاً او اذا تحمي الصبح ما يرفع الارب بي ام ولازم تدوس بنزين
وسرعه الخمول الواطيه اللي هي نفس مشكلتك الان اثناء التعشيق ينزل تحت 550 DFD-RPM
والافضل تنظف الثروتل والحساسات المسؤوله مره وحده ومدام على الضمان وده الوكاله وريح

احد الاعضاء قبل فتره طرح نفس سؤالك اخوي المعاني
معاه سوناتا 13 / وكان هذا ردي له
هذا يا طويل العمر الوكالات تعتمد دائماً تعبئة السيارات الجديده بنزين بـ 5 ريال او ممكن اقل بكثير
وانت جربت بنفسك وتقريباً كل اللي طلع سيارة جديدة لاحظ هذا الشي احياناً بعد إستلام السيارة من الشركه او الموزع
تقول عسى توصلني للمحطه اللي حصل هنا إنو طول فتره وقوف السيارة في البواخر والميناء ومن ثم مستودعات الوكيل
لحين إنتظار المغلوب على أمره المستهلك يجي ويشتري يحصل مثل تندي لرأس التانكي او قشور بسبب البنزين قليل جداً ومع الحراره وعدم الاستخدام يسبب مثل الحلى انا اقول مثل الحلى ماقلت حلى لا يجي احد مطفي النور الان ويقلب علي
الوكيل يقولك طبيعي لانو اساسً مو عارفين ومو مبين عندهم اي مشكلة لذلك الحل ادخل على اسمي في المواضيع بتلاقي موضوع عن منظف عام للوقود من ميتسوبيشي وطريقه استخدامه انصحك فيه وان شاء الله تنحل امورك

في امان الله

اذا كان السوناتا بحول ميه الف وفيه العيوب في الله على الدنيا السلام

ياخي الكريم اذا كان بنزينك 91 حطه 95 كانت معي بغير السياره وراحت وشكرا

الله يعينك يا كثر خربات وعيوب السوناتا .. الله يعينكم يا راعين الهونداي @

الشكر موصول لك من ادلى بمشاركته . وعلى العموم يا اخوان انا قفلت نظام الايكو القيادة الاقتصديه .حسيت الفرق فعلا في اهتزاز المحرك
طبعا الكل يعرف من وين يغلق ويشغل نظامECO  من الضبط اللي بالطاره ويوضح معك في شاشة لمعلومات.ارجو من الجميع التجربه والافاده

ماله دخل نظام الايكو ابد وعلى فكره هي مجرد علامه تبين لك هل دعستك موفرة للوقود او لا

انا عندي سوناتا 2014 وصراحة السيارة وانا واقف عند الاشارة والقير على ال d وداعس على الفرامل السيارة تهتز بشكل غير طبيعي علما ان السيارة ماشية الحين 500 كيلو فقط






وفيه مشكلة ثانية الزنون في الواطي تهتز حتى والسيارة واقفة و طافية ما ادري هل هي طبيعية ولا لا

بلا كوري بلا هم سلم لي والله على الكامري 
لها معي 10 سنوات ماشيه 480 ألف بنزين وزيت وكفرات فقط ...
تنقص الزيت لاكن طبيعي ما تأثر بشي على المكينه

شباب صلو على النبي الحين انا بطلع سوسو او النترا وش تنصحوني عليه > وبعدين< السوسو مشاكلها المكيف والخفيفه بالخط فماادري 
وش تنصحوني عليه قبل لااندم> ومعي ماكسيما 2003 تعبت عليها من القطع الغيار< فماادر وش اخذ وسلامتكم 

والله يا شباب على كلامكم هذا بطلت اشتري سوناتا ...مع العلم طلعت علي 110000 وكالة
والكرايزلر 2008 نفس السعر

شوف حبيبي السيارات في هذا الزمن ماعدت مثل اول لكن الموضوع مو في السياره انا معي سياره صينه وستخدم السياره استخدام نضيف والله الحمد ماعنيت من مشاكل في السياره لكن عندك الشباب يروح يطلع السياره من الوكاله واليوم الثاني في الغرابي يروح يوديه عند ابو يمن يفك له المراتب ويفك قواعد الباب ويفك قواعد القزاز الخلفي والأمامي ويكيس ويجيك اليوم الثاني يشتكي يقول فيه صوت وقربعه جوا السياره لا تلوموني لكن هذا الاحصل تقدر تقوم من النوم وتركض لا الشباب يشفل السياره دقيقتين ويدعس وماتبون المشاكل في السياره البنزين يفضل تعبون

الشباب يشغلون السياره ودقتين ويمشي فيه لزم ياحبيبي السياره تحمي امش الزيت على حسب استخدم الشخص في الي يجلد الموتر وحق خطوط هذا لزم يغير كل 3000 كيلو لكن الي سواقته حشمه يغير على 5000 ويمكن اكثر ماعنده مشكله

والي يقهرني اكثر واكثر شركاة التاجير وقفو ماعاد يخذون من تايوتا الا شركة قليله وغلبه شركة صغير لكن ليه شركة بدت تاخذ هونداي لنه يحبيبي تكرف كرف غير طبيعي العمال يشغال السياره كل يوم 12 ساعه ويميشه اكثر 900 كيلو وعلى ذالك مافيه مشاكل الاحنا مشاكل

ياشيخ بلى تخريط السيارة حسب الاستخدام تجلد الموتر وتلعن والدينه تحمل المسؤولية لكن السواقة المظبوطة خصوصا على السوناتا تعطيك احسن ما عندها انا عندي سوناتا 2011 والممشي79,000 ممتازة الصراحة لكن في معلومة احب ااكد عليها انه مهما قالو لك حط بنزين95 حتى لو السوناتا الي معك مكينتها2,0 استاندر ولو تبي افضل ما عندها حتى لو يارس انا انصح بال95واحب اقول للناس الي تبي تخرب سمعة السوناتا بلى كذب          لعبتو بعقول الناس ياخي وبعدين لو فيها كل الاعطاال هاذي ماكانت انتشرت بهاذي الصورة واي واحد شرى سوناتا انصحه ما يبيع ابدوالسلام عليكم

ممكن سبب الرجفه من عدم التسخين..