سوناتا وهونداي بالكامل حرام وين الامان ..

الله يخارجه من الي هو فيه ويشفيه ويرجع لهله

الله المعين ياخوي السيارات مو مثل الاول
الحين كراتين اقل حكه تقص الباب نصفين هدا كيف لو الحادث قوي
الله يرحم اموات المسلمين

اذا الصدمة ماوصلت حساس الأيرباق فما راح ينفك ولو وصلت الصدمة حساس الأيرباق سواء الامامي او الجانبي ومافتح فلصاحب السيارة الحق بمطالبة الوكالة بتعويضه عما حصل من أضرار ولزوم يكون معه تقرير يثبت شكواه

هذي المواصفات والمقاييس الخليجية هي اللي تجيب السيارات معدومة الأمان وكأن ارواح الناس لعبة...
هذي ريو استاندر واحد معلن عنه بأمريكا مصدوم ولكن المفاجئة:
http://haraj.com.sa/112138052/%D9%83%D9%8A%D8%A7_%D8%B1%D9%8A%D9%88_2013_%D9%85%D8%B5%D8%AF%D9%88%D9%85/

ريو واربيقات طاله وحتى الجانبي!!!وطبعاً وزارة التجارة نايمة...
حسبي الله على كل من كان السبب...

    يمكن ماوصلت الصدمة لحساس الارباق والله اعلم

ياخي لاتلوم الشركة الام لوم الوكالات اللي عندنا 
ولا كيف برة هيونداي بتفوز وتاخذ نجوم عالية بالامان ?? 

يا اخوان المشكلة من الوكالات اللي عندنا المندوبين لهم هم اللي يطلبون مواصفات خليجية مافيها امان ولا شي فيه واحد من الشباب معة ازيرا امريكي والله ماشاء الله مريحة ورساوة وفيها الاامان عالي جدا بعد الله سبحانه وفيه واحد من الشباب معه سوناتا 2013 من الناغي والله انها خايسه ومافيها رساوة وكل لفة تبي تقلب وبديها كرتووون المهم انه ضرب عليها مطب يعني مو قووي مررة ونكسرر القير

شوف سيارتي النترا 
تقول فيه سببين ممكن يخلون الايرباق ما تطلع 

الاول عدم رط حزام الامان 
ويقول السبب انه ممكن تحصل اصابات خطيرة وقاتلة في حال ضربت بالاير باق بدون الحزام 
والاخر البريك الي قبل الحادث ممكن يخلي السيارة تنزل فالحساس ما ينصاب  

وبعدين المفروض المفحطين يتعلمون من المواقف هذي

سامر كيف انكسر القير ؟! يعني عصى القير ولاشنو بظبط

الله يشفي كل مسلم يارب

اول شي المقطع الثاني لكامري ستاندر

ثاني شي السوناتا الفل او نص فل بالاصح مثل اللي بالمقطع مافيها الا ايرباقين والاضرار واضح ان اللي متأثر السقف والجوانب ومثل ماوضح صاحب السيارة متقلب اربع قلبات وهذي اساسأ السيارة غير مجهزة بأيرباقات جانبيه اما المقدمه ماتضررت بشكل كبير واتوقع انها ماوصلت لحساس الايرباق واحتمال انه فيه مشكله في الايرباق لكن الرأي الاول هو الارجح

وهذا مايعني ان الكامري امانها افضل لا هي مشابه للهونداي لكن اللي يميز التويوتا ان الحين في كل الفئات من ستاندر ومن اليارس فيها ايرباقين اقل شي ونظام مانع الانغلاق الاي بي اس


والله يشفي صاحب السيارة وكل مسلم ولا يصيبكم اي مكروه

عكس هونداي اللي اهتمت بالشكل والاكسسوارات وتخلت عن الامان وهذي تضاف لحساب ابو لطيف والباقي لهونداي

الموضوع ومافيه دعايه لتويوتا
يبغى الشباب يتكلمون وذا يقول هونداي خايسة وذا يقول الكامري خايسة وكل واحد يتكلم في سيارة الثاني
ترى خلاص عرفنا المواضيع ذي شفنا في المنتدى منها كثير خلاص ارحمونا
والله ما الوم اي شخص ترك المنتدى والسبب المواضيع الخايسه 

مافيه شي يثبت انها فل كامل لان الفل هي الي فيها اربقات بالجوانب والنص فل ارباق واحد لسواق ولا ينفتح إلا في حال الصدمه جت من قدام

والجنوط مو دليل انها فل لانه تتركب من الوكيل او اقرب محل كفرات

المشكلة من الوكلاء مالها دخل الشركة الام عندنا الوكلاء حراميه لانه لو يطلب مع ايرباق بتطلع

اغلى عليه في الشراء علشان كذا مايطلب الايرباق ويرخص عليه سعر الشراء والمواصفات

اقل حتى من اي نوع هو يطلب مواصفات فقط بدون امان امريكا لا مواصفات وامان

اصل في شركة امان في امريكا يعملو اختبارات على امان السيارات والسيارة الي ماتنجح

مايدخلوها تخيل ذيك اليوم جايبين رئيس شركة تويوتا في المحاكمة لانه نصب عليهم

خلوه يصيح على التلفزيون هم مايعرفون رئيس ولا ملك تخيل الشركات في العالم تمشي

على نظام السوق الامريكي ولازم موافقة مدراء علشان يدخلون السيارة ويفحصونها ويجربوها

وتحقيق وكل شي وحتى انهم يطلبون عدد يرباق على اقل 5ايرباق لكل سيارة

وهنا عندنا 1ايرباق ومايفتح وقت الحادث والله حرام

الفل كامل يجيبها الوعلان بأيرباقين ولا الصحيح هي مواصفاتها اعلى من كذا وفيها مانع انزلاق وانغلاق ومواصفات كثيره لو تبحث اللي برى في اوروبا او في امريكا تشوف المواصفات وعلى فكره في امريكا نفس نظام وكلاء السعودية المواصفات تطلب على فيه انظمه هناك ان السيارة ماتدخل بدون مواصفات معينه وفي الغالب الامريكان يهتمون للامان قبل كل شي عكس عندك هنا والشركه الكوريه هونداي سامح هالشي لكل الدول ان الوكيل في االدول يختار المواصفات اللي يبيها بناء على مصالح وقوانين دوليه ثم يأتي المصلحه الشخصيه للوكيل وللشعب اللي يبي سيارة رخيصه وشكلها جيد عشان كذا دايم اقول ابعدو عن سيارات الهونداي السعوديه رح لدبي ولا الكويت قريبه منك وخذ منها واذا ماتقدر ياخي رح دور في المعارض بتحصل وخذ رقم الهيكل وشف يضمنها الوكيل عندك او لا عموما الكلام مامنه فايده لان والله قابلت واحد في المعارض قالي يارجال حنا اول نسوق دداسن ومواتر مافيها هالمزايا وماجانا شي طيب ياخوي هذا اول الحين تغير الوضع يمكن هالمزيا تنجيك بعد ربك بأمور انت في غنا عنها لكن لاحياة لمن تنادي


سؤال خارج عن الموضوع راعي المقطع يوم يقول فر ورن ومادري وش وش يقصد ؟

ي ذكي يمكنه قد صدم قبل كذا وطلعت اﻻربتقات وما سواها ..
فتح مخك

بعض السيارات ماينفك الارباق الا بالحزام لتجنب الاصابات  الكوري ممتاز يعني الحين الارباق لو انفك كان ماجاه شي ولا صار شي كذا كذا السياره بتنعدم 
الشي الثاني بعضهم يجلس يقولك امان وين السلامه ولية مايحطون طيب انت اول هل تربط الحزام لسلامتك وتتقيد بوسائل السلامه 

الله يكفينا وياكم شر الحوداث