سؤال عن إجراءات حادث

السلام عليكم

تراجع المرور وتآخذ خطاب موجه لشيخ الورش وتحمل السيارة معاك وتروح لأقرب صناعيه حولك
فيها تقديرات الورش بكل مركز تقديرات يوجد مرور تعطيك الخطاب اللي معاك ويختم عليه وتطلع برا فيه 3 مندوبين من 3 ورشات مصرح لهم يقدرون السيارات المتضرره ويشوفون السيارة وكل واحد يقيم كم تكلف ووش الاضرار
اذا الصدمه اقل من 5000 ريال يكتفى بتقرير الورش واذا اكثر من 5000 ريال يكتب على اوراقك تالف ويختم عليها المرور وتروح لشيخ المعارض ويشوفون السيارة 3 شريطيه من 3 معارض مصرح لهم بالتقدير
ويحصون الاضرار وكم تكلف وكم سعرها قبل الحادث وبعد الحادث كم سعرها ويعطيك خطاب مغلق للمرور
ترجع للمرور وتصور كل الاوراق اللي معاك واللي دفعته للسطحات وللتقديرات الصناعيه وشيخ المعارض
المرور بيعطيك صور طبق الاصل وخطاب لشركه التأمين

خلصنا من المرور الان تطلع لشركه التأمين
تروح لشركه التأمين وكل شركه تأمين لها مقر خاص بالنزاعات او التقديرات مو المكاتب الفرعيه اللي أمنت عندهم
المهم تروح ويعطيك فورم تعبيه وتذكر طريقه الحادث ومكانه والوقت وكل الامور التعقيدية اللي سويتها بالاول تذكرها في الفورم حق التأمين وتعطيها الموظف مع صور الاوراق اللي معاك ورقم بوليصه تأمينك
فـ يقولك الموظف وين تبي تصلح السيارة يعطيك خطاب للجهه اللي طلبت تصلح السيارة عندهم
اذا اخترت الوكاله مثلاً تروح وتدخل السيارة وهم يرسلون تسعيره ثانيه للسيارة والغريب ان تعبك الاولاني ولا شي ولا يعتمد كل من تقديرات الورش ولا تقديرات شيخ المعارض ويعتمدون كلام الوكاله او الجهه اللي طلبت الاصلاح عندها

الان فيه حاجات لازم تفهمها ولا راح تعرفها إلآ اذا سيارتك نظام تأجير من بنك الراجحي وسمعت شركه اليسر نفس النظام
بنك الراجحي يتعمد توقيع عقد التأمين مع شركه تكافل وانت بس موافق على الشروط
والشروط هي انو المطالبات انت العميل تقوم بها والتعويض لشركه الراجحي المصرفيه وليس لك
ولما الراجحي يستلم التعويض يسدد سيارتك سداد مبكر ويحسبونها بحسبتهم العاديه للسداد المبكر

مثلاً سيارتك باقي فيها 100 الف لما تسدد مبكر البنك يطلب منك 85 الف هذا مثال طبعاً
لنفترض سيارتك بعد الحادث تسوى 30 الف شركه التأمين تعطي الراجحي 30 الف والراجحي يحسب الاقساط اللي وصلتهم والدفعه اذا كان فيه دفعه اولى ويجمع المبلغ اذا غطى المبلغ المطلوب وهو 85 الف كان بها واذا في زود اعطوك الزود
واذا اقل يلزمك البنك تدفع الفرق ويسرقك وحقك يضيع بالنظام ولا تقدر تقول ثلث الثلاثه كم

ونظاماً اذا سيارتك 2012 التأمين يغطي لحد مبلغ 45 الف تلفيات
اذا اكثر تتلف السيارة وتعطى سياره بديله آخر مديل
هذا لو نظام تأجير وعند غير بنك الراجحي واللي يعملون نفس طريقه بنك الراجحي
لذلك يلييت اللي بيآخذ نظام تأجير يتأكد من هذه النقطه التأمين من يوقعه ويكون بإسمك مو بإسم البنك او شركه التقسيط

واذا السيارة كاش ومبلغ لااصلاح اكثر من 45 تتعوض سياره بديله على طول بالنسبة للمديلات الحديثه
اما المديلات القديمه شويات لها حسبه أخرى غير اللي ذكرت لك

وآسف على الإطاله

يعطيك العافية أخوي وبيض الله وجهك 

انا سويت من حادث تقريبا من ثلاث شهور ومؤمن شامل وكل اللي سويته 
خذيت تقرير  نجم للمرور ختمته ورحت للتأمين وقالوا لي اختار اي ورشة تحب تصلح سيارتك 
فيها بعدها وديت السيارة الورشة بعدها يجي مندوب من التآمين يشوف السيارة ويدفعون عنة 
والورشة تتصل عليك اذا خلصت السيارة هذا اللي صار معي 
مأمن شامل التعاونية مدري اذا تختلف الطريقة من شركة للثانية

انا سويت من حادث تقريبا من ثلاث شهور ومؤمن شامل وكل اللي سويته 
خذيت تقرير  نجم للمرور ختمته ورحت للتأمين وقالوا لي اختار اي ورشة تحب تصلح سيارتك 
فيها بعدها وديت السيارة الورشة بعدها يجي مندوب من التآمين يشوف السيارة ويدفعون عنة 
والورشة تتصل عليك اذا خلصت السيارة هذا اللي صار معي 
مأمن شامل التعاونية مدري اذا تختلف الطريقة من شركة للثانية

والله قصة طويلة الله يعينك بس ممكن تاخذ العلم من المرور ياخوك