لمن يريد الفائده تم تغيير ثلاجة الاكسنت وبعض المعلومات
26
6
إضغط هنا للإخفاء
السلام عليكم
يالله حيه الشباب قلت انزلكم هالموضوع للافاده عن الاكسنت
المهم دق علي اخوي قلي السياره ماعاد تكيف يطلع هوا حار ورحت لواحد وقلي ان الثلاجه مفقوعه ورحت للوكاله وقالوا لازم تدفع 1700 لانك ماسويت اي صيانه فالوكاله لحد 30 الف كيلو
بعد ماتدفع 1700 تكون تحت الضمان ونشييك عليها كامل بعدين نشوف وضع المشكله
قلتله اتركهم ودامك جاي الرياض خلنا نجرب الناغي فالرياض يمكن عندهم سالفه
اخت السياره ورحت للناغي فطريق خريص وشيك على السياره وقلي كهرب ماهي واصله للكمبروسر المهم جلس يتفقد الكهرب فيها وكلم واحد ثاني وقله شيك على الفريون اذا فاضي او لا ؟
وشيك قالي مافيه فريون روح للوعلان لان ماعندنا هنا فريون ؟؟ اجل ليه فاتحين صيانه
رحت للوعلان وقلتلهم عندي مشكله ابيكم تشيكون عليها
قلي الموظف سيارتك وكيلها الناغي ولا الوعلان ؟
قلت الناغي .. قال ايه طيب تعال خذ موعد بعد هر لان عندنا زحمه !!! >>> حسيت من اسلوبه وكلامه انه صرفني لان السياره وكيلها الناغي وماه تبع الوعلان
المهم رحت لطع الغيار قلت خلني اشتريها واركبها برى
قلي الثلاجه غير متوفره ولازم طلبيه من دبي ويمكن توصل بعد 3 اسابيع او اكثر وقيمتها 1320 !!
تركتهم ومشيت على تشليح الحاير ولقيت وحده حقت اكسنت 2013 ب 600 ريال اخذتها مع الجرم كامل لانها تجي داخل صندوق اسود
ورحت ركبتها برى ب960 والان السياره زي العسل ولقيت الثلاجه القديمه فعلا مفقوعه مدري وش السالفه هل هي من المطبات اللي اكلها اخوي الصغير ولا عيب تصنيع
المهم حاليا
صيانة الوعلان عليها زحمه وتعاملهم سيئ وعدم توفر قطع الغيار الغير استهلاكيه مثل ثلاجة المكيف
هذا اللي حبيت افيدكم فيه
إبلاغ
الردود
0
0
قبل 10 سنه و 7 شهر