استفسار عن مشكلة نقص زيت السيارة

شكلك تمشي ميتين هههههههه عموما راعي الخطوط اللي يسرع ينقص معه الزيت فنصيحتي لك تغير الزيت كل خمس او ست الاف كيلو

غريبه والله موتر جديد وينقص ، حاول تتابعه وإذا تأكدت فعلا من النقص على  طوول ع الوكاله مايبيلها

انا عندي سيارتي تنقص بعد ثمانية الاف كيلو لأني راعي خطوط وامشي بسرعات عالية فطبيعي هالنقص لكن لو كان بالمدينة فهذا مو طبيعي

فيه ناس تقول المشكلة من الزيوت الموجودة في السوق 
وبالنسبة للسيارات الجديدة فيها نقص زيت معقول مايأثر والسرعة لها دور
وتاكد من الزيت بنفسك لا تعتمد على كلام البنشري 

يارجال استخدم زيت مواصفاته حديثه sn سوا موتر كرافت او غيره شف اللي يناسب ميزانيتك وخذه وانصحك تبحث وتكتب موضوعك في منتدى السيارات الكوريه يفيدونك اكثر بالزيوت ومواصفاتها واللي يناسب سيارتك وفي الغالب استخدم هذي الانوواع 10 30 او 5 20 او 5 30 هذي اللزوجه للزيت انصحك بها والمواصفات اللي ذكرتها لك اهم شي لان الزيوت القديمه في الغالب تكون سودا اكثر من المواصفات الجديدة وتتحمل اكثر من القديمه من تجربه وانتبه تزيد الزيت او تنقصه اكثر من الحد اللي موجود في الكتالوج السيارة وانصحك تتطلع كذلك على الكتالوج لاجل تكتسب علم اكثر مايناسب سيارتك رغم ان الهونداي ينصحون بالزيت اللي انت حاطه لكن بالنسبه للزيت المكينه مو مهم انك تلتزم باللي في الكتالوج اما بالنسبه لغير الزيت التزم فيه وفي التغييرات الى حد ما وانا اسف على عدم ترتيب الكلام والاطاله وموفق

سعر العلبة 55 ريال شكلة غالي على الفاضي,
الف شكر لكم اخواني على الردود 

تبي النصيحه افضل زيت لسيارات هونداي كاسترول ماجتنك تجيك لون العلبة اخضر لزوجته10دبليو40 وتدعيلي

انا مع ابو حمد 

انا استخدم كاسترول ماجنتيك 10-30 دبليو   وبصراحه زيت ممتاز وكفائة عاليه  نصيحه لك 

اخوي حط زيت ابو 15 ريال وغير كل 5 الالف وريح راسك واذا تبي شغل عملي في موقع اجنبي تحط نوع وموديل سيارتك يحددلك تغيير الزيت كل كم كيلو

كل السيارات زيتها ينقص حتى اللكزس فلذلك لا تمشي عليه فوق ٣٠٠٠ :)

كل السيارات الجديدة تنقص
لكن نقص خفيف وﻻ يضر  وﻻ صرت راعي سرعه ينقص اسرع

وغير زيت كاسترول افضلك 

يإختصار ، من البديهي ان ينقص الزيت في السيارة وخاصة على الخطوط الطويلة وحسب السرعات
وانصحك ان تغير الزيت كل 5000 كم مع ان كتلوج السيارة مكتوب فيه بأن تزود الزيت كلما نقص 
فمعناها النقص طبيعي ،وتغير10000 كم حسب الكتلوج ، فخلينا على 5000 كم وذلك لحرارة الجو
عندنا ، للعلم كلما ارتفع الرقم بعد حرف W معناه لأعلى درجة حرارة والمنتشر عندنا اكثر شيء
20W50، وكل سيارة لها متطلب لعيار الزيت حسب الكتلوج وحسب الجدول الوجود فيه مبني على ا
الحرارة حسب بلدك .