أضف سؤال أو موضوع جديد          

تحققت امنيتي لـ تجربة الجينيسس _سلبيات وايجابيات_

up 15 down 11
فيصل العيسى -165
قبل 9 سنه و 2 شهر



السلام عليكم ورحمة الله وبركاته

.
.
.
.

اصبحتم مساءً

اما بعد :.
جيت اخذ علوم جيل الطيبين و واخبارهم ؟ وان شاء الله الجميع بصحة وعافيه


ملاحظه :. الموضوع سواليف وعلوم طيبه وبربره زايده
يعني الي مستعجل انصحه نصيحه اخويه لاا يقرأ الموضوع


طبعا الموضوع ينقسم إلى خمسة افرع
1) قبل القياده والعشق والوله
2) التجربة والإنطباع
3) الإيجابيات
4) السلبيات
5)نصيحه

.
.
.
.

بسم الله نبتدي


قبل القياده والعشق والوله
كانت فكرة تجربة الجينسس منذا نظرتها لـ النظره الأولى وانا خاق معها بجد >>>
طبعا من بعدها اصبحت امنيه من امنياتي تجربة هالساحره الجذابه

المهم مشت الأيام بالبحث عنها وعن تقاريرها ووو...ألخ
إلى ان صبحت عندي معلومات كافيه ووافيه عن السياره
* وطبعا مع كل معلومه يزيد اعجابي فيها أكثر وأكثر

المهم قبل شهر تقريبا او ثلاث اساببيع وانا مار من عند الوكاله وألمح جينسس مكتوب عليها Test Drive
وبدت سعابيلي تنزل لاشعوريا

والي قهرني اكثر كان وقت اختبارات << طبعا بعدها ولع العشق وأثر على نسبتي نوعا ما من كثر التفكير

ومضت ايام الإختبرات بيسر وسهوله وابشركم طلعت من الثانويه بـ نسبة 87 % تراكمي

وبعد ماخلصت الأختبارات اخذت التلفون ودقيت على موظف لي معه معرفه
المهم مالكم بالطويله رحب فيني ومن هالكلام وقالي شف اي يوم يناسك وتعال جرب السياره << الكلام يوم الاحد كان

المهم مافضيت الا يوم الأربعاء وادق على مكتبه مايرد وادق مايرد طبعا بعدها حسيت بالأحباط
وبعدها يأست ودخلت على موظف الاستقبال واسأل عن الموظف خوينا قالي مش بيداوم اليوم
المهم قالي أمر ومن هالكلام وعلمته بالسالفه والرجال ماقصر رفع سماعة التلفون ودق عشان يستفسرلي عن التجربه

المهم جابلي رقم الموظف المسئول عن السيارات الفارهه والتجربه
وانا بسجله شاف جوالي ونعجب فيه .. وسألني عن اسمه ومن اي شركه ومن هالكلام < قبل لاحد يسألني وش اسمه .. اسمه سوني اكسبيريا اس
طبعا قال وش مميزاته قتله الكام والشاشه قال لااكن مايتفوق على تصوير سامسونج
قتله معروف تصوير السوني ومن هالكلام لاكن لم يقتنع تماما انه افضل
وبعدهاا بدينا بـ شجار عنيف جدا وطلعت منتصر بنتيجه < ماشاء الله ياانا

واطلع من الوكاله متجه لـ البيت
وصلت البيت قلت بدق عليه عشان احدد الموعد
المهم واشوف الرقم واضغفط عليه لااكن الصدمه كانت اسم بدون رقم طلع

المهم من زود الفهاوه سجلت اسم الموظف المسئول عن السيارات الفارهه من دون ماسجل رقمه

بعدها طلعت البيت متجهه لـ الوكاله
ورجعت لنفس الموظف واخذت رقم الموظف المسئول لاكن الحمد الله كانت الامور طيبه وماقال تصور سامسونج افضل من سوني ولا كان


المهم أخذت رقم الموظف ودقيت عليه وقال السياره مشغوله المهم قالي متى تبغاه قتله ادق عليك العصر < وكل ذا الكلام يوم الأربعاء الصباح

المهم جاء العصر عشان اتفاهم معاه على التجربه وادق عليه وادق عليه لاكن دون فائده مايرد
قلت مايردك ياشنب حدد الوقت واليوم ورسله له بـ رساله بدون ماتتفاههم معه
المهم حددت يوم الخميس الساعه 8:30 والأسم ورستلها له


المهم جاء وقت اليوم المنتظر بفارق الصبر
وصحيت الساعه 7:00 صباحا
ومرني خويي تقريبا على الساعه 7:35
المهم قلت له بلاش استعجال وشوق وخرفات مالها سنع وخلينا نملي بطنا بعدها نتفاهم لـ الشوق والخروفات هذي
والحمد الله اكلنا وخلصنا واتجهنا إلى الوكاله

المهم وصلت عند القصر وبدأ قلبي ينبض وتوتر ماأدري وش لاني بشوفها بكامل زينتها

وبسم الله توكلت على الله وادخل القصر مدرعم واشوف الكوشه مظبطه ومزينه واتكيت وفي وسط الكوشه العروسه جالسه تنتظر عشيقها << تراها مش دراما تركيه

ووبعدها اتجهت للموظف ورحب فيني وكانت لي معه معرفة سابقه المهم بدأ يشرحلي عن السياره وعن المكينه خاصتا كيف نظام حقن البنزين وقال من افضل عشر مكاين عالميا ...ألخ

المهم النكبه ياولد كانت العروسه مش هذي وقال عروستك تحت بالكراج مش هذي قلت أحسن لانها هذي ملحه وسوده وعرجه بعد < بعدها تطمنت يارجل مالنا بالملحان هههههه


الممهم اخذ رخصتي وعمل المطلوب وبعدها قال تفضل معاي وبدأت نبضات قلبي تتزايد
قتله ياولد دقيقه قبل ماتزفني عليها وين دورة المياه < نوع من التصريفات المتعوب عليها

المهم وانا داخل بيت الراحه واموري مستعصيه وقاعد افكر في المزيونه<< هالفاضي ذا
المهم خلصت اموري من بيت الراحه ولله الحمد
وانا نازل لها اخذت لها صورة وهي تنتظرني بكامل رقتها ودلالها

التجربه والإنطباع

بسم الله ركبت فيها وعدلت الوضعيه من مرايات وكرسي ودركسون
وعدد ممشاها 1266 كيلو متر

اكن احد الطيبين في أحدى التجارب جاب فيها العيد وطير الباب ومدري وش معاها

المهم ركبت وحسيت برتياح نفسي عن جد من تصميم عدادات ومن تصميم كنسول ومن راحة المرتبه ومن ملمس الداخليه ومن مسكة الدركسون ...الخ

المهم توكلت على الله وتحركت و أول ملاحظه حسيتها تبريد المكيف ممتاز لاكن دفع الهواء بالخلف لك عليه مش ذاك الزود على كلام خويي

وبعدها طلعت على الشارع وكان ثاني ملاحظه النعومه بالعيون القطط لدرجه اني ودي دايم امشي عليهم من النعومه

المهم وبدأت التجربه الفعليه من ناحيه نعومه التبديلات وسلاستها في المشي
والله اني ماابالغ سمعت صوت المنبه لـ السرعه120 وانصدمت اني قاعد امشي 120 ماحسيت بالسرعه ولا بالتبديلات نهائيا

وكان ثاني تجربه لها في منعطف وتمت التجربه على سرعه 160 وكانت أكثر من ممتازه وكذالك تمت تجربتها في الدوار على سرعة 60 إلى 70 تقريبا كنت ابغى اختبر ميلانها وتوازنها في المنعطفات واخذت مني 10/10 بالإضافه مريت عليها على كميه رمل متجمعه وكان ثباتها ممتاز وعالي ولاحسيت اني مار على كمية رمل في دوار

وثالث اختبار كان التسارع كان مقبول جدا إلى ممتاز لشخص غير هاوي لـ التسارعات والمطارحات بسبب تجربة محرك بسعة 3.3 لتر و 260 حصان تقريبا
واثناء تسارعها كانت ثابته من غير ارتفاع واضح في المقدمه وكان الدركسون ثااابت مع التسارع من غير اهتزاز او قله في السيطره ولله الحمد

ورابع اختبار الرساوه وصراحه تحس السياره ثقيله وماسكه بالأرض بشكل ماتوقعته نهائيا ومريت بجانب شاحنة محمله على سرعه 160 ولاحسيت بإزاحة قليله في السياره او شيء ثاني بسبب فرق الضغط ولله الحمد


وخامس اختبار كان العزل الأرضي و الهواء وبرضوا العزل الأرضي اخذ مني 10/9 وعزل الهواء اخذ مني من 7إلى8 /10
طبعا زجاج السياره مش مدبل ولا فيه عزل لصوت الخارجي ولا الداخلي + جاية ضربه في الباب فا ممكن مؤثر على العزل نوعا ما من تنسيم وغيره

وسادس اختبار كان النظام الصوتي
عجبني بجد مع انه مش نظام ليكسيكون
والدفيف حاجه ثاانيه هز قلبي هز

وكذالك عجبتني ابعاد السياره واضحه جدا وقيادتها سهله واشوفها اوضح من السوناتا


الإيجابيات :.
1) سعر ممتاز جدا مقابل مواصفات ودفع خلفي
2) رساوه ممتازه + ثبات عالي
3) نظام صوتي خطير
4) راحه حلوه جدا لـ مقاس الجنوط 18
5) ضمان مميز من المجدوعي
6) سلاسه ونعومه في المشي لدرجه ماتحس نفسك وانت تمشي

طبعا في اشياء لاتحضرني الأن واذا تذكرت راح احطها في إحدى الردود


السلبيات :.

1) عزل نوعا ما مشي حالك ((((( لسيااارة التجربه وذكرت الأسباب بالسااابق )))))
لاكن على كلام الموظف يقول عند ولد عمه مدري منو جينسس فل يقول والله ماابالغ اشوف عزلها خياااالي جدا

2) ضعف دفع الهواء للمراتب الخلفيه ( وهذي برضوا السلبيه موجوده بالسوناتا )

3) عدم توفرها بمكينه V8 الا في فئة البرادا لوكيل المجدوعي

4) بعد المرآه الجانبية اليمنى تختلف عن الجهة اليسرى

تقريبا هذا اللي يحضرني من سلبيات


نصيحه :.
الي يفكر ياخذله أزيرا او كادينزا فل بدل جينسس ستاندر فهو غلطان

صحيح الجينسس تصبح شحيحة المواصفات مقارنتا بـ الأزيرا والكادينزا الفل
لاكن كا قياده لااتقارن نهائيا وكاجودة خامات لاتقارن نهائيا



وأخيرا :.
واتمنى تعذروني اذا طولت عليكم بالهرج الزايد لاكن حبيت اوضح مدى عشقي لهذي السياره و ادق التفاصيل الي صارت معي اثناء التجربه


شكرا لمتابعتكم


للامانة منقول
والمصدر
http://www.koreanbeast.com/koreanbeast42529













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماشاء الله تبارك الله الله يزقنا ويزقك بواحده زيها 


up 1 down 2
ولد المدينة 2014 1307
قبل 9 سنه و 2 شهر



فيصل العيسي ';' اخوك محمد العيسي وانت الي في شباب البومب كل موضوع ابي اسيلك هههههههه


up 0 down 2
os 5 -38
قبل 9 سنه و 2 شهر



هههههه لا يالغالي مهوب انا
ولا ادري هو يقرب لنا اول لا انا من العيسى شقراء


up 1 down 0
فيصل العيسى -165
قبل 9 سنه و 2 شهر



عفوا خطاء مطبعي ........... او لا


up 0 down 0
فيصل العيسى -165
قبل 9 سنه و 2 شهر



ماشاء الله عليك حنا متخرجين من الجامعه ولا عندنا حتى سيكل
الله يوفقك وانتبه من السرعه


up 2 down 2
mgtaa7 -2
قبل 9 سنه و 2 شهر



لو م اعرف الجينسس بقول انها الماني من طريقةة كلامكك اولا و اخيرا نبيقى هونداي


up 4 down 3
العمري محمد 2
قبل 9 سنه و 2 شهر



جزاك الله كل خير اخي فيصل ..
الله يرزق كُلٌ منكم مايتمنى ..


up 2 down 0
bmw 2013 369
قبل 9 سنه و 2 شهر



الصوره الي قبل الاخيره
هذي ماهي داخليه الجينسس
والجينسس سياره روعه بكل معنى الكلمه
وخلال الاشهر القادمه سيعلن عن جينسس الشكل الجديد الي راح يكون ابداع
ويكون فيها مواصفات خياليه
تحياتي لگ ,,


up 4 down 1
azera .. 2012 3504
قبل 9 سنه و 2 شهر



ماشاءالله عليك انت مبدع حول تبعد عن المبا لغة والعبط زي بيت الراحة ومن كلام هذى


up 1 down 0
الراس عالي 43
قبل 9 سنه و 2 شهر



ممتازة الجينيسس بالدفع الخلفي
لكن اتمنى الجيل القادم يحسنون تصميم الداخليه القديمه
الطبلون و الطاره كنها ازيرا الموديل السابق


up 1 down 0
أبو نجوى 2443
قبل 9 سنه و 2 شهر



مساعد الواحد للهيدروليك 7500 ريال قيمته .. وقيس على ذلك والله حرام فلنهايه هونداي


up 1 down 4
adil ali 1738
قبل 9 سنه و 2 شهر



والله هونداي ولا تستاهل هالمبلغ سراحه ياللي عطيتني ديس لايك وكثر ش
طه بعد تراني مافكرت فيها ولعلمك اني من اول اسبوع فالمنتدى مشارك وشف مواضيعي القديمه .. ولكن اخذ واعطي ولايهمني النقاط والا كنت 15 او 20 الف اقل شي ..

نرجع لموضوع جنيسس اتمنى من اللي له رغبه يشتري يمر قطع الغيار ويسال عن كم قطعه وخصوصا الاستهلاكيه وشوف


up 0 down 2
adil ali 1738
قبل 9 سنه و 2 شهر