رايكم محتار في سيارتين لو سمحتو هونداي سنتافي وجي ام سي

حاول تضغط على نفسك وتاخذ يوكن افضلا من جميع السيارات اللي ذكرتها

اما من اللي ذكرتها انا ارشح الفورتشنر أو البرادو وشرط يكون 6 سرندل

انصحك بيوكن 2008 فل كامل

ماقصرتو يالغالين اليوكن لا شك انه موتر لكن انا باخذ الموتر ايجار منتهي بالتمليك ف لازم آخذ جديد حدي فقط 120 الف كحد اقصى

الجي ام سي الجديد ابعد عنه توه نازل ومايندرى عن عيوبه ... الهونداي هو والجي ام سي ترى ماتعتبر جيوب ... زود قروشك شوي وخذلك فورشنر 6 سلندر والله ماتندم لاقطع لاصيانه وعند البيع يمسك سعره ممكن تلقاك شي جاي من الامارات نظيف لان قبل شهرين شرينا فورشنر وارد اماراتي نظيف .... ترى الامريكي بشكل عام ماينفع انه يستخدم مثل الجيوب اليابانيه استخدام شاق وقاسي

مع احترامي لجميع الاراء الي ماأدري وش تحس فيه الGMC بدون تفكير وبدون منازع فور شنر ياجماعة خافو ربكم وسنتافي وكلام فاضي الي من وجهت نظره ان هذه السيارات كفو فيحتفظ بوجهت نظره لنفسه فور شنر افشل سياره صنعت ي التاريخ لاراحه ولا عزل وصوت المكينة تقول انها طايره واسستعد للاقلع والسنتافي ذا ماادري اش اسمه اكيد ياحبيبي الGMC وماهو وانت مغمض وانت محتلم هههههههههههههههههههههههههههههههههههه

GMC و توكل على الله و السيارات الأمريكية فيها عزم و رساوة ممتازة التيرين أول مرة أشوفه لكن تحس شكله هيبة و وفخامة, الهونداي مع إحترامي لرأي الجميع أحس شكله خايس و لا في اي نوع من الفخامة, رساوة ما في عزل سيء جداً و أنا سافرت للشرقية مع زميلي بالعمل معاه سانتفيه تحس صوت الأسفلت عندك و لم تمر بجانب تريلا الهوا يلعب بالسيارة لعب.

الجي ام سي بدوووووووووووووون اي تفكير وحالول تاخذ فل واذا ما حصل مابو خلاف

ومبـــــــــــــــــــــــــــــــــــــــــــروك مقدماً

عليكم السلام ورحمة الله 
طيب مافكرت في جيب مازدا c9 
او c6 ؟
ممكن تلاقيه بحول هالسعر وموتر ياباني ياباني ومجرب مع واحد من الشباب ويمدحه 
وشكله جميل 
واذا ملزم على هالموترين رأيي تدفع الفرق البسيط وتاخذ ترين 
شكله اجمل وامريكي 

الترين لا يروح عليك .. 
ووالله ان الجي ام سي لك وللزمن 
وش تبغى بالبرادو اندونوسي تراه وعزله صفر بالميه ووالله اني طلعت مع خالي فيه
تصدق ماشيين خط والهوا يدخل علينا من ند مقابض اليد

وانا صح اني من عشاق هونداي لكن السنتافي ذا ماخش مزاجي 
الترين شكل جديد وحلو توكل على الله 

انا انصحك باليوكون او gmcعامتا

لكن فيه جيوب حلو وفخم اسمة فيروكروز الفل كامل منه ب114 شنطة كهرب وفتحة ومقاعد جلدعدد7 
تشغيل بصمة  والخيار لك

ومافي احسن من الاستخارة والف مبروك مقدما

أنا يالحبيب مع الأغلبية أفضل لك GMC من بين اختياراتك ...

جراءة وأفضلية من ناحية التصميم والشكل والمساحة والراحة الانسيابية والقوة مقارنة بالهيونداي

وأهم مواصفات جى ام سى تيرين 2012 GMC Terrain

سيارة من فئة الواجن ذات منظومة دفع امامى /رباعى
ابعاد السيارة الطول 185.3 بوصة * العرض 72.8 بوصة * الارتفاع 66.3 بوصة
قاعدة عجلات طولها 112.5 بوصة , سعة خزان الوقود 18 جالون
ادنى ارتفاع للسيارة عن الارض 6.9 بوصة , سعة المحرك 1997 سى سى
وزن السيارة الفارغ 1748 – 1880 كجم , عجلات 18 بوصة
تأتى بمحركان
محرك سعة 2.4 لتر , 4 سيلندر , بقوة دفع حصانية 182 حصان عند
6700 دورة فى الدقيقة , واقصى عزم 172 نيوتن متر عند 4900 دورة فى الدقيقة .
محرك سعة 3.0 لتر , 6 اسطوانات على شكل فى , بقوة دفع حصانية 264 حصان عند
6950 دورة فى الدقيقة , واقصى عزم 222 نيوتن متر عند 5100 دورة فى الدقيقة .
ناقل حركة اتوماتيكى 6 سرعات
تعليق امامى Independent Strut , تعليق خلفى Idependent Trailing Arm
4 اقراص فرامل مع تهوية خلفية , التحكم فى غلق الابواب الخلفية لحماية الاطفال , كروز كنترول
نظام مراقبة ضغط الاطارات TPMS , نظام الدخول المن بريموت كنترول , باور سترينج
نظام StabiliTrak للتحكم بالثبات الالكترونى (EPS) , نظام تشغيل مصابيح النهار DRL
مصدات جانبية فى الأبواب للحماية عند التصادم , وساداتان هوائيتان للسائق والراكب الامامى
وسائد هوائية علوية وخلفية , وسائد هوائية جانبية , احزمة امان ثلاثية التثبيت مع خاصية شد الاكتاف
مصابيح امامية هالوجينية ضبابية , مصابيح امامية اتوماتيكية ON/OFF , فرامل مانعة للانغلاق ABS
مقابض الابواب من الكروم بلون هيكل السيارة , المصدات بلون هيكل السيارة , نوافذ كهربائية امامية وخلفية
قفل مركزى للابواب الاربعة , مرايات قابلة للطى والتدفئة كهربائيا , مقاعد امامية من الجلد قابلة للتدفئة
تعديل مقعد السائق كهربائيا فى 8 اتجاهات مختلفة , امكانية تعديل المقعد الخلفى بنسبة 60/40
ماسحات زجاج امامية تعمل بسرعات مختلفة , ماسحات زجاج خلفية مزودة بسائل للتنظيف
زجاج خلفى مضاد للصقيع , كنسولة امامية فى الوسط , حاملات اكواب امامية وخلفية
10 سماعات بنظام BOSE مشغل AM/FM/CD مدخل USB , كاميرا للرؤية الخلفية

وأهم مميزات جى ام سى تيرين 2012 GMC Terrain
- سيارة اقتصادية فى استهلاك الوقود بمعدل 8.9 لتر/100 كم
- اقصى تسارع للسيارة من 100/0 فى 8.5 ثانية
- حساسات خلفية للمساعدة فى ركن السيارة
- نظام Anti Theft للحمايةعند سرقة السيارة
- ضمان 5 سنوات او 100.000 كم
- فتحة سقف قابلة للانزلاق كهربائيا


وهذا رابط يفيدك أكثر عنها :

http://www.s-oman.net/avb/showthread.php?t=779667

وهذا رابط آخر :

http://www.assayyarat.com/forums/thread189643.html

وفي الأول والأخير أستخير ربك وربي يكتب لك اللي فيه الخير ... آمين

أرجو قبول مروري والله يبارك لك فيما تختار وشكرا لك ...:)

التيرين افضل من غيره ويكفيك انه جي ام سي وصناعة كندية

لاذي ولاذيك أشوف أكاديا يكون افضل

أنا انصحك بسنتافي او فورتشنر
وسلامتك إذا تبغى توفر

والله اذا تبي الفخامه الجمس اكييد واذا تبي الاستعمال والكرف السنتافي اثبتت نفسها في الاعتماديه ... وسلامتك 

نصيحة محب . خذلك برادو 6 سليندر حط فلوسك دفعة أولى فيه وكمل أقساطه لمدة سنة أو نص سنة
أفخم وأحلى وشيك باليد سواء كصيانة ومتانة وعند البيع 

يقولو البرادو سريع الانقلاب ,, هل صحيح ؟

يقولو البرادو سريع الانقلاب ,, هل صحيح ؟

صحيح من اللي اسمعه

بحكم تجربتي لانواع عديدة من السيارات انصحك بالسنتافي الفل افضل من اللي ذكرتها كلها هذا رأي مجرب