تعليمات للألنترا جديده؟؟

اهم شي عداد الضغط مايتعدا 3 او 2ونص وبالنسبة للقير تقدر مايحتاج فرامل اذا السيارة واقفة لكن الافضل انك تدوس عليها
واللصق اللي عليها مايضر ان شاء الله الا انك تخليه فترة طويلة شهر مثلا والبنزين 91
ومبروك السيارة والله يعطيك خيرها ويكفيك شرها

هذا سوال يتكرر كثير يا الغالي ولو بحثت فى المنتدى راحت تحصله 
بخصوص تدريب مثل اي سياره لاتشد عليه والتجليد خله با الكثير اسبوع وشيله لو على انا 
شلته من اول يوم بخصوص البنزين معروف لافضل ٩٥ وزيت راح تقول لك الوكاله تعال بعد 
٥٠٠٠ عشان نغير لك زيت تحياتي 

وبخصوص غيار الزيت اللي اعرفه ان اول غيار مجاني على 1000 كيلو وبعض الشركات 5000 كيلو

الله يعطيكم العافية جميع 
أخوي محمد الحين مايقولوا أغلب السيارات الحديثة ان 91 أفضل لها 

كل استفساراتك تلقاها في الكتاب ذاك اللي يجي مغبر في الدرج ولا احد يقراه 

ههههههه إنت ناوي تعدم القير من أولها ,, لازم تضغظ ع الفرامل وتعشق في الدي من شان ما تنتع معك السيارة في القومة 


مبروك الموتر

مادري والله اول مره اسمع الكلام ذا ..لكن المعروف علمياً كل ما زاد نكوتين كلما كان افضل 
وفى المانيا اتوقع عندهم بنزين اعلى من ٩٥ واذكر اول قبل كان مافيه الى بنزين احمر الى 
هوه ٩٥ وحتي استاذ الكيميا اول يقول لنا ٩٥ افضل وانت شوف الى له مرتاح 

لا تشغلها اكثر من ساعتين عشان ماترتفع حرارتها لين تتعدى 1000 كم وتدخلها الصيانه يسون وزن لموافقه السياره للحرارة الجو السعودي امور روتينيه وانت عارف الحر كيف عندنا وابدا لا تشيل هم شي والف مبروك السياره 

بنزين 91 اخضر واللصق براحتك وبالنسبه لقير لازم تدوس فرامل والزيت عند الوكاله كل 1000 كيلو

اخوي محمد وش فيك افلمت هههههههه اسمه اوكتين وليس نوكتين هذا حق السجائر هههههههههههه

بالنسبه لاخوي صاحب الموضوع الار بي ام لا يتعدا 2 ونص 

القير لازم تضغط فرامل بس اذا بتقلبه قير عادي ما يحتاج

الاكياس فكها احسن لك من العين واحسن للمنظر

البنزين 95 افضضضضضضضضضضضضضضضل 

بالتوفيق

خذ نصايحي مع النترا ١٢ ~ 

الضغط لايرتفع عن ٣ ونص السرعه لاتتعدا ١٠٠ المكيف لاتزود عن طقه وحده بالليل الظهر طقتين التجاليد الافضل شيلها عن العين والبنزين لاتعبي غيرررررر ٩٥ . 

وبس موفق خير ويعطيك خيره ويكفيك شره ،

السلام عليكم ... اولا مبروك ياخوي على السيارة والله يعطيك من خيرها ويعديك شرها ويكفيك عيون خلقه وبالنسبة للتمرين يقصدون انك لا تجلد الموتر مررره يعني الظغط لايزيد عن 3 بالكثير والسرعة حاول ماتتعدا 120 تراها زينه وبالنسبة للقير يوم انك تقول اظغط الفرامل احسن لك انك تظغطه لان لو تدقق في السيارة لما تلمس الفرامل يطلع صوت عند القير بسيط هاذا الامان حق القير يفك وفي موتري السوناتا واضح مرررره وبالنسبة لأكياس الوكالة نصيحة اخو شلها ماتسوى عليك يشوفك احد ولا شي حتى لو مايعرفك ويفز لك في السيارة ترى العين حق وبرضوه اسلم للبدي يمكن تهملها وتطول مع شمسنا ثمن تلعب في البدي الا وسع صدرك بالموتر وقشع والبنزين افضل 95 على ماقال كل رخيص مخيس ولو ال 91 فيه خير مالقيته رخيص لانه رصاصه خفيف ويطير بسرعة ... والزيت اسال فيها الوكالة لان الان بعض الوكالات صارت تحط لك زيت ال 10,000 كيلو واذا قالوا لك مانحطه حطوا لك زيت عايدي فمشها 5000 ممتازه بحكم ان الموتر جديد ماشاء الله ... اسف على الاطالة تقبل مروري وشكرا

مبروك السيارة ويعطيك خيرها ويكفيك شرها

المهم انا شريت النترا 2014 اول ما نزلت
الي عليك في التمرين كالتالي

طبعاً التمرين الى 1000 كيلو ويفضل انك تستمر الى 1500

*لا يزيد عداد ال rpm عن ثلاثة
*لا تزيد السرعة عن 100
* المكيف استخدمه براحتك
* اللزق مو ضروري تشيلهم اول شيء بس لا تطول
*اذا كانت بصمة التشغيل يكون | ضغطة وتنتظر عشر ثواني وبعدين ضغطة ثانية وتتظر صوت الحزام يروح بعدين بريك وضغطة
*خلال فترة التدريب حمي السيارة لكن بعد فترة التدريب شغلها وانتظر عشر ثواني وامشي اقل من 100 الى ان تحمى وانت ماشي

أشكركم جميعا ووفقنا الله لما يحبه ويرضاه

الله يعطيك خيرها ويكفيك شرها 
لاتنسى تقرا عليها الاوراد والادعيه توكلا على الله سبحانه لرد العين والحسد عنها ..
ياما سيارات راحت تشليح بسبة ناس مايخافون الله 
والله يبارك لك ويرزقك من واسع فضله ،،

يعطيك خيرها ويكفيك شرها